Morgunblaðið - Sunnudagur - 22.05.2016, Blaðsíða 45

22.5. 2016 MORGUNBLAÐIÐ SUNNUDAGUR 45
TÓNLIST Einn áhrifamesti trymbill þungarokk-
sögunnar, Dave Lombardo, situr ekki auðum höndum
enda þótt hann hafi yfirgefið málmkóngana í Slayer
öðru sinni fyrir fáeinum misserum vegna ágreinings um
launamál. Hann hefur ekki bara nýlokið við gerð plötu
ásamt sveit sinni Dead Cross heldur hafa gömlu jað-
arþrassbrýnin í Suicidal Tendencies gefið í skyn að
kappinn sé á leið með þeim í hljóðver að taka upp nýja
plötu. Lombardo hefur túrað með Suicidal Tendencies á
þessu ári og svo virðist sem báðum aðilum líki sam-
starfið svo vel að hugur þeirra standi til að innsigla það í
hljóðverinu. Auk Lombardos skipa Suicidal Tendencies
í dag söngvarinn Mike Muir, gítarleikarinn Dean Pleas-
ants og bassaleikarinn Ra Díaz.
Lombardo ekki ráðalaus
Dave gamli Lombardo.
TÓNLIST Sveitasöngvarinn Guy Clark, sem
kallaður hefur verið „kóngurinn frá Nash-
ville“ og „guðfaðir“ söngvaskáldanna frá
Nashville lést í vikunni, 74 ára að aldri. Hann
hafði átt við fjölþætta vanheilsu að stríða.
Clark var þekktur fyrir lög eins og LA
Freeway og Desperados Waiting for a Train
en hann var jafnvígur á laga- og textasmíðar.
Meðal sveitasöngvara sem hljóðrituðu lög
hans voru Johnny Cash, Emmylou Harris og
Willie Nelson. Guy Clark gekk að eiga söng-
konuna Susanna Clark snemma á áttunda
áratugnum og unnu þau mikið saman. Hún
sálaðist fyrir fjórum árum.
Kóngurinn frá Nashville fallinn frá
Sveitasöngvarinn Guy Clark var 74 ára að aldri.
AFP
Rauðhærðum leikurum vex nú
fiskur um hrygg í sjónvarpi. Taka
að sér aðalhlutverk í hverjum
þættinum af öðrum. Lengi vel
voru Gillian Anderson og David
Caruso þau einu. Hún greiddi úr
yfirskilvitlegum flækjum í The X-
Files – og gerir enn – og hann
handsamaði harðsvíraða bófa
með sólgleraugun ein að vopni í
CSI: Miami.
Fjölmargir hafa síðan bæst í
hópinn; nægir þar að nefna Marciu
Cross í Aðþrengdum eiginkonum,
Jesse Tyler Ferguson í Modern Fa-
mily, Alyson Hannigan í How I
Met Your Mother, Cameron Mo-
naghan í Shameless og Damian
Lewis í Homeland og Billions. Ef
við lítum okkur nær má auðvitað
bæta við Jóni Gnarr í Vaktaseríun-
um vinsælu.
Nýjasta stjarnan í þessum
föngulega hópi er Mireille Enos
sem sló í gegn sem hin graf-
alvarlega lögreglukona Sarah
Linden í bandarísku útgáfunni af
Forbrydelsen, sem kallaðist ein-
faldlega The Killing. Svo alvarleg
var Linden að hún tognaði gerði
hún tilraun til þess að brosa. Tók
raunar aldrei sénsinn á því.
Bálskotinn í hrappnum
The Killing gekk í þrjú ár, frá 2011
til 2014, og Enos þurfti ekki að
bíða lengi eftir næsta aðal-
hlutverki, í The Catch, sem hóf
göngu sína fyrr á þessu ári og
SkjárEinn hefur tekið til sýninga.
Enn fæst Enos við rannsóknir; leik-
ur einkaspæjarann Alice Vaughan
sem eltist við alræmdan svika-
hrapp. Það flækir málið til muna
að hún er bálskotin í hrappnum.
The Catch hefur mælst prýðilega
fyrir og þegar hefur verið ákveðið
að ráðast í seríu númer tvö. All-
nokkru léttara er yfir Enos í þess-
um nýja þætti.
Enos er fertug að aldri. Fædd í
Kansas City en ólst að mestu upp í
Houston. Móðir hennar er frönsk
en faðirinn bandarískur af skosku
bergi brotinn. Þaðan kemur lík-
lega rauða hárið.
