Skólavarðan - 01.09.2001, Blaðsíða 26
Orlofsmál
Félagar, athugið breytingar á
pöntun og greiðslu fyrir orlofs-
hús. Hægt er að hringja/senda
tölvupöntun hvenær sem er,
ekki einungis fyrsta virkan dag
hvers mánaðar. Þetta er til að
koma í veg fyrir mikið álag
þessa tilteknu daga, auk þess
sem orlofsvikur kláruðust
gjarnan á einum klukkutíma eða svo. Nú má semsagt panta
hvenær sem er og allt að fjóra mánuði fram í tímann, en at-
hugið að greiða þarf fyrir húsið um leið og pantað er.
Vetrarleiga
Í vetur verða eftirtaldir staðir í boði fyrir félaga Kennarasam-
bandsins:
• Sóleyjargata 33, 4 íbúðir og 5 herbergi
• Ásabyggð við Flúðir, 13 fullbúin orlofshús með heitum
potti
• Kjarnaskógur við Akureyri, nýtt orlofshús
• Eystra Miðfell í Hvalfirði
Hægt er að panta húsin og íbúðirnar með allt að fjögurra
mánaða fyrirvara en staðgreiða þarf við bókun
Uppstillingarnefnd aug-
lýsir eftir frambjóðendum
Uppstillingarnefnd Kennarasambands Íslands hefur auglýst
eftir frambjóðendum til formanns og varaformanns sam-
bandsins, en kosið verður til þessara embætta í skriflegri alls-
herjaratkvæðagreiðslu eigi síðar en fjórum vikum fyrir þing
Kennarasambandsins sem fram fer dagana 8. - 9. mars 2002.
Einnig hefur uppstillingarnefnd auglýst eftir tilnefningum til
eftirtalinna trúnaðarstarfa sem kosið verður til á sjálfu þinginu:
Kjörstjórn, stjórn Endurmenntunarsjóðs, stjórn Orlofssjóðs,
stjórn Sjúkrasjóðs, stjórn Vinnudeilusjóðs, uppstillingarnefnd
og skoðunarmenn reikninga.
Auglýsing uppstillingarnefndar:
Uppstillingarnefnd Kennarasambands Íslands auglýsir eftir
frambjóðendum til eftirtalinna trúnaðarstarfa:
1. Formanns og varaformanns. Í þau embætti verður kosið í
almennri atkvæðagreiðslu sem skal fara fram eigi síðar en fjór-
um vikum fyrir þing.
2. Starfa sem kosið verður í á þinginu 8-9. mars 2002: Kjör-
stjórn, stjórn Endurmenntunarsjóðs, stjórn Orlofssjóðs, stjórn
Sjúkrasjóðs, stjórn Vinnudeilusjóðs, uppstillingarnefnd og
skoðunarmenn reikninga.
Tilnefningum um formann og varaformann Kennarasam-
bandsins skal skila fyrir 8. október 2001 og tilnefningum í aðrar
trúnaðarstöður fyrir 8. nóvember 2001.
Aðsetur uppstillingarnefndar er í Kennarahúsinu, Laufásvegi
81, 101 Reykjavík. Þangað má einnig senda tilnefningar í tölvu-
pósti á eftirfarandi netfang: ki@ki.is
Uppstillingarnefnd biður trúnaðarmenn að kynna þetta mál-
efni á kennarafundum og hvetur félagsmenn til að vinna heils-
hugar að tilnefningum til trúnaðarstarfa úr sem breiðustum
hópi.
Nefndin
Auglýsingu uppstillingarnefndar er einnig að finna á tilkynn-
ingasíðu heimasíðu KÍ, http://www.ki.is/tilkynningar.htm.
Frá uppstillingarnefnd SÍ
Uppstillingarnefnd Skólastjórafélags Íslands auglýsir eftir
frambjóðendum til eftirfarandi trúnaðarstarfa: Formaður SÍ,
fjórir til setu í aðalstjórn, þrír til vara, tveir skoðunarmenn,
tveir til vara.
Kosið verður í þessi embætti á aðalfundi SÍ sem haldinn
verður laugardaginn 3. nóvember 2001.
Tilnefningar verða að berast til uppstillingarnefndar Skóla-
stjórafélags Íslands
Kennarahúsinu við Laufásveg eigi síðar en mánuði fyrir að-
alfund.
Fyrir hönd Uppstillingarnefndar
Gunnar Svanlaugsson formaður
Sókrates
Styrkir til evrópskra
samstarfsverkefna
SÓKRATES/Comenius styrkir skóla á leik-, grunn- og fram-
haldsskólastigi til ýmiss konar evrópskra samstarfsverkefna
sem skiptast í þrjá flokka:
1. Samstarfsverkefni skóla sem byggjast á þátttöku nem-
enda. Þau geta verið af ýmsum toga og fara að miklu leyti eftir
hugmyndaflugi kennara og nemenda. Verkefni geta varað í allt
að þrjú ár og verið a.m.k. þriggja landa samstarf. Heimsóknir
kennara milli landa sem taka þátt eru styrktar auk þess sem
skólinn fær 1500-2000 evrur fyrir stjórn verkefnis.
2. Gagnkvæmar nemendaheimsóknir. Byggjast á tungu-
málaverkefnum nemenda, fjórtán ára og eldri, og miðað er við
a.m.k. tíu nemenda hóp. Heimsóknir standa yfir í tvær vikur og
unnið er að verkefni áður, á meðan og eftir að heimsókn lýkur.
3. Skólaþróunarverkefni sem miða að þróunarstarfi í skólum,
kennarar og skólastjórnendur frá a.m.k. þrem löndum vinna
saman. Sókrates/Comenius styrkir einnig endurmenntun kenn-
ara. Hægt er að skoða námskeiðin sem eru í boði á heimasíðu
skrifstofunnar/handbók Comeniusar. Þá geta skólar fengið að-
stoðarkennara frá e-u ESB landi í 3-8 mánuði til að kenna
tungumál. Landsskrifstofa Sókratesar www.ask.hi.is aðstoðar
við leit að samstarfsaðilum.
Sókrates/Grundtvig styrkir samstarf stofnana er sinna full-
orðinsfræðslu til að koma á námskeiðum eða þróa námsgögn.
Kennarar í fullorðinsfræðslu geta einnig sótt um endurmennt-
unarstyrki í e-u ESB landi.
Sókrates/Lingua snýr að eflingu tungumálakennslu. Um er
að ræða þriggja landa samstarf. Umsóknarferill er tvískiptur,
tillaga send inn fyrir 1. nóvember og ef hún fær jákvæðar und-
irtektir er lokaumsókn send inn fyrir 1. mars. Menntastofnanir,
útgáfur og fleiri aðilar geta tekið þátt í Lingua-verkefnum.
Landsskrifstofa Sókratesar veitir aðstoð við gerð umsókna og
leit að samstarfsaðilum.
Sókrates/Minerva styrkir verkefni í opnu námi og fjarnámi.
Um er að ræða a.m.k. þriggja landa samstarf og þarf tillaga að
verkefni að berast fyrir 1. nóvember nk.
Smáauglýs ingar og t i lkynningar
29
Skilaboð frá skrifstofu