Morgunblaðið - 30.05.2016, Qupperneq 14

14 FRÉTTIRViðskipti | Atvinnulíf
MORGUNBLAÐIÐ MÁNUDAGUR 30. MAÍ 2016
Arctic Trucks
Kletthálsi 3
110 Reykjavík
sími 540 4900
info@arctictrucks.is
www.arctictrucks.isEXPLORE WITHOUT LIMITS
®
Vandaðar plasthlífar á flestar gerðir bifreiða.
Hlífa bílnum gegn grjótkasti og varna lakkskemmdum.
• Húddhlífar
• Gluggavindhlífar
• Ljósahlífar
PLASTHLÍFAR
FRÉTTASKÝRING
Ásgeir Ingvarsson
ai@mbl.is
Á fimmtudag úrskurðaði kviðdómur
í Kaliforníu að Google hefði ekki
framið höfundarréttarbrot með því
að nota forritaskil (e. API) Java for-
ritunarmálsins. Það var Oracle sem
höfðaði málið gegn Google og krafð-
ist níu milljarða Bandaríkjadala í
bætur. Java var þróað af Sun
Microsystems en Oracle eignaðist
fyrirtækið og einkaleyfi þess árið
2011 og hóf málareksturinn strax í
kjölfarið.
Meira var í húfi en níu milljarðar
dala og má líta svo á að niðurstaða
fimmtudagsins hafi verið góðar
fréttir fyrir forritara um allan heim,
en til að skilja hvernig á því stendur
þurfa lesendur fyrst að vita hvað
forritaskil eru:
Tæki fyrir forritasmíði
Forritaskil, eða API (Application
Programming Interfaces), eru litlir
forritsbútar sem gera ákveðnar al-
gengar aðgerðir. Forritarar nýta
þessa búta þegar þeir skrifa forritin
sín og léttir það þeim vinnuna tölu-
vert. Blaðamaður tækniritsins
Tech2 lýsir hlutverki forritaskila
ágætlega með dæmi af forritara
sem vill gera ritvinnsluforrit í lík-
ingu við Word. Án forritaskila
myndi hann þurfa að skrifa kóðann
sem vinnur úr upplýsingunum sem
berast tölvunni þegar notandinn ýt-
ir á takka á lyklaborðinu og skrifa
kóðann sem stýrir því hvernig staf-
irnir birtast á skjánum og þannig
mætti lengi telja. Er leitun að því
forriti sem ekki nýtir forritaskil.
Saga málsins nær allt aftur til
ársins 2005 þegar Google ákvað að
nota forritaskil úr Java í Android
stýrikerfinu. Gerði Google sam-
komulag við Sun þess efnis árið
2005, án þess þó að gera leyfissamn-
ing. Árið 2006 hafnaði Google tilboði
Sun um að borga samtals allt að 45
milljónir dala fyrir notkunarleyfi til
þriggja ára.
Eftir að Oracle eignast Sun hefst
langdreginn málarekstur sem sner-
ist að miklu leyti um torskilin
tæknileg atriði. Deiluefnið var þó, í
stuttu máli, hvort Google hefði
mögulega brotið á höfundarrétti eða
einkaleyfi Oracle. Google hafði bet-
ur árið 2012, þegar dómstóll komst
að þeirri niðurstöðu að forritaskil
hefðu of almenna virkni til að geta
notið höfundarverndar. Áfrýjunar-
dómstóll sneri þeim úrskurði við ár-
ið 2014 og í framhaldinu hófst málið
sem úrskurðað var um í liðinni viku.
Þar var niðurstaðan sú að notkun
Google á Java-forritaskilum félli
undir „sanngjarna notkun“ (e. fair
use). Sanngjörn notkun er hugtak í
bandarískum hugverkarétti sem
heimilar t.d. að vísa í höfundarvarið
efni í umfjöllunar- eða kennslu-
skyni, eða nýta glefsur úr verkum
annarra í stærra heildarverki sem
er frumlegt og frábrugðið þeim bút
sem fenginn er að láni.
