Skólavarðan - 01.10.2014, Qupperneq 8

„Stjórn Kennarasambands Íslands harmar að í fjárlagafrum-
varpi ársins 2015 skuli enn vera þrengt að framhaldsskólum
landsins og aðgengi ungs fólks að námi skert. Rekstur fram-
haldsskóla landsins er fyrir löngu kominn að þolmörkum. Það
skýtur því skökku við að á sama tíma og stjórnvöld afþakka
tekjustofna er boðaður áframhaldandi niðurskurður í skóla-
NHU¿QX³VHJLUtiO\NWXQLQQL 
Framhaldsskólunum hefur á hverju
ári frá hruni verið gert að spara í rekstri
sínum. Hjalti Jón Sveinsson, skólameist-
ari Verkmenntaskólans á Akureyri og
formaður Skólameistarafélags Íslands og
Félags íslenskra framhaldsskóla, segir
í samtali við Skólavörðuna að enn einu
sinni standi skólarnir frammi fyrir því
að fá ekki nægilegar fjárveitingar til að
greiða kennurum laun.
„Laun eru um 80% af rekstrarkostn-
aði framhaldsskólanna. Ráðuneytið not-
ar svokallaða launastiku til að reikna út hversu mikinn launa-
kostnað hver skóli ber og í fyrra var 20% munur á útreikningum
hennar og raunverulegum launakostnaði skólanna. Það er
aðeins stoppað upp í gatið nú en munurinn verður engu að síður
að óbreyttu um 12% á næsta ári. Það þýðir að við þurfum áfram
að taka fé úr öðrum rekstri skólanna til að greiða laun sem hefur
alls konar áhrif. Við höfum ekki svigrúm til að endurnýja tæki og
tól. Við þurfum að kenna nemendum í alltof stórum hópum og
svo má lengi telja,“ segir Hjalti Jón.
Gjörbreyting á menntapólitík
Framhaldsskólanemar voru 19.600 árið 2014 en gert er ráð fyrir
að þeir verði aðeins 18.700 á næsta ári. Fækkunin skýrist ekki af
því að færri muni sækja um nám á framhaldsskólastigi, heldur af
því að takmarka á aðgengi 25 ára og eldri að námi í framhalds-
skólum. Þessum hópi verður í staðinn ýtt inn í símenntunar-
stöðvar, háskólabrú o.s.frv.
Hjalti Jón Sveinsson,
formaður Skólameist-
arafélags Íslands
og Félags íslenskra
framhaldsskóla.