Morgunblaðið - 30.07.2016, Blaðsíða 4

Skúli Halldórsson
sh@mbl.is
Ekki er nægu fé veitt til reksturs
lögreglunnar á Norðurlandi vestra.
Þetta segir lögreglustjóri umdæm-
isins, Páll Björnsson, í samtali við
Morgunblaðið. Páll segir að í kjölfar
mikils niðurskurðar eftir hrun bank-
anna hafi þrýstingur skapast vegna
ónógrar löggæslu.
„Þá var fundið upp á nýrri tilhög-
un í fjárveitingu, sem gengur út á að
ráðuneytið fær hálfan milljarð króna
og er sjálft látið úthluta þeirri fjár-
hæð á milli embættanna. Þetta hefur
verið gert í fjárlögum síðustu
þriggja ára,“ segir Páll.
Í fyrsta sinnið hafi öllum lögreglu-
stjórum verið sagt að fjárveitingin
yrði öll að renna í aukin laun, það er
til að auka vinnu lögreglunnar.
„Þar af leiðandi voru ráðnir lög-
reglumenn út á
þetta, en þar sem
hver króna fór í
þennan lið þá hef-
ur sjálfur rekstr-
arvandinn haldið
áfram. Enda er
margt annað sem
þarf að gera og
það kostar að
hafa umgjörð í
kringum lög-
reglumennina. Menn hafa þurft að
leggja allan peninginn í að kaupa
meiri vinnu og ráða fleiri lögreglu-
menn. Á sama tíma þarf á hinn bóg-
inn að taka sjálfan reksturinn og
hysja hann upp.“
„Hin og þessi hagræðing“
Páll tekur þó fram að með þessu
sé hann ekki að lýsa einhvers konar
vonlausri stöðu.
„En þetta er samt þannig að þarna
vantar töluvert upp á. Þetta er svo-
lítil skekkja sem hefur verið undan-
farin ár. Og hún háir okkur.“
Páll segir sameiningu lögreglu-
embætta í ársbyrjun 2015 hafa haft í
för með sér aukinn akstur á milli lög-
reglustöðva gömlu embættanna.
„Það var hin og þessi hagræðing
sem átti að fylgja sameiningunni en
þá má kannski um hana deila. Hag-
ræðingin er að minnsta kosti ekki
mikil, sérstaklega fjárhagslega. Við
höfum ekki séð að hún hafi orðið. Og
ég er heldur ekki viss um að hún hafi
átt að verða. Ég held að hugmyndir
manna hafi verið að sameiningu
myndi fylgja skilvirkari löggæsla,“
segir Páll.
Aðspurður segist hann þá hvorki
geta fullyrt að löggæsla í umdæminu
hafi veikst né styrkst við samein-
inguna.
Lítið bólar á hagræði
í kjölfar sameiningar
 Taka þarf reksturinn og hysja upp, segir lögreglustjóri
Páll
Björnsson
4 FRÉTTIRInnlent
MORGUNBLAÐIÐ LAUGARDAGUR 30. JÚLÍ 2016
Nýskráningar
einkahlutafélaga
voru 275 í júní og
hefur þeim fjölg-
að um 18% á síð-
ustu 12 mánuðum
samanborið við
12 mánuði þar á
undan, sam-
kvæmt upplýs-
ingum frá Hag-
stofu Íslands. Alls voru 2.633 ný
einkahlutafélög skráð á tímabilinu,
borið saman við 2.232 á fyrri 12
mánuðum. Skráð gjaldþrot fyr-
irtækja á sama tímabili voru 102 og
jukust þau um 12% miðað við sama
12 mánaða tímabil þar á undan.
Nýskráningum fjölg-
ar um 18% en gjald-
þrotum um 12%
Hagstofa Gjald-
þrotum fjölgaði.
Jón Þórisson
jonth@mbl.is
Coca-Cola European Partners
(CCEP), stærsta sjálfstæða átöppun-
arfyrirtæki Coca-Cola í heiminum,
hefur tekið yfir starfsemi Vífilfells,
sem framleiðir og dreifir Coca-Cola á
Íslandi. CCEP er almenningshluta-
félag, skráð í New York, Amsterdam,
London og á Spáni.