Málinu er mögulega ekki enn lok-
ið því Oracle hótar að áfrýja nið-
urstöðunni. Að sögn Bloomberg er
þó mat lögspekinga að erfitt verði
fyrir Oracle að fá dóminum hnekkt.
Því ættu forritarar að geta andað
léttar að svo stöddu, enda hefði nið-
urstaða Oracle í hag þýtt að höf-
undar forritaskila gætu farið í mál
við jafnt stór og smá hugbúnaðar-
fyrirtæki og krafið þau um háar
fjárhæðir.
Langt Java-drama á enda
 Google slapp við að greiða Oracle níu milljarða dala bætur  Ef kviðdómur
hefði komist að annarri niðurstöðu hefði það getað lamað forritunarheiminn
AFP
Undirstaða Gestur skoðar Android snjallúr. Niðurstaðan í máli Oracle gegn Google ætti að hafa víðtæk áhrif.
Kínverska dag-
blaðið South
China Morning
Post greindi frá
því um helgina
að í verksmiðju í
Kunshan-héraði
hefði raftækja-
framleiðandinn
Foxconn skipt út
60.000 starfs-
mönnum fyrir
róbóta. Foxconn er með höfuð-
stöðvar sínar í Taípeí og framleiðir
meðal annars iPhone-snjallsímann
fyrir Apple.
Er Foxconn með verksmiðjur
víða í Kína og annars staðar í Asíu,
sem og í Brasilíu, Evrópu og í
Mexíkó. Verksmiðjan í Kunshan er
ein af tólf verksmiðjum Foxconn í
Kína en í fjölmennustu verk-
smiðjum fyrirtækisins þar í landi
starfa hundruð þúsunda manna.
MarketWatch hefur eftir stjórn-
endum Foxconn að með aukinni
sjálfvirkni megi nýta starfsmenn til
að sinna meira virðisaukandi störf-
um í framleiðsluferlinu, s.s. á sviði
rannsókna, þróunar og gæðaeftir-
lits. ai@mbl.is
Terry Guo, stjórn-
andi Foxconn.
Róbótar
leysa af
60.000
manns
AFP
Afköst Þjarkarnir eru til margs
nýtilegir. Frá sýningu í Hannover.
Bæði S&P 500 og Dow Jones-vísitöl-
urnar hækkuðu um meira en 2% í
vikunni sem leið. Þá nam vikuhækk-
un Nasdaq-vísitölunnar 3,4%. Var
það síðast í febrúar sem vikuhækkun
Nasdaq-vísitölunnar var meiri, að
sögn Wall Street Journal.
Við lokun markaða á föstudag stóð
Dow Jones-vísitalan í 17.873,22 stig-
um, S&P 500 í 2099,06 stigum og
Nasdaq mældist 4933,50 stig.
Hækkunina má meðal annars
skýra með því að í vikunni keyptu
fjárfestar til sín hlutabréf sem höfðu
lækkað í verði fyrr á árinu vegna
áhyggna markaðarins af hægari
gangi í bandarísku efnahagslífi. Var
markaðurinn nokkuð rólegur á
föstudag en þá sýndu nýjar tölur að
ekki hafði hægt eins mikið á hagvexti
á fyrsta ársfjórðungi og áður var tal-
ið. Einnig lét Janet Yellen seðla-
bankastjóri hafa eftir sér á föstudag
að það gæti verið rétt að hækka
stýrivexti á allra næstu mánuðum ef
hagkerfið og vinnumarkaður halda
áfram að styrkjast.
Hinum megin við hafið hækkaði
Stoxx Europe 600 vísitalan um 3,4%
yfir vikuna. Er það mesta vikuhækk-
un vísitölunnar síðan um miðjan
febrúar. ai@mbl.is
AFP
Uppsveifla Miðlari á NYSE. Vísitölurnar voru á fleygiferð í vikunni.
Mesta vikuhækkun
í marga mánuði