Morgunblaðið - 02.06.2016, Síða 8

8 MORGUNBLAÐIÐ FIMMTUDAGUR 2. JÚNÍ 2016
 Hár Madonnu var liðað og fléttað að hluta til. Það
var svo matt og frekar úfið undir fagra hárskrautinu.
Til að kalla fram liði eins og Madonna var með er
ýmist hægt að beygla hárið með sléttujárni. Þeir sem
treysta sér ekki í það ættu þá að nota sérstakt beyglu-
járn, til dæmis ROD 5 frá HH Sim-
onsen. Athugið þó að toppurinn á Mo-
donnu var þó krullaður lauslega en ekki
beyglaður eins og restin af hárinu.
 Til að fá þessa úfnu áferð er
tilvalið að nota saltsprey í
hárið.
 Matta og hvíta áferð-
in í hárið fæst með því
að nota hvítt þurr-
sjampó eða hvíta hár-
krít frá Kevin Murphy.
Athugið að þetta kemur
best út í ljósu hári. Þeir sem
eru með dökkt hár geta notað brúnt
þurrsjampó til að gera hárið matt án
þess að það verði hvítt.
 Hárið var svo fléttað að framan og flétturnar dregn-
ar aftur og festar niður með spennum. Athugið að flétta
ekki of þétt til að fá samskonar fléttur og Madonna var
með. Svo var ein flétta aftan í hnakkanum sem kom
undan hárinu. Allar fléttur voru festar með glærum
teygjum. Blax-teygjurnar eru hentugar í verkið, þær
eru sterkar og haldast vel í hárinu.
 Að lokum er fallegt að skreyta hárið með hár-
spennum, hárspöng eða öðru hárskrauti. Þeir sem vilja
skreyta hárið með hárskrauti sem nær í kringum allt
höfuðið, líkt og hárskraut Madonnu gerði, ættu að
koma því vel fyrir á höfðinu áður en flétturnar eru
spenntar upp.
SKREF FYRIR SKREF
Liðaðir lokkar,
fléttur og glingur
Hárskraut
frá Lindex,
1.595
krónur.
Rod 5-járnið kostar 21.640
krónur á Beauty barnum.
Color-bug hárkrítin frá
Kevin Murphy gefur
hárinu tímabundinn lit
sem skolast af í sturtu.
Hárgreiðsla Madonnu á MET
Gala vakti lukku.
AFP
Madonna vakti athygli á Met
Gala ballinu í seinasta mán-
uði, ekki bara fyrir klæðaburð
heldur líka fyrir hárgreiðsluna.
Hárið var smart en punkturinn
yfir i-ið var svo hárskrautið
sem hún bar. Hér koma skref
fyrir skref leiðbeiningar fyrir þá
sem vilja framkalla samskon-
ar hárgreiðslu.
Guðný Hrönn | gudnyhronn@mbl.is
Þ
annig vildi til að maður sendi mér vina-
beiðni á Facebook sem er í fínu lagi þar
sem ég hef ekkert að fela og það er bara
eðlilegt að fólk kynnist í gegnum þennan
miðil. Hann sendi mér svo skilaboð, var
vinalegur og vildi fá að hitta mig en ég hafði bara ekki
tíma fyrir það þá. Nokkru seinna var ég að labba heim
eitt kvöldið og rekst þá óvænt á hann. Hann býður mér
að fá sér drykk með sér en ég hafði ekki tíma vegna
prófa, kvaddi hann og fór heim, vissi ekki betur en allt
væri í lagi. Tveimur dögum seinna byrja að hrúgast
inn mjög neikvæð skilaboð frá honum, um mig og mitt
útlit. Hann spyr hvernig ég geti lifað með sjálfri mér
útlítandi eins og hvalur, sagði mig vera nörd, gervi-
lega, feita og ljóta. Hann sagði einnig að ég hefði ekk-
ert vit á tísku þar sem ég væri svo feit. Þetta var frek-
ar ótrúlegt þar sem ég þekki manninn í rauninni ekki
neitt. Honum er auðvitað velkomið að hafa sitt álit á
mér en ég bað hann vinsamlegast að halda því fyrir
sig. Svo sagði ég honum að mér bæri engin skylda til
að þóknast honum né öðrum. En það virtist bara blása
að kolunum hjá honum og hann hélt áfram þar til ég
þurfti að blokka hann á Facebook. Mér fannst ótrúlegt
að hann dirfðist að segja þetta við mig og að hann
hætti ekki þegar hann var vinsamlegast beðinn að
hætta. Ég hafði ekki gert neitt á hans hlut,“ segir
Gerður.
