Morgunblaðið - 30.07.2016, Qupperneq 39

MENNING 39
MORGUNBLAÐIÐ LAUGARDAGUR 30. JÚLÍ 2016
Það verður heljarinnar tónlistar-
dagskrá á viskíbarnum Dillon í
Reykjavík um helgina en alls munu
fimmtán hljómsveitir stíga þar á svið.
Sveitirnar eru bæði íslenskar og er-
lendar en á meðal þeirra sem koma
fram eru Grísalappalísa, Snorri
Helgason, Kontinuum, Teitur Magn-
ússon og Moji & The Midnight Sons.
Þess má geta að tvö ár eru síðan
síðasta breiðskífa Grísalappalísu,
Rökrétt framhald, kom út og ekki
ólíklegt að nokkir slagarar af þeirri
plötu muni fá að njóta sín. Þá má þess
einnig geta að Teitur Magnússon gaf
út verkið 27 síðla árs 2014 og var það
tilnefnt til Norrænu tónlistarverð-
launanna.
Þá verður einnig efnt til grillveislu
í bakgarði staðarins sem stendur við
Laugaveg 30. Tónleikarnir hefjast að
jafnaði klukkan 20 og standa til mið-
nættis. Það er síðan engin önnur en
rokkarinn Andrea Jónsdóttir sem
mun þeyta skífum frá miðnætti öll
kvöldin.
Morgunblaðið/Eggert
Rokkað Grísalappalísa kemur fram auk Teits, Snorra Helgasonar og fleiri.
Grísalappalísa
og Teitur á Dillon
Ásdís Ásgeirsdóttir
asdis@mbl.is
Í Norræna húsinu stendur yfir
sýningin Öld barnsins þar sem
finna má norræna hönnun úr efn-
isheimi barna, s.s. húsgögn, leik-
föng, fatnað, nytjahluti og margt
fleira. Sýningin hefur ferðast um
Norðurlönd síðustu tvö ár og er
nú komin hingað og hefur fjöl-
mörgum verkum
eftir íslenska
hönnuði verið
bætt við nor-
rænu sýninguna.
Á sýningunni
eru þekkt verk
eftir Alvar
Aalto, Ólaf Elí-
asson, Arne Ja-
cobsen, Kay
Bojesen, Carl og
Karin Larsson, Peter Opsvik og
Tove Jansson og nokkur af vin-
sælustu vörumerkjum heims á
borð við BRIO, LEGO og Mari-
mekko.
Sýningin betrumbætt
Guja Dögg Hauksdóttir, sýning-
arstjóri og sýningarhönnuður yfir
íslenska hlutanum, segir að þegar
sýningin hafi komið hingað til
landsins hafi hún tekið eftir
hversu fáir íslenskir munir voru
með. „Ég spurði þá hvort ég
mætti setja inn íslenska hluti og
það var mikil stemning fyrir því.
Það mun svo verða framvegis hluti
af sýningunni en hún á eftir að
fara til Berlínar í sendiráðið og
víðar,“ segir Guja. „Ég betrum-
bætti sýninguna, en mér fannst
mikilvægt að velja eitthvað sem
væri sérstakt fyrir Ísland en líka
fyrir Norðurlönd. Það eru
ákveðnir þræðir varðandi húm-
anisma og samfélagsvitund og
endurnýtingu efna sem ég hafði í
huga og svo auðvitað gæði,“ segir
hún.
Ekki bara „smart og kúl“
Guja telur íslenska hönnuði
mjög færa. „Við eigum ekki langa
sögu af hönnunarskólum en
Listaháskólinn byrjaði um alda-
mótin og er það núna að skila sér
í alveg ótrúlega fínum hönnuðum.
