Morgunblaðið - Sunnudagur - 22.05.2016, Qupperneq 6

6 MORGUNBLAÐIÐ SUNNUDAGUR 22.5. 2016
Filippseyingar eignuðust nýjanforseta í síðustu viku. RodrigoDuterte hlaut 39% atkvæða og
varð með því hlutskarpastur af fimm
frambjóðendum. Duterte er fram-
bjóðandi PDP-Laban, vinstriflokks
sem stofnaður var árið 1982 til höf-
uðs ríkisstjórn Ferdinands Marcos.
Athyglivert er að Duterte hlaut eins
hátt hlutfall atkvæða og raun ber
vitni en PDP-Laban hefur ekki notið
mikis fylgis í þingkosningum, er með
engan fulltrúa í neðri deild og aðeins
einn í efri deild þingsins.
Hefð er fyrir því á Filippseyjum
að litríkir og sérkennilegir ein-
staklingar veljist til valda, og er Du-
terte þar engin undantekning.
Uppátæki hans í kosningabarátt-
unni hafa orðið til þess að Duterte
hefur verið líkt við bandaríska for-
setaframbjóðandann Donald Trump.
Er Duterte af allt öðru sauðahúsi en
fyrirrennari hans, Benigno Aquino
III, sem þykir frekar litlaus tækni-
krati.
Grófir brandarar
Duterte slær um sig með brönd-
urum sem eru í meira lagi karl-
rembulegir, jafnvel meiðandi, og
byrstir sig með hótunum um að láta
glæpamenn finna til tevatnsins.
Hann hefur sagst vilja siga dauða-
sveitum á glæpamenn og kasta lík-
um þeirra í Manila-flóa „til að fita
fiskana“. Eftir að ljóst var að hann
hafði náð kjöri fylgdust myndavélar
fjölmiðla með Duterte þar sem hann
brast í grát við grafhýsi foreldra
sinna og bað móður sína um hjálp.
„Ég er bara ómerkingur,“ sagði
hann meðan tárin runnu niður kinn-
arnar.
Duterte er lögfræðingur að
mennt, starfaði sem saksóknari á
sínum tíma og hefur í 22 ár verið
borgarstjóri Davao, þriðju stærstu
borgar Filipseyja. Hann er 71 árs og
verður því elsti maðurinn til að
gegna forsetaembættinu.
Skiptar skoðanir eru um hvort
Duterte er sá trúður sem ætla mætti
af kosningabaráttunni. Kosninga-
stjórinn hans segir uppátækin
undanfarna mánuði hafa verið „hluta
af leiknum“ og til þess gerð að kom-
ast á forsíður fjölmiðlanna. Tals-
maður Duterte segir hann vilja
fylgja fordæmi kanadíska forsætis-
ráðherrans Justins Trudeau og
manna ríkisstjórn sína með ungu og
eldkláru fólk í jöfnum kynja-
hlutföllum. Hann er kristinn, segist
þó ekki lengur vera kaþólskur, kall-
aði páfann „hóruson“ en nýtur samt
hrifningar landsmanna sem flestir
eru rammkaþólskir. Duterte hefur
beitt sér fyrir réttindum hinsegin
fólks, er hlynntur því að leyfa hjóna-
bönd samkynhneigðra og styður lög-
gjöf sem bannar mismunun á grund-
velli kynhneigðar. Um leið og
Duterte montar sig af eigin kven-
semi og Viagra-notkun hefur hann
þótt sýna það í verki að hann sé
kvenréttindasinni.
Hengja frekar en skjóta
Á sama tíma vill Duterte innleiða
dauðarefsingar að nýju, en þær voru
lagðar af í landinu árið 2006. Hann
vill að notast verði við hengingar, til
að spara byssukúlur. Meðal annarra
fyrirhugaðra sparnaðarráða verður
að selja forsetasnekkjuna og nota
þyrlur ríkisstjórnarinnar til björg-
unarstarfa.
Duterte tókst að koma reglu á
Davao og hann hefur ekki neitað
ásökunum um að láta útsendara sína
taka glæpamenn í borginni af lífi án
dóms og laga. Morðtíðnin þar var
eitt sinn sú hæsta í landinu en í dag
þykir Davao öruggasta borg Filipps-
eyja.
