Morgunblaðið - 30.05.2016, Síða 22

22 ÍSLENDINGAR
MORGUNBLAÐIÐ MÁNUDAGUR 30. MAÍ 2016
Helga Ívarsdóttir er sjötug í dag og á morgun mun húnhætta að vinna hjá Orkuveitu Reykjavíkur eftir 25 árastarf. Hún segir þetta vera mikil viðbrigði og í tilefni
dagsins ætlar hún að fara með vinnufélögunum í hádegisverð á
Hilton Nordica-
hótelinu.
Hún segist ekki
hafa komið sér upp
neinum sérstökum
hefðum á afmælisdag-
inn. „Í gegnum tíðina
hef ég þó oftast nær
boðið systkinum mín-
um og fjölskyldu í
kaffiboð. En þegar ég
varð sextug hélt ég
stórveislu,“ segir
Helga. Hún gerir eng-
ar kröfur um afmæl-
isgjafir en minnir þó
góðfúslega á að hún
sé mikill golfari. „Allt
sem tengist golfinu
eða eitthvað sem
hjálpar mér að kom-
ast í golfferðir væri
helst á óskalistanum,“
segir hún og hlær.
Hún segir eft-
irminnilegasta
afmælisdag sinn hafa
verið á Mallorca, en
þangað fór hún þegar
hún varð fimmtug.
„Við ætluðum að fara
á frábæran veit-
ingastað en lentum í
þvílíkum ógöngum. Vinkona mín veiktist á leiðinni á staðinn svo
að við vorum þrjú eftir. Ég mátti ráða matseðlinum en skildi
spænskuna ekki alveg og pantaði buff tartar. Það var ekki alveg
nógu girnilegt þegar þjónninn fór að hræra í hráu buffinu með
eggjum fyrir framan borðið. Ég fékk alveg óstöðvandi hláturs-
kast og allir litu á okkur á þessum svakalega fína veitingastað.
Þetta var alveg svakalega vandræðalegt. Daginn eftir fórum við
svo á fínan stað rétt hjá hótelinu og fengum mjög góðan mat, svo
að við höfðum heldur betur leitað langt yfir skammt,“ segir
Helga á afmælisdaginn. agf@mbl.is
Afmælisbarn Helga er mikill golfari og
vonast til að komast í golfferð.
Pantaði óvart buff
tartar á afmælinu
Helga Ívarsdóttir er sjötug í dag
G
ísli fæddist í Flatey á
Breiðafirði 30.5. 1926.
Hann stundaði nám í
foreldrahúsum, tók
stúdentspróf frá MA
1947, lauk guðfræðinámi frá HÍ 1950,
stundaði framhaldsnám í guðfræði
við Háskólann í Göttingen í Þýska-
landi 1959-60, stundaði rannsóknir í
kirkjusögu í Lundúnum, Lúxemborg,
Bremen og Kaupmannahöfn 1981-82
og var í endurmenntun og guð-
fræðitengdu rannsóknarnámi í York í
níu mánaða leyfi 1981-82.
Gísli varð sóknarprestur í Sauð-
lauksdal 1950. Hann er því sá núlif-
andi prestur á Íslandi sem á elstan
vígsludag. Hann starfaði þar 1950-54
og gegndi aukaþjónustu í Eyra-
prestakalli og í Vestmannaeyjum.
Hann var sóknarprestur á Melstað í
Vestur-Húnavatnssýslu
1954-77 og í Stykkishólmi 1977-92.
Auk þess gegndi hann aukaþjónustu
á Melstað og í Setbergsprestakalli
sinnti hann ólaunaðri þjónustu fyrir
sóknarbörn í Flateyjarsókn að beiðni
þeirra. Eftir að hann lauk skipaðri
prestþjónustu sinnti hann prests-
þjónustu á Kolfreyjustað 1992, á
Sauðárkróki, í Bolungarvík, í Staða-
staðaprestakalli 1995-96, í Skaga-
strandarprestakalli 1998, Ból-
staðahlíðarprestakalli 1998, í
Vestmannaeyjum 1998, á Hrafnistu í
Hafnarfirði 1998-99, á Kolfreyjustað
2000-2001, í Hofsóss- og Hólapresta-
kalli 20021-2003 og í Skagastrand-
arprestakalli 2004. Þá hafði hann
þjónað í 14 prestaköllum og annast
helgihald í 150 kirkjum á Íslandi auk
þess að predika í Jerúsalem um jól á
ferð með kirkjukórsfólki í heimsókn í
Ísrael.