Mér fannst gott að vekja athygli á
að við erum að gera hluti sem eru
alveg á pari við flottustu hönnun á
Norðurlöndum,“ segir Guja og
nefnir meðal annars dúkkuna
Lúllu. „Það er mikill kærleikur í
þessu. Það er svo mikið lagt í
þetta. Það er þessi umhyggja og
blíða sem stýrir hönnuninni, ekki
bara að það sé „smart og kúl“,“
segir hún. „Hér er líka til sýnis ný
vagga eftir stúlku sem útskrifaðist
í vor og svo eru hér leikföng sem
eru eins og leggir og skeljar en
þetta er framleitt úr plasti. Þetta
eru tengingar bæði aftur og fram
einhvern veginn með fallega hugs-
un að baki og mikla sköpunar-
gleði. Þetta spilar á fantasíuna,“
segir Guja sem telur að sýningin
muni kynna íslenska hönnun og
hönnuði erlendis í framtíðinni.
Börn mega hoppa í pollum
Norræn hönnun er allt öðruvísi
en gerist og gengur í öðrum lönd-
um, eins og Bretlandi og Banda-
ríkjunum að sögn Guju. „Við
hérna á Norðurlöndum höfum
ákveðna vitund um börn; þau eru
ekki endilega stillt og það er
ákveðið svigrúm og hefð fyrir því
að börn fari út og hoppi í pollum
og prófi hluti. Ég veit til dæmis að
í Bretlandi er börnum á barna-
heimilum ekkert hleypt út ef það
er rigning; eiga ekkert regngalla.
Við hönnum án þess að börnum
verði kalt; án þess að þau meiði
sig. Hönnunin miðast við að börn-
in geti gert þetta. Þetta er bara
eðlilegur hluti af æskunni og þá
bara eltir hönnunin það.“
Guja bendir einnig á að í nor-
rænni hönnun er notað mikið af
náttúrulegum efnum. „Það er
meira af ómeðhöndluðum efnum;
það er notað alvöru ull, ekki pó-
lyester, alvöru viður, alvöru máln-
ing án eiturefna. Og miklu minna
af plasti, maður sér það greini-
lega,“ segir hún.
Tengja námsefni við sýninguna
Sýningin verður opin í hálft ár
og mun tengjast ýmsu kennslu-
starfi. „Ég er ráðin til að búa til
námsefni fyrir grunnskólanem-
endur sem geta þá unnið með sýn-
inguna sem grunn upp á að efla
vitund fyrir hönnun sem er ekki
bara smart heldur sýnir hvernig
er hægt að gera hluti sem auð-
velda manninum lífið. Svo verða
ráðstefnur og alls konar smiðjur
bæði fyrir börn og fullorðna,“ seg-
ir Guja.
Börnin mega leika sér
Sýningin er ekki einungis inn-
an dyra því fyrir utan Norræna
húsið er búið að koma fyrir sér-
stökum leiktækjum. „Við teygð-
um sýninguna út því það er ís-
lenskur framleiðandi sem heitir
Krumma og býr til og þróar leik-
velli fyrir íslenskar aðstæður.
Formið er eins og klettar og
hraun, en þetta er þannig að
börnin meiða sig ekki. Þetta á að
örva börn og hvetja þau til að
nota líkamann,“ segir Guja. Hún
ákvað einnig að hafa svæði á sýn-
ingunni þar sem börn mættu
snerta muni og leika sér. „Ég
hugsaði að það yrði grátur og
gnístran tanna að koma með
mömmu og pabba á sýningu og
mega ekki snerta. Þannig að í
miðju rýminu smíðaði ég hús og
keypti inn í það ákveðið úrval af
því sem er undir gleri. Margir af
hlutunum eru enn í framleiðslu.
Þar mega börnin gera allt og það
hefur sýnt sig að börn og for-
eldrar sitja þar löngum stundum
þegar þau eru búin að skima sýn-
inguna.“
Umhyggja og blíða stýrir hönnuninni
 Sýningin Öld barnsins er nú í Norræna húsinu en þar má finna mörg þekktustu verk norrænnar
hönnunar fyrir börn frá 1900 til dagsins í dag  Íslensk hönnun skipar stóran sess á sýningunni
Á sýningunni Öld barnsins í Norræna húsinu má finna norræna hönnum sem tengist menningu barna síðustu hundrað ár.
Guja Dögg
Hauksdóttir