Skólavarðan - 01.10.2014, Blaðsíða 50
MOLAR OKTÓBER2014
ÞAÐ SEM BÖRN LEGGJA Á SIG
Ingileif Ástvaldsdóttir
(#ingileif), skólastjóri í
Þelamerkurskóla, er í hópi
öflugustu tístara og birtir
áhugaverð tíst oft í viku.
Fyrir stuttu birti Ingileif slóð
á Twitter þar sem greint er frá
25 hættulegustu og erfiðustu
leiðum sem börn í heiminum
þurfa að fara í skólann. Það
er ótrúlegt hvað skólakrakkar
leggja á sig á degi hverjum.
Börn í Gulu í Kína þurfa t.d.
að ganga fimm klukkustunda
langa leið, og mest af henni
á þröngum fjallastíg í mikilli
hæð, til að komast í skólann
sinn. Myndirnar tala sínu
máli.
SPJALDTÖLVUSPJALL
Spjaldtölvur í námi og
kennslu nefnist hópur á
Facebook þar sem fólk
skiptist á upplýsingum um
notkun spjaldtölva í kennslu.
Það er auðvelt að finna
hann, einfaldlega með því að
slá inn í leitarreit Facebook:
Spjaldtölvur í námi
og kennslu.
Hópur-
inn
stækkar
jafnt og þétt
og telur nú hátt
á fjórða þúsund manns. Um-
ræðan á vefnum er fróðleg
og margir duglegir að setja
inn ábendingar um sniðug
forrit eða öpp sem gagnast í
kennslustofunni. Svo er líka
hægt að varpa inn spurning-
um og leita ráða.
Stofnendur hópsins eru
þær Elsa Dóróthea, Guð-
laug og Hanna Rún en þær
stunda allar meistaranám á
Menntavísindasviði HÍ.
MENNTASPJALL Á
MÁNUDÖGUM
MenntaVarp heitir nýr
spjallþáttur um menntamál
sem er á dagskrá á netinu
annan hvern mánudag frá
klukkan 17 til 17.30. Um-
sjónarmenn eru Ragnar
Þór Pétursson og Ingvi
Hrannar Ómarsson. Hlekk á
þáttinn er að finna á Twitter
undir #mvarp eða á slóð
Menntavarpsins.
Orðaflipp heitir íslenskt app
fyrir skáld og rithöfunda
framtíðarinnar. Orðaflipp er
þannig öflugt tól til sköpunar
en bætir um leið orðaforða og
þjálfar málfræði hjá ungum
sem öldnum.
APPIÐ
SnapType heitir ókeypis app
sem er ætlað nemendum
sem eiga erfitt með skrift. Í
stað þess að nota blýant er
tekin mynd af verkefninu og
síðan tvísmellt á myndina og
lyklaborð kemur upp og þá er
ekkert mál að skrifa inn.