Gísli sinnti húsvitjunum, æskulýðs-
starfi á Vestmannsvatni, hélt sunnu-
dagaskóla í prestaköllum sínum og
tók þátt í fermingarbarnamótum
1957-92.
Gísli starfaði í góðtemplararegl-
unni um árabil, sat í stjórn Ungm.f.
Grettis í Miðfirði, var formaður Ung-
mennasambands Vestur-Húnavatns-
sýslu 1956-60, sat í barnaverndar-
nefnd Ytri-Torfustaðahrepps
1954-76, í stjórn Veiðifélags Mið-
fjarðarár í 20 ár, í skólanefnd Reykja-
skóla, í stjórn Byggðasafnsins á
Reykjum í 20 ár, var prófdómari í
barnaskólum í Vestur-Húnavatns-
sýslu í 23 ár, formaður og ritari
Lionsklúbbsins Bjarma á Hvamms-
tanga, sat í barnaverndarnefnd
Stykkishólms, í stjórn Byggðasafns
Snæfellsness- og Hnappadalssýslu,
var ritari Lionsklúbbs Stykkishólms,
hefur setið í fulltrúaráði Prestafélags
Íslands og verið formaður Hallgríms-
deildar Prestafélags Íslands.
Gísli hefur flutt útvarpserindi um
kirkjumuni, þýddi ritið Könnuður í
fimm heimsálfum, var ritstjóri ým-
issa tímarita og ársrita og samdi
Skáld-Rósu og síðan Skáldung, um
námsár nóbelsskáldsins hjá sr. Hall-
dóri, föður sr. Gísla.
Gísli H. Kolbeins, fyrrv. sóknarprestur – 90 ára
Gísli með systkinum sínum Fremri röð frá vinstri: Erna, Lára Ágústa, Þórey Mjallhvít. Aftari röð frá vinstri: Eyj-
ólfur, afmælisbarnið, Guðrún Sesselja fóstursystir, Ólafur Valdimar fósturbróðir og Ingveldur Aðalheiður.
Þjónaði í 14 presta-
köllum og 150 kirkjum
Hjónin Séra Gísli og Sigríður Ingi-
björg Bjarnadóttir Kolbeins.
GarðabærGunnar Freyr
Jóhannsson fæddist 3.
júlí kl. 17.30. Hann vó
3465 g og var 50,5 cm
langur. Foreldrar hans eru
Anna Steinunn Gunn-
arsdóttir og Jóhann K.
Guðmundsson.
Nýr borgari
Íslendingar Kjartan Gunnar Kjartansson,Pétur Atli Lárusson islendingar@mbl.is
Ábendingar um brúðkaup, afmæli, barnsfæðingar og önnur tímamót í lífi fólks má
senda á netfangið islendingar@mbl.is. Einnig geta þeir, sem óska eftir því að nafn
þeirra birtist ekki í þessum dálkum, sent beiðni þar að lútandi á sama netfang.
 Unnið í samvinnu við viðmælendur.
Á opnunni „Íslendingar“ í Morgunblaðinu
er sagt frá merkum viðburðum í lífi fólks,
svo sem stórafmælum, hjónavígslum,
barnsfæðingum og öðrum tímamótum.
Börn og brúðhjón
Allir þeir sem senda blaðinu mynd af nýjum borgara eða mynd
af brúðhjónum fá fría áskrift að Morgunblaðinu í einn mánuð.
Hægt er að senda mynd og texta af slóðinni
mbl.is/islendingar eða á islendingar@mbl.is
Stærsta uppboð ársins · Óvenju margar perlur gömlu meistaranna
mánudaginn 30. maí, kl. 18
og þriðjudaginn 31. maí, kl. 18
Listmunauppboð
í Gallerí Fold
Rau›arárstígur 14 · sími 551 0400 · www.myndlist.is
Hægt er að skoða uppboðsskrána á myndlist.is
Forsýning á verkunum
mánudag kl. 10–17, þriðjudag kl. 10–17
Karólína
Lárusdóttir
Karólína
LárusdóttirLo
ui
sa
M
at
th
ía
sd
ót
tir