Fyrirtækið sérhæfir sig á sviði
neytendavara í Evrópu og framleiðir,
dreifir og markaðssetur óáfenga
drykki. Jafnframt er það stærsta
átöppunarfyrirtæki Coca-Cola í heim-
inum og eru vörur þess seldar til yfir
300 milljóna neytenda í Vestur-Evr-
ópu. Þar á meðal eru lönd á borð við
Andorra, Belgíu, Frakkland, Þýska-
land, Bretland, Ísland, Lúxemborg,
Mónakó, Holland, Noreg, Portúgal,
Spán og Svíþjóð.
Í kauphöllinni í New York kemur
fram að tekjur CCEP hafi numið 7
milljörðum bandarikjadala árið 2015.
Það jafngildir um 840 milljörðum
króna miðað við gengi bandaríkjadals
í gær. Fyrir yfirtökuna var Vífilfell í
eigu spænska átöppunarfyrirtækisins
Cobega.
„Cobega átti stóran hlut í Coca-
Cola Iberian Partners. Í gegnum
samruna, meðal annars við Coca-Cola
í Þýskalandi, varð svo til CCEP, sem
við erum nú orðin hluti af,“ segir Stef-
án Magnússon, markaðsstjóri hjá
Vífilfelli.„Þessar eignabreytingar
auka aðgang okkar að þekkingu og
gefa okkur meira afl í hráefniskaup-
um. Vífilfell verður áfram til og vöru-
framboðið eins og verið hefur.“
Drykkjarisi eignast Vífilfell
 Verður hluti fyrirtækjakeðju sem þjónar 300 milljóna markaði  Styrkir og
eflir starfsemina, segir markaðsstjóri hjá fyrirtækinu  Vífilfell verður áfram til
Morgunblaðið/Jim Smart
Vífilfell Framleiðandi Coca-Cola.
Síldarævintýrið á Siglufirði hófst formlega í gær með
setningu bæjarstjóra Fjallabyggðar, Gunnars I. Birg-
issonar. Um tíma leit út fyrir að af hátíðinni yrði jafn-
vel ekki, þar sem deilt var um greiðslu löggæslukostn-
aðar. Bæjarráð Fjallabyggðar og lögreglan á
Norðurlandi eystra hafa þó náð sá um í málinu.
Að því er segir í tilkynningu mun Fjallabyggð ekki
greiða umræddan löggæslukostnað nema æðra stjórn-
vald eða dómstólar ákveði svo, en erindi þessa efnis er
nú hjá atvinnuvegaráðuneytinu.
Í framhaldi af tilkynningunni gaf lögreglustjóraemb-
ættið hátíðinni jákvæða umsögn varðandi umsókn um
tækifærisleyfi til sýslumanns.
Daníel Guðjónsson, yfirlögregluþjónn á Akureyri,
segir að hjá embættinu hafi menn verið sáttir með
þessa lausn, en ekki sé ákveðið hvort málinu verði
áfrýjað fari svo að ráðuneytið úrskurði bæjaryfir-
völdum í vil. Aðspurður segir hann að lokum að lög-
reglan verði í góðum gír á Siglufirði um helgina.
„Það verður dansað þar sem aldrei fyrr.“
Bæjarráð Fjallabyggðar og lögreglan á Norðurlandi eystra náðu sáttum
Skemmtun Hið árlega Síldarævintýri á Siglufirði var sett í gærkvöldi að viðstöddum fjölda bæjarbúa og gesta.
Síldarævintýrið hófst í gær
Skúli Halldórsson
sh@mbl.is
Samband íslenskra sveitarfélaga
sendi 13. júlí síðastliðinn fyrirspurn
til allra framkvæmdastjóra sveitar-
félaga um hvort sveitarfélögin hafi
þurft að greiða löggæslukostnað
vegna bæjarhátíða eða svipaðra við-
burða sem þau standa að.
Í kjölfarið var unnin samantekt
úr svörunum, sem Morgunblaðið
hefur undir höndum og þar kemur
m.a. fram að Akraneskaupstaður
var til að mynda jafnan krafinn um
milljón króna vegna löggæslu við
Írska daga, eða þar til lögregluemb-
ættin á Vesturlandi voru sameinuð í
eitt.
