Víkurfréttir - 11.12.1986, Blaðsíða 23
VÍKUR-fréttir
Fimmtudagur 22. desember 1986 23
t
Kristmundur
Baldursson
F. 6. september 1946
D. 4. desember 1986
Okkur brá samstarfsmönn-
um Kristmundar Baldursson-
ar, þegar okkur barst sú sorg-
arfrétt, að hann hafði orðið
bráðkvaddur í Kaupmanna-
höfn. Við kvöddum hann
kvöldið áður, þegar hann var
að leggja í sína hinstu för hér,
kátan og hressan að vanda,
ásamt starfsfélögum sínum.
Þeir voru að fara í kynnisferð á
vegum Flugleiða til að bæta og
samræma störf félagsins. Ekki
datt mér í hug þegar ég var að
glettast við þá, við borðið þar
sem þeir biðu brottfarar, að
hér væri ég að kveðja Krissa
vin minn hinsta sinni hér á
jörð. Kristmundur var stakt
ljúfmenni, við höfðum oft all
náið samstarf og þar bar aldrei
eitt styggðaryrði á milli, nema
síður væri.
Hann átti mörg áhugamál,
hann hafði flugmannspróf og
ég naut þeirrar ánægju að
kenna honum undirstöðu í sigl-
ingafræði, sem þar er krafist,
en ég kenndi nokkur ár í
flugskóla hér í Njarðvík og ég
veit, að hann bar traust til mín.
Síðar varð hann einn af eig-
endum Suðurflugs.
Við erum margir landfarnir
sem höfum áhuga á bátum, og
ég man hvað hann var ánægð-
ur þegar hann eignaðist bát.
Hann bauð mér að koma með
einhvern tíma, en þrátt fyrir
áhuga minn á bátum, komst
það ekki í framkvæmd hjá
mér, því miður.
Kristmundur var hraust-
menni, enda þéttur á velli og
skapið eftir því. Hann stund-
aði lyftingar í mörg ár og hafði
auðheyrilega mikla ánægju af,
þó ég sé nú alltaf hræddur um
að menn ofbjóði líkama sínum
með þessu. Þessir kraftamenn
eru þó í afburða þjálfun og
þekkja mátt sinn og takmörk.
Þessi þétti og sterki maður
hafði mikinn áhuga á dansi, og
fáir hefðu trúað hvað hann var
léttur og snöggur þar. Besta
dæmið um það fékk ég eitt sinn
þegar ég var að greiða trygg-
ingar í Brunabót íKeflavík. Þar
eru stórir gluggar og gott
útsýni. Þá sé ég hvar Krist-
mundur kemur akandi á eðli-
legum hraða og samtímis
sjáum við lítið barn hlaupa út á
götuna fyrir aftan bíl foreldra
sinna, en annar bíll var þétt
fyrir aftan, vegna þessa sá ég
þetta betur en Kristmundur,
mamman var við hlið mína í
Brunabót, pabbi átti að passa.
Ég hef sjaldan séð sneggri við-
brögð en hjá Krissa. Allt í
senn, billinn bókstaflega
negldist fastur, hurðin upp og
Krissi út eins og fjöður og fram
fyrir bílinn, að barninu langt á
undan föðurnum, sem var að
passa það, allt á sekúndum.
Foreldrar þessa barns eiga að
mínum dómi skuld að gjalda
og þakklæti fyrir að hér var
ekki á ferð einn af þessum
glönnum sem aka Hafnargöt-
una á hundrað og þar yfir. Mér
er engin launung, að ég
táraðist af gleði þegar ég sá að
snögg viðbrögð vinar míns
björguðu þessu barni.
Nú sakna ég þessa vinar og
veit að það gera fleiri. Krissi
minn, ég sendi ástvinum
þínum okkar innilegustu
kveðjur og það er von mín að
minningin um góðan dreng
styrki þau á þessari örlaga-
stund og tíminn og minningin
græði sorg þeirra. Enginn veit
sína ævina fyrr en öll er.
Kristbergur Guðjónsson
t
Ungur kvaddi Kristmundur
þennan heim, eða liðlega 40
ára gamall, en hafði þá starfað
á meðal félaga sinna á Kefla-
víkurflugvelli yfir 20 ár, lið-
lega helming æfi sinnar.
Hann hófstörfhjá Loftleið-
um hf. við afgreiðslu flugvéla
29. september 1965, og varð
síðan verkstjóri hjá Flugleið-
um hf. árið 1978 og var í því
starfi staddur á erlendri grund
er hann var svo skyndilega
burt kallaður.
Ævistarf hans snerist því
mest allt um flug og afgreiðslu
flugvéla, og fórst honum það
vel úr hendi. Hann hafði góð
samskipti við sína menn svo og
aðra starfsmenn og var virtur
fyrir.
Kristmundur var hreysti-
menni mikið, hafði á árum
áður stjórn á ólátaseggjum á í
veitingahúsum þegar þess
þurfti með og stundaði lyfting-
ar, og í mínum augum var
hann enn sama hraustmennið
er kallið kom, og því allt svo
óraunverulegt að manni
finnst.
Um leið og ég og aðrir sam-
starfsmenn kveðjum þennan
félaga okkar og góðan dreng,
þökkum honum gott, fórnfúst
og vinátturíkt samstarf,
vottum við eiginkonu hans,
börnum og öðrum ættingjum
okkar dýpstu samúþ.
Jón Oskarsson
NÝ HUGMYND
AÐ JÓLAGJÖF
- handa honum - handa henni
GJAFAKORT
á snerti-linsur eða gieraugu
TOM CRUICE DON JOHNSON
Hin heimsþekktu RAY BAN sól-
gleraugu - er gjöf sem gleður.
GL€RflUGNflV6RSLUN
KSFLflVÍRUR
HAFNARGÖTU 17 - SÍMI 3811
Panasonic
VhS
VIDEOTÆKI
VERÐ FRA KR. 37.850 stgr.