Gerður er staðráðin í að láta skilaboðin ekki á sig fá
því hún er viss um að þau séu merki um að þessum
manni líði illa. „Ég held að þessum einstaklingum líði
bara mjög illa í eigin skinni. Hann sannar sitt eigið
óöryggi með ljótum orðum til annarra einstaklinga,
þetta er ómálefnalegt og rætið. Það þýðir samt ekki að
maður eigi að leyfa þeim sem líður illa að vaða yfir sig,
yfirleitt er best er að hunsa svona
en í mínu tilfelli þá birti ég brot af
samtalinu með skjáskoti á Fa-
cebook-veggnum hjá mér til að
sýna að ég læt ekki tala svona
við mig,“ útskýrir Gerður sem
fékk mikil viðbrögð eftir að hafa
birt skjáskot af samtalinu.
„Ég er öruggari
með sjálfa mig“
„Ég svo sem bjóst ekki við
neinu þegar ég birti skjáskotið
af samtalinu, ég bara vissi að
ég gæti ekki falið þetta og lát-
ið þetta éta mig upp. Við-
brögðin voru ótrúleg en ég er
umkringd af yndislegu og
sterku jákvæðu fólki sem minnti mig á hver ég er og
hvað ég stend fyrir. Þetta mun ekki hafa nein áhrif á
mig þannig séð, nema að ég er öruggari með sjálfa mig
og það sem ég geri. Ég mun bara halda áfram að vera
ég og deila því sem veitir mér innblástur. Vegna þess
að tíska er ekki bara ein glansmynd eins og margir
virðast halda heldur er þetta skapandi svið fyrir marga
fjölbreytta einstaklinga og fjölbreytileiki er mér mjög
mikilvægur.“
Gerður segir þessi tilteknu skilaboð ekki vera eins-
dæmi. „Nei, ég hef lent í svona áður en það hefur að
mestu verið nafnlaust svo ég tek það ekki alvarlega.
En í kjölfar þess að ég birti sjáskotið hafði margt fólk
samband við mig sem hefur lent í svipuðu eða orðið
fyrir sama manni, það var fegið að það var ekki eitt og
sýndi mér stuðning.“
Mun ekki láta rætin
skilaboðin hafa
neikvæð áhrif á sig
Stílistinn Gerður Guðrún Árnadóttir hefur alltaf haft áhuga á tísku, förðun og öllu
sem því tengist. Hún hefur haldið úti rafrænni úrklippubók, White Raven (ger-
dur9.blogspot.is ), í sjö ár og verið virk á samfélagsmiðlum frá því að þeir komu til
sögunnar. Síðan þá hefur hún mestmegnis uppskorið jákvæð viðbrögð. Nýverið
fékk hún þó ljót skilaboð frá ónefndum aðila sem gerði lítið úr henni og þeim
tískumyndum sem hún birtir á netinu. Gerður segir nethegðun sem þessa vera
merki um vanlíðan þess sem stundar hana.
Guðný Hrönn | gudnyhronn@mbl.is
Ljósmynd/Alexandra Kristjánsdóttir.
„Ég hef alltaf haft
áhuga á að skoða
hvernig mismunandi
einstaklingar tjá sig í
gegnum klæðnað,
fylgihluti og förðun,“
segir Gerður.
Gerður Guðrún byrjaði
með White Raven-
bloggið fyrir um sjö ár-
um. „Þar miðla ég því
sem hefur mestu áhrif-
in á mig hverju sinni,“
segir hún.
Frábær gjöf fyrir
dömur á öllum aldri
Fáanleg í 12 litum
í fullorðins- og barnastærð.
Nánar um sölustaði á facebook
Helstu útsölustaðir í Reykjavík
Allar sundlaugar, Apótekarinn Mjódd,
Borgarapótek, Lyf og heilsa; JL húsi,
Kringlu og Austurveri, Minja,
Snyrtivörubúðin Glæsibæ, Mistý,
Lyfjaver, Reykjavíkur Apótek,
Árbæjarapótek, Urðarapótek,
Balletbúðin Arena.
Netverslanir Aha.is, Heimkaup,
Krabbameinsfélagið og Netsöfnun.