Ærinn starfi bíður Duterte. Fil-
ippseyingar eru hundrað milljóna
manna þjóð og þrátt fyrir mjög góð-
an hagvöxt að undanförnu býr stór
hluti landsmanna enn við mikla fá-
tækt. Íslamskir hryðjuverkamenn
herja á suðurhluta landsins og nátt-
úruhamfarir af ýmsum toga valda
reglulega miklum skaða.
Núningurinn við Kína
Það gæti síðan reynst enn vanda-
samara að takast á við tilraunir kín-
verskra stjórnvalda til að auka ítök
sín í heimshlutanum. Kínversk
stjórnvöld hafa kastað eign sinni á
sker og smáeyjar í Suður-Kínahafi,
en Taívan, Víetnam, Brúnei, Malasía
og Filippseyjar gera einnig tilkall til
þessa stóra og fjölfarna siglinga-
svæðis.
Til að vega á móti áhrifum Kína
hafði fráfarandi forsetinn breitt
faðminn út á móti Bandaríkjunum.
Bandaríkjaher hafði haft stórt herlið
í landinu allt fram á 10. áratuginn
þegar almennar óvinsældir varnar-
liðsins urðu til þess að Bandaríkja-
menn voru beðnir að hafa sig á brott.
Núna vilja stjórnvöld á Filipps-
eyjum endilega fá bandaríska her-
menn aftur til landsins.
Duterte virðist vilja semja við
ráðamenn í Beijing og efla tengslin
milli þjóðanna, sem höfðu kulnað í
tíð síðasta forseta. Hefur Duterte ýj-
að að því það myndi liðka fyrir samn-
ingaviðræðunum ef Kínverjarnir
taka þátt í lagningu nýrra lestar-
teina og vega í suðurhluta landsins.
Er hann
Trump eða
Trudeau?
Nýr forseti Filippseyja vill siga dauðasveitum
á glæpamenn. Hann talar eins og versta
karlremba en hefur beitt sér fyrir réttindum
hinsegin fólks og þykir kvenréttindasinni í verki.
AFP
Munnsöfnuður Rodrigo „Rody“ Duterte virðist hafa orðið til að afla honum stuðningsmanna frekar en fæla fólk frá.
Jafnvel það að kalla páfann „hóruson“ gerði kjósendur ekki fráhverfa honum þó leitun sé að kaþólskari þjóð.
’Þið munuð ekki komast lifandi frá þessu. Þið getið annaðhvort farið héðan lóðrétt eða lárétt.“Tilmæli Duterte til þjófa sem rændu hjálpargögnum sem bárust eftir að hvirfilbylurinn Yolanda hafði valdið miklum skaða á Filippseyjum.
ERLENT
ÁSGEIR INGVARSSON
ai@mbl.is
EGYPTALAND
MIÐJARÐARHAF Farþegaþota
EgyptAir hrapaði á miðvikudag. Flugvélin
sást síðast á ratsjá miðja vegu milli
Tyrklands og Egyptalands.Vélin var á leið
frá París til Kaíró og um borð voru 66
manns. Að svo stöddu er ekki vitað með
vissu hver orsök
slyssins var en
vélin tók krappar
beygjur áður en
hún hvarf af ratsjá.
BRETLAND
MANCHESTER Leik Bournemouth
og Manchester United
var frestað á sunnudag
þegar grunsamlegur
hlutur fannst á Old
Trafford-leikvanginum.
Leikvangurinn var rýmdur
20 mínútum áður en leikurinn átti að
hefjast. Seinna kom í ljós að um var að
ræða gervisprengju sem notuð hafði verið
á sprengjuæfingu nokkrum dögum áður.
BRETLAND
LONDON Elísabet Bretadrottning
flutti stefnu-
ræðu bresku
ríkis-
stjórnarinnar
við hátíðlega
n í þinghúsinu í Lundúnaborg.athöf
ÍhaldsflokksinsMeðal stefnumála
dandi þingi er að ráðastá yfirstan
í umfangsmiklar breytingar á
fangelsiskerfi Englands og Wales.
INDLAND
PHALODI Nýtt hitamet var slegið
í Indlandi á fimmtudag. Hitastigið í
borginni Phalodi í Rajastan-héraði í
norðurhluta landsins fór upp í 51°C.
Áður hafði hitinn hæst mælst 50,6°C
árið 1956. Miklir þurrkar auka á
þann vanda sem
bylgjan veldur.hita
bylgja semHita
gekk yfir landið á
síðasta ári kostaði
2.300 mannslíf.