Morgunblaðið - 01.04.2016, Blaðsíða 15

FRÉTTIR 15Innlent
MORGUNBLAÐIÐ FÖSTUDAGUR 1. APRÍL 2016
Ingveldur Geirsdóttir
ingveldur@mbl.is
„Starf verkfræðingsins getur verið
mjög fjölbreytt og stundum veit
maður ekkert í hverju maður er að
lenda,“ segir Guðbjörn Gústafsson,
verkfræðingur hjá Verkís. Hann
starfar mikið erlendis við virkj-
anagerð og oft við framandi að-
stæður. Guðbjörn mun halda er-
indi í dag á Degi verkfræðinnar
um útflutning orkuþekkingar og
fara yfir hvað verkfræðingar eru
að gera erlendis í kringum raf-
orkuframleiðslu.
Verkís er núna með fjögur verk-
efni í gangi erlendis, í Georgíu,
Tansaníu, Tyrklandi og Eþíópíu.
„Við erum minnst í nágrenni við
Ísland en mest í Austur-Evrópu og
Afríku. Við erum kannski þar sem
enginn annar vill fara, mig grunar
það stundum,“ segir Guðbjörn
kankvís. Fjöldi erlendra verkefna
hefur verið stöðugur undanfarin
tíu ár hjá Verkís en hvert þeirra
tekur yfirleitt um tvö til fjögur ár í
framkvæmd og er unnið mismikið í
þeim á hverjum tíma. „Hjá Verkís
hefur þetta verið á milli 5 til 10%
af veltunni í nokkur ár. Þetta er
ekki stór hluti en menn koma
reynslunni ríkari frá svona verk-
efnum og sjá hlutina frá öðru sjón-
arhorni, sem er öllum til góðs.“
Hvert er hlutverk íslenskra
verkfræðinga í þessum löndum?
„Við erum í hönnun og að að-
stoða við uppsetningu og gang-
setningu. Í rauninni er þetta allt
frá því að einhver kemur með kort
og segist vilja byggja virkjun og
þangað til virkjunin fer í gang,“
segir Guðbjörn og bætir við að
þetta séu yfirleitt virkjanir sam-
bærilegar þeim sem eru hér á
landi og því komi Íslendingarnir
svo sterkir inn.
Guðbjörn segir að aðstæðurnar
sem þeir þurfi að vinna við erlend-
is séu oft framandi. „Við höfum
verið svo langt frá öllum manna-
byggðum á Grænlandi að það þarf
flugferð og sjóferð til að komast
inn á virkjunarstað og þar er mað-
ur innilokaður, með 99% karl-
mönnum, þar til einhver hleypir
okkur út. Svo fer maður til Afríku
þar sem er sofið undir neti og ap-
arnir hlaupa uppi á bílþakinu.
Tungumálaerfiðleikar geta líka
sett strik í reikninginn og þá er
stuðst við einhverskonar táknmál.
Við erum t.d. í Georgíu núna þar
sem enskukunnátta er mjög lítil og
þá notum við túlk, hann er ekki
endilega tæknimenntaður og þýðir
ekkert nákvæmlega það sem mað-
ur segir þannig að þetta getur orð-
ið áskorun,“ segir Guðbjörn sem
hefur starfað sem verkfræðingur í
tólf ár og þar af verið átta ár á
flakki milli landa, mest á Græn-
landi, Tyrklandi og í Tansaníu.
„Þetta er pínulítið ævintýri,“ segir
hann að lokum.
Verkfræðingur við framandi aðstæður
 Guðbjörn Gústafsson, verkfræðingur hjá Verkís, ferðast á milli Grænlands, Tyrklands, Tansaníu
og Georgíu  Fjallar um útflutning orkuþekkingar á Degi verkfræðinnar í dag  Reynslunni ríkari
Í vinnunni Guðbjörn Gústafsson, verkfræðingur hjá Verkís, við vatnsaflsvirkjun sem heitir Kidatu í Tansaníu 2015.
Dagur verkfræðinnar er haldinn
í dag á Hótel Reykjavík Natura. Í
þetta skipti verður horft til
framtíðar og veitt yfirsýn yfir
líklega þróun verkfræðinnar á
Íslandi næstu árin.
23 erindi verða flutt í þremur
sölum. Á dagskránni eru meðal
annars erindi Eggerts Þorgríms-
sonar sem fjallar um róbóta í
raforkukerfum, Sæmundar Þor-
steinssonar um fimmtu kynslóð
farsímakerfa, Ásgeirs Bjarna-
sonar um hjartsláttarmælingar í
stórum og smáum villtum dýr-
um og þá verður þema um ofur-
tölvu Íslands og gagnaver á Ís-
landi í tilefni af 75 ára afmæli
Rafmagnsverkfræðingadeild-
arinnar.
Horft til
framtíðar
DAGUR VERKFRÆÐINNAR
Necklash
-Ekta silfur
-Aska úr
Eyjafjallajökli
Frábær gjöf við öll tilefni!
Finnið okkur á:
Facebook: Necklash
Instagram: Necklash_
símanúmer: 661-5900