Morgunblaðið - 28.10.2015, Síða 17

FRÉTTIR 17Erlent
MORGUNBLAÐIÐ MIÐVIKUDAGUR 28. OKTÓBER 2015
www.smyrilline.is
Stangarhyl 1 · 110 Reykjavík
Sími: 570-8600 · info@smyril-line.is
Fjarðargötu 8 · 710 Seyðisfjörður
Sími: 472-1111 · austfar@smyril-line.is
Norræna siglir
í allan vetur
Bókaðu
núna!
Norræna siglir vikulega yfir vetrartímann frá Seyðisfirði til Færeyja og
Danmerkur. Hægt er að bóka ferðir í allan vetur á frábæru verði.
Þeim sem bóka sig er sérstalega bent á að kynna sér vel aukaskilmála vegna vetrarsiglinga.
Færeyjar
2 fullorðnir með fólksbíl
Netverð
á mann frá 34.500
Danmörk
2 fullorðnir með fólksbíl
Netverð
á mann frá 74.500
Bogi Þór Arason
bogi@mbl.is
Bandaríkjamenn buðu Kínverjum
birginn í gær með því að senda
tundurspilli inn á hafsvæði sem
stjórnin í Kína hefur gert tilkall til.
Kínverjar mótmæltu siglingu her-
skipsins, sögðu hana vera „svívirði-
lega og tilefnislausa ögrun“.
Tundurspillirinn USS Lassen
sigldi innan tólf sjómílna frá mann-
gerðri eyju, sem Kínverjar hafa gert
tilkall til, í Suður-Kínahafi. Kín-
verski sjóherinn sendi tundurspilli
og annað skip að Lassen í viðvör-
unarskyni.
Kínverjar eru sakaðir um að hafa
búið til eyjar á rifum til að renna
stoðum undir kröfu sína um yfirráð
yfir stórum hluta hafsvæðisins.
Fjögur önnur lönd gera tilkall til
eyja og útskerja á svæðinu. Vaxandi
spenna hefur verið í samskiptum
ríkjanna vegna deilunnar og óttast
er að hún geti leitt til átaka.
Eftir miklu að slægjast
Grannþjóðir Kínverja óttast að
þeir noti manngerðu eyjarnar síðar
til að reyna að ná yfirráðum yfir
mikilvægum siglingaleiðum og ráða
því hvað skip megi nota þær. Meira
en þriðjungur allrar olíu, sem flutt er
með skipum í heiminum, fer um
Suður-Kínahaf. Á umdeildu haf-
svæðunum eru einnig gjöful fiskimið
og ríkin vonast til þess að finna þar
verðmætar olíu- og gaslindir. Grann-
þjóðirnar óttast að Kínverjar ætli að
nota manngerðu eyjarnar í hern-
aðarlegum tilgangi, en stjórnvöld í
Peking neita því. Þegar Xi Jinping,
forseti Kína, fór í heimsókn til
Bandaríkjanna í september lofaði
hann því að eyjarnar yrðu ekki not-
aðar til hernaðaruppbyggingar.
Á gervihnattamyndum, sem hug-
veitan Center for Strategic and
International Studies (CSIS) birti,
sést að á eyjunum hafa verið reist
mannvirki sem talið er að hægt verði
að nota í hernaðarlegum tilgangi.
Hermt er að Kínverjar hafi byrjað að
leggja allt að þrjár flugbrautir og að
ein þeirra sé þriggja kílómetra löng.
Bandarísk stjórnvöld sögðu að
sigling tundurspillisins væri „þáttur
í venjubundnum aðgerðum í Suður-
Kínahafi í samræmi við alþjóðalög“.
Talsmaður kínverska utanríkis-
ráðuneytisins sagði að bandaríska
herskipið hefði „siglt ólöglega“ inn
fyrir landhelgi Kína „án heimildar
kínverskra stjórnvalda“. Hann lýsti
siglingu tundurspillisins sem tilraun
til að skaða öryggishagsmuni Kín-
verja og sagði að þeir áskildu sér rétt
til að verja landhelgina.