Hún nam leiklist og lauk BA-
prófi árið 1997. Lítið fór þó fyrir
Enos fyrstu árin en hún reyndi fyr-
ir sér í smærri hlutverkum í kvik-
myndum og sjónvarpi og á sviði.
Árið 2005 var hún tilnefnd til
Tony-verðlauna fyrir frammistöðu
sína í Hver er hræddur við Virg-
iniu Woolf? á Broadway.
Fyrsta fasta hlutverk Enos í
sjónvarpi var í Big Love sem
fjallaði um ástir og örlög mor-
móna í Utah. Lék hún þar tvíbura-
systur nokkrar á árunum 2007-10.
En það var The Killing sem opn-
aði allar flóðgáttir fyrir Enos enda
hlaut hún einróma lof gagnrýn-
enda fyrir túlkun sína á Sarah
Linden. „Ég man ekki í annan
tíma eftir bandarískri persónu
sem líkist henni,“ sagði Tim
Goodman, sjónvarpsgagnrýnandi
The Hollywood Reporter.
Kvikmyndatilboðum hefur rignt
yfir Enos eftir The Killing. Hún lék
meðal annars á móti Brad Pitt í
World War Z og á móti Ryan Rey-
nolds í The Captive. Hún verður í
þremur myndum sem frumsýndar
verða síðar á þessu ári.
Ísinn er sannarlega brotinn.
Aðdáendur The Killing kannast pottþétt ekki við þennan svip á Mireille Enos.
MIREILLE ENOS ENN EINN RAUÐHÆRÐI LEIKARINN
Rauður þráður
David Caruso sem erkitöffarinn
Horatio Caine í CSI: Miami.
„Mig langar að vekja athygli á því að Finnland býr lík-
lega að flestum málmböndum í heimi miðað við
höfðatölu og skorar líka hátt í góðum stjórn-
arháttum. Ætli sé eitthvert samband þarna
á milli?“
Þessi orð Baracks Obama á fundi hans
með forsætisráðherrum Norður-
landanna á dögunum hafa vakið mikla
athygli og ekki síður ljósmynd af
Bandaríkjaforseta að sveifla djöfla-
hornunum, vörumerki tónlist-
arstefnunnar, í ræðustól í Hvíta
húsinu. Því skal þó til haga haldið
að átt hefur verið við þá mynd;
Obama gerði þetta ekki í raun og
veru. Þá hefði líklega allt farið á
hvolf í „Biblíubeltinu“.
Eins hefur verið átt við mynd,
sem margir hafa mögulega séð
á samskiptamiðlum, þar sem
Obama virðist vera klár í slag-
inn í miðjum „pittinum“ á
málmtónleikum.
Hvað sem því líður hefur
finnskt þungarokk ekki í annan
tíma fengið viðlíka kynningu.
Norðurlöndin eru fræg fyrir
ást sína á þungu rokki, ekki síst Finnland en
samkvæmt Encyclopaedia Metallum eru 53
málmbönd á hverja 100.000 íbúa þar um slóð-
ir. Svíar eru með 37 málmbönd á hverja
100.000 íbúa og Norðmenn 27. Ekki liggur
fyrir hversu mörg málmbönd við Íslendingar
eigum en til að skáka Finnum þyrftu þau
sennilega að vera í kringum 180 í það heila.
Obama mærði Norðurlöndin fyrir margt
fleira á fundinum með ráðherrunum, svo
sem Spotify, Skype, Minecraft, Angry Birds,
Candy Crush, Lego og IKEA.
Sem kunnugt er hefur Sigurður Ingi Jó-
hannsson forsætisráðherra boðið Obama í
opinbera heimsókn til Íslands. Eins gott að
Skálmöld verði þá á landinu.
„Málmurinn er svona stór á Norðurlöndunum.“ Bar-
ack Obama forseti á blaðamannafundi í Hvíta húsinu.
AFP
OBAMA BANDARÍKJAFORSETI
Mærði málm
frá Finnlandi
Floor Jansen, söng-
kona finnska málm-
bandsins Nightwish. AFP
Morgunblaðið
gefur út glæsilegt
sumarblað um
Tísku &
förðun
föstudaginn 3. júní.
Fjallað verður um
tískuna sumarið 2016
í fatnaði, förðun og
snyrtingu auk umhirðu
húðarinnar,
dekur og fleira.
PÖNTUN AUGLÝSINGA:
til kl. 16 mánudaginn 30.maí
NÁNARI UPPLÝSINGAR:
Katrín Theódórsdóttir
Sími: 569 1105 kata@mbl.is
-Meira fyrir lesendur