„Við náðum samkomulagi við nýja
lögreglustjórann um að við myndum
ekki greiða þennan kostnað,“ segir
Regína Ásvaldsdóttir, bæjarstjóri
Akraness, í samtali við Morgun-
blaðið. Hún nefnir sem dæmi að
sjúkrahúsið á Akranesi sé sömuleið-
is undir álagi meðan á Írskum dög-
um stendur. „Næsta krafa gæti þá
verið frá heilbrigðisyfirvöldum, um
að sveitarfélögin greiði sjúkra-
húsum og heilsugæslu fyrir aukið
álag á bæjarhátíðum.“
Ólík staða á Suðurnesjunum
Svokölluð fiskidagsnefnd, sem
stendur árlega fyrir Fiskideginum
mikla á Dalvík, var á síðasta ári í
fyrsta sinn krafin um greiðslu lög-
gæslukostnaðar, kr. 500.000. Í ár
var nefndinni svo gert að greiða
600.000 krónur. „Ljóst má vera að
þessi upphæð er brot af þeim aukna
löggæslukostnaði sem fellur til um
þessa helgi,“ segir í svari Dalvík-
urbyggðar í samantektinni.
Þá hafa lögregluyfirvöld innheimt
löggæslukostnað vegna Humar-
hátíðar á Höfn nánast frá því hún
var fyrst sett á laggirnar, að því er
fram kemur í svari sveitarfélagsins
Hornafjarðar. „Þessi kostnaður hef-
ur verið aðeins misjafn en hæst hef-
ur hann farið í tæplega 600 þúsund
krónur,“ segir í samantektinni.
Undanfarin ár hafi hann numið 300
til 350 þúsund krónum.
Ólíku er saman að jafna ef litið er
til Suðurnesja. Í svari Reykjanes-
bæjar segir þannig að bærinn hafi
ekki þurft að greiða lögreglunni á
Suðurnesjum neinar upphæðir
vegna hátíðarhalda á borð við hina
árlegu Ljósanótt.
Vestmannaeyjabær greiddi lög-
reglunni 475 þúsund krónur vegna
Goslokahátíðar í ár, auk þess sem
ÍBV var krafið um fjórar milljónir
fyrir löggæslu á síðustu Þjóðhátíð.
Elliði Vignisson, bæjarstjóri
Vestmannaeyja, segist mótfallinn
þessu.
„Við erum mjög ósátt við að þetta
skuli leggjast svona þungt á bæjar-
hátíðir á landsbyggðinni, en þegar
um er að ræða hátíðir á stórhöfuð-
borgarsvæðinu, þá greiði ríkið það,“
segir Elliði. „Þetta er nánast eins og
það væri rukkað fyrir heilsugæslu á
landsbyggðinni en ekki í borginni.“
Eigi ekki við um bæjarhátíðir
Við lestur samantektar sam-
bandsins virðist það vera nokkuð
misjafnt eftir landshlutum hvort
lögregla krefji sveitarfélög um
greiðslu vegna bæjarhátíða. Nefnt
er þar sem dæmi að sveitarfélögin á
Suðurnesjum virðast aldrei hafa
verið krafin um slíka greiðslu. Þá sé
óhætt að fullyrða að framkvæmd sé
mjög langt frá því að vera samræmd
um allt land.
Í greinargerð með frumvarpi,
sem varð að lögum nr. 85/2007 um
veitingastaði, gististaði og skemmt-
anahald, er sett fram ákveðin af-
mörkun á gildissviði 17. greinar lag-
anna um tækifærisleyfi.
„Rétt er að taka fram að ákvæði
þessu er ekki ætlað að ná til íþrótta-
kappleikja eða opinberra hátíðar-
halda svo sem á þjóðhátíðardaginn,
Menningarnótt í Reykjavík, [...]
enda eru slíkir atburðir almennt
ekki í atvinnuskyni eða aðgangur
seldur að þeim.“
Þá segir í nefndaráliti samgöngu-
nefndar að undir ákvæðið falli ekki
atburðir og skemmtanir á vegum
sveitarfélaga og eru bæjarhátíðir
nefndar sem dæmi.
Innheimta
löggæslukostn-
að án samræmis
 „Eins og að rukka fyrir heilsugæslu
á landsbyggðinni en ekki í borginni“
Írskir dagar Akranesbær er ekki
lengur krafinn um kostnaðinn.