Kínverjar saka Bandaríkin
um „svívirðilega ögrun“
 Bandarískt herskip sigldi að manngerðri eyju á umdeildu svæði í S-Kínahafi
KÍNA
VÍETNAM
MALASÍA
FILIPPSEYJAR
TAÍVAN
BRUNEI
200 km
Heimildir: D.Rosenberg/MiddleburyCollege/HarvardAsiaQuarterly/stjórnvöld á Filippseyjum/siglingamálastofnun Kína/CSIS/AMTI
Umdeildar eyjar í Suður-Kínahafi
50 km
Eyjar og rif
sem fimm ríki
gera tilkall til
Kína
Malasía
Filippseyjar
Taívan
Víetnam
Thitu-eyja
Swallow-rif
Spratlí-eyja
Itu Aba
Mischief-rif
Subi-rif
Gervihnattamyndir
benda til þess að Kínverjar
séu að leggja flugbraut
Gervihnattamyndir
benda til þess að
Kínverjar séu að
undirbúa flugbraut
Flugbraut: 1.000 m
1.195 m
3.000 m
550 m
1.368 m
Eldad-rif
Hughes-
rif
Vestur-London-rif
Fiery Cross-rif
Cuarteron-rif
Johnson
Suður-
rif
Sandrif
Gaven-rif
SUÐUR-
KÍNAHAF
Björgunarsveitir reyndu í gær að
komast til afskekktra fjallahéraða,
meðal annars svæða sem eru á valdi
talibana, eftir jarðskjálfta sem reið
yfir Pakistan og Afganistan í fyrra-
dag. Skjálftinn mældist 7,5 stig og
kostaði meira en 350 manns lífið.
Búist er við að tala látinna hækki
þegar björgunarmenn komast til
fjallahéraða sem einangruðust í
jarðskjálftanum og skriðuföllum
sem fylgdu honum. Lögreglan í
borginni Peshawar í Pakistan sagði
að ekki hefði náðst samband við yf-
irvöld í héraðinu Kohistan vegna
þess að öll fjarskipti við það rofnuðu
og vegir lokuðust. Íbúar héraðsins
eru tæp hálf milljón.
Íbúar annarra hamfarasvæða,
þeirra á meðal börn og aldrað fólk,
tóku þátt í björgunarstarfinu og
margir þeirra grófu í húsarústum í
leit að fólki. Sum svæðanna eru á
valdi talibana, m.a. í héraðinu Bad-
akhstan þar sem skjálftamiðjan var.
Að minnsta kosti 240 manns fór-
ust og 1.600 slösuðust í hamförunum
í Pakistan. Vitað er um 115 manns
sem létu lífið í Afganistan og hund-
ruð manna slösuðust. 7.630 íbúðir, 12
skólar og 17 moskur eyðilögðust eða
skemmdust illa í Afganistan.
Jarðskjálftar eru algengir á þess-
um slóðum. Meira en 75.000 manns
fórust og um 3,5 milljónir misstu
heimili sitt í 7,6 stiga jarðskjálfta í
október 2005.
Hamfara-
svæði ein-
angruðust
AFP
Eyðilegging Íbúi þorps í Pakistan
leitar í rústum húss sem hrundi.
 Fjarskipti rofnuðu
og vegir lokuðust
Donald Tusk, forseti leiðtogaráðs
Evrópusambandsins, spáði í gær
auknum flóttamannastraumi til
Evrópu og sagði hann geta leitt til
stórfelldra „breytinga á pólitíska
landslaginu“ í álfunni líkt og jarð-
skjálftabylgja.
Flóttamannastofnun Sameinuðu
þjóðanna sagði að meira en 700.000
farandmenn hefðu farið yfir Mið-
jarðarhafið til Evrópu það sem af
er árinu. Þar af væri rúmur helm-
ingurinn flóttamenn frá Sýrlandi
og margir frá Afganistan og Írak.
Um 20% flóttafólksins eru börn.
„Ástandið mun jafnvel versna,“
sagði Tusk í ræðu sem hann flutti á
Evrópuþinginu í Strassborg og
spáði „nýrri bylgju flóttamanna frá
Aleppo og fleiri stöðum í Sýrlandi
sem hafa orðið fyrir loftárásum
Rússa“. Hann sagði þetta mesta
vanda Evrópusambandsins í ára-
tug, taldi hann grafa undan sam-
stöðu aðildarlandanna og geta koll-
varpað nokkrum af grundvallar-
reglum þess, meðal annars um
frjálsa för einstaklinga um innri
landamæri Schengen-ríkjanna.
bogi@mbl.is
AFP
Á flótta Kona heldur á barni í ábreiðu sem hún fékk til að halda á þeim hita
á grísku eyjunni Lesbos eftir að þau komu þangað með báti frá Tyrklandi.
Spáir nýrri bylgju
flóttafólks til Evrópu
Kínverjar hafa stóreflt her sinn á
síðustu árum og talið er að hann
verði nógu öflugur ekki síðar en
árið 2020 til að geta gert innrás í
Taívan, að því er fram kemur í nýrri
skýrslu taívanska varnarmálaráðu-
neytisins. Ráðuneytið segir að
stjórnin í Kína hafi stóraukið út-
gjöld sín til hermála og leggi
áherslu á að efla sjó- og flugherinn
til að fæla önnur ríki frá því að
koma Taívan til hjálpar ef Kínverjar
ráðast á eyjuna. „Kínverjar telja að
erlend íhlutun myndi vera helsta
áhyggjuefnið ef þeir gerðu innrás í
Taívan,“ segir í skýrslunni.
Taívanar óttast innrás
KÍNVERJAR STÓREFLA HER SINN