Skólavarðan - 01.09.2001, Blaðsíða 13

áherslu á fjölbreytta kennsluhætti. Á vegum FMR er og haldið
námskeið fyrir Austurbæjarskóla um fjölmenningarlega kennslu-
hætti. Kennari er Guðrún Pétursdóttir verkefnisstjóri Miðstöðvar
nýbúa og er ráðgjöf tengd námskeiðinu.
Vert er að benda á að í stefnunni er talað um kennslu í íslensku
sem öðru tungumáli en ekki nýbúatíma. Lögð er áhersla á að laga
þurfi stoðkerfi skólanna betur að þörfum
þessara barna. Að sjálfsögðu eiga þau að hafa
sama rétt og aðgengi og önnur börn að allri
þjónustu sem skólakerfið býður upp á, s.s.
sérkennslu, sálfræðiaðstoð, lengdri viðveru
og námsráðgjöf svo að fátt eitt sé talið. Slík
aðlögun tekur tíma og kostar fé.
Fjöldi þróunarverkefna fékk styrki í ár
Í samvinnu við Fræðslumiðstöð hefur
Austurbæjarskóli sett af stað þriggja ára fjöl-
breytt skólaþróunarverkefni sem miðar að
fjölmenningarlegum kennsluháttum. Verk-
efnisstjóri er Nína Magnúsdóttir móttöku-
deildarstjóri. Þess má geta að í haust verður
10. bekk boðið upp á valgrein í fjölmenn-
ingu. Í skólanum vinnur hópur kennara að
þróunarverkefni sem felur í sér einföldun á
rúmfræðihluta stærðfræðinnar, erlendum
nemendum til gagns. Í verkefni Ruthar
Magnúsdóttur fyrrum móttökudeildarstjóra í
Vesturbæjarskóla verður byggt upp markvisst og skipulagt möppu-
mat fyrir erlenda nemendur. Skólasafnskennararnir Ragnheiður
Jónsdóttir og Ragnhildur Helgadóttir leitast við í þróunarverkefni
sínu að koma völdum sögum og ævintýrum í það form að erlend
börn og foreldrar þeirra geti haft gagn og gaman af. Stöllur í Fella-
skóla, Sigurlaug Hrund Svavarsdóttir nýbúakennari og Hrönn
Baldursdóttir námsráðgjafi, vinna að því að þýða og einfalda skóla-
handbókina yfir á nokkur tungumál til upplýsingar fyrir erlenda
foreldra. Anna Guðrún Júlíusdóttir móttökudeildarstjóri í Breið-
holtsskóla og Þuríður Árnadóttir nýbúakennari vinna að nýjum að-
ferðum í kennslu í íslensku sem öðru tungumáli og er tekið mið af
kennsluaðferðunum Precision Teaching og Direct Instruction.
Anna Guðrún fékk auk þess styrk til að koma á laggirnar heima-
síðu um upprunalönd nemenda móttökudeildar Breiðholtsskóla.
Ýmsir ráðgjafar eru tengdir þessum verkefnum og nokkrir aðilar
standa að styrkveitingum, ber þar fyrst að nefna Fræðsluráð, Verk-
efna- og námsstyrkjasjóð KÍ, Rauða krossinn, Hagþenki og
menntamálaráðuneytið.
Síðastliðið ár mátti skynja vakningu í samfélaginu
Við kennsluráðgjafar í nýbúafræðslu á FMR eigum og þurfum
að hafa samstarf við margar stofnanir sem hafa með mál nýbúa að
gera. Finna má að margir starfsmenn þeirra vilja gjarna leggja sitt
af mörkum en ennþá skortir nokkuð á að málaflokknum hafi verið
markaður rammi og fé. Viljinn dregur þó hálft hlass. Nokkrar
ágætar ráðstefnur og þverfagleg málþing hafa verið haldin sem
hafa vakið fólk til umhugsunar. Fjölmiðlar fjalla um málin af meiri
áhuga, þekkingu og raunsæi en áður. Gott er og að sjá þá breyt-
ingu að útlendingar kynna sig sjálfir og leggja fram hugmyndir
sínar og viðhorf til samfélagsins.
Knappt yfirlit yfir það sem er á döfinni
Rauði krossinn hefur í bígerð að leita til kennaramenntaðs fólks
til að veita börnum af erlendum uppruna málfarslegan stuðning.
Mentor-verkefnið sem Valgerður Ólafsdóttir og Þórdís Þórðar-
dóttir kennarar í KHÍ eru í forsvari fyrir er mjög áhugavert en það
mun í stuttu máli ganga út á að hópur barna í Háteigsskóla og.
Austurbæjarskóla, sem búa við ónóg tengsl í fjölskyldum, fái að
njóta þess að hafa jákvæð tengsl við fullorðinn, ábyrgan aðila og
verða fengnir nokkrir háskólastúdentar til þess starfs. Heyrst hefur
að nokkrar félagsmiðstöðvar hyggist beita sér fyrir fjölmenningar-
legra starfi og ætli sér að vinna markvisst að því að laða til sín börn
af erlendum uppruna. Vert er að benda á að bæði ÍTR og Félags-
þjónustan í Reykjavík hafa gefið út stefnu sem segir til um áætlanir
þeirra. Síðast en ekki síst ber að nefna að í haust mun taka til starfa
alþjóðahús í Reykjavík og er það mikilsverður áfangi. Búið er að
ráða forstöðumann og munu starfsmenn Miðstöðvar nýbúa starfa
þar ásamt fleiri sérfræðingum. Vonandi mun hluti af formlegu
móttökuferli hússins með tímanum felast í því að sérvaldir kenn-
aramenntaðir túlkar kanni námslega stöðu og bakgrunn erlendra
barna, sem eru að hefja skólagöngu í Reykjavík, svo að auðveldara
verði að mæta strax þörfum þeirra. Það mun og koma að gagni við
að tengja fortíð og framtíð.
Sumarskóli fyrir erlend börn
Sótt var um fyrir rúmlega 100 börn, eða 30 fleiri en í fyrra, og
komust ekki allir að sem vildu. Skólinn stóð í sautján virka daga.
Um er að ræða vaxandi verkefni og ef til vill kominn tími til að
festa sumarskólann betur í sessi en verið hefur. Nemendur fá
kennslu í íslensku fram að hádegi og sjá þrautþjálfaðir kennarar um
hana. Eftir hádegi voru um 70 börn á leikjanámskeiði á vegum
ÍTR. Sumarskólinn er foreldrum nemenda að kostnaðarlausu.
Fyrir þá sem ekki þekkja vel til er vert að taka fram að um er að
ræða samvinnuverkefni Fræðslumiðstöðvar, Námsflokka Reykja-
Nýbúafræðsla
15