Morgunblaðið - 12.08.2016, Side 31

MENNING 31
MORGUNBLAÐIÐ FÖSTUDAGUR 12. ÁGÚST 2016
Viðurkennd gæðateppi, slitsterk, ofnæmisprófuð
og samþykkt af Mannvirkjastofnun.
Óhreinindavörn sem lengir líftíma teppanna
og léttir þrif.
Stigahúsateppi
Mikið úrval!
Mælum og gerum tilboð
án skuldbindinga og kostnaðar
Ármúli 32, 108 Reykjavík
Sími 568 1888
www.parketoggolf.is
Sérverslun með teppi og parket
Klettagörðum 5, 104 Reykjavík | stolpigamar@stolpigamar.is
Gámaleiga
Er gámur lausnin fyrir þig?
Við getum líka geymt gáminn fyrir þig
568 0100
stolpigamar.is
HAFÐU
SAMBAND
Búslóðageymsla ❚ Árstíðabundinn lager ❚ Lager ❚ Sumar-/vetrarvörur
Frystigeymsla ❚ Kæligeymsla ❚ Leiga til skemmri eða lengri tíma
Laufey Rún Ketilsdóttir
laufey@mbl.is
„Ég var kominn út í lífið og fór úr
einu verkefni í annað en mig langaði
að gera eitthvað algerlega frá sjálf-
um mér þar sem ég gæti leikið og
sungið á gítar og tvinnað það allt
saman,“ segir Bragi Árnason, leikari
og söngvari, en hann stígur á sviðið í
Tjarnarbíói á morgun, 13. ágúst, kl.
20.30 með sýninguna Barry and his
Guitar. Miðaverð er 2.500 krónur og
fer miðasala fram á midi.is
Sýningin er aðeins sýnd í þetta
eina skipti í Tjarnarbíói en Bragi
hefur áður sett hana upp í London, í
Mengi, á einleikjahátíðinni Act
Alone á Suðureyri og á Edinborg-
arhátíðinni Fringe í fyrra en þar
fékk sýningin góðar viðtökur.
„Grínævintýri úr stórborginni,
stútfullt af skemmtilegum lögum, lit-
ríkum persónum og einlægum boð-
skap,“ segir í tilkynningu um sýn-
inguna en Bragi leikur þar öll
hlutverk, semur sjálfur handrit, lög
og texta.
Eigin saga úr stórborginni
Bragi byggir persónurnar laus-
lega á fólki og atburðum sem urðu á
vegi hans á meðan hann dvaldist í
London síðastliðin átta ár. Þar út-
skrifaðist hann sem leikari frá Kog-
an Academy of Dramatic Art í Lond-
on 2010 og hefur síðan leikið í
söngleikjum, leikhúsuppfærslum,
kvikmyndum, stuttmyndum, sjón-
varpsþáttum og tónlistarmynd-
böndum bæði hér á landi og erlendis.
„Sýningin er um ungan mann sem
er mjög viðkunnanlegur en dálítið
óöruggur með sig og heitir Barry.
Hann er hjartagóður en líka smá
klaufi og virðist koma sér í aðstæður
fyrir slysni sem er ómeðvitað eitt-
hvað sem hefði átt að gerast,“ segir
Bragi en Barry vinnur á kaffihúsi í
London en gengur með þann draum
í maganum að verða poppstjarna.
„Hann tapar sér oft í músíkinni og
fær oft að spila á kaffihúsinu en þar
eru margir litríkir karakterar sem
koma við sögu,“ bætir Bragi við en
svo gerist það að Barry lendir upp á
kant við glæpagengi í borginni eftir
að hafa óvart móðgað son glæpafor-
ingjans. „Það á svo eftir að hafa
ófyrirséðar afleiðingar í för með
sér.“
Bragi segist hafa farið í gegnum
fjölmargar hugmyndir að verkum
áður en hann endaði á því að semja
einleikinn um Barry. „Ég ákvað svo
að lokum að gera eitthvað alveg
skáldað – mína eigin sögu og væri þá
nær sjálfum mér,“ segir hann en það
hafi verið margar litlar hindranir á
vegi hans þegar hann bjó í London
og ýmis ævintýri sem hann hafi lent
í. „Þetta er mikill frumskógur og
mig langaði að búa til litla sögu sem
væri með skírskotun í þetta daglega
líf og amstur í bland við músík.“
Sýningin sé blanda af leikriti,
söngleik og glæpasögu sem að sögn
Braga eru skemmtilegar andstæður
að vinna með. „Ég hef sagt það í
gríni að þarna fari saman í hræri-
graut tvær bíómyndir, Lock, Stock
and Two Smoking Barrels og Mary
Poppins,“ segir hann hlæjandi.
Stressið gerði vart við sig
Einleiksformið er talið krefjandi
fyrir hvern leikara en fyrir Braga
var þetta ákveðin áskorun. „Ég vildi
ríða á vaðið og gera þetta bara,“ seg-
ir hann en viðurkennir líka að þegar
hann fór fyrst að æfa sýninguna og
sýna hana fólki þá hafi stressið gert
vart við sig. „Ég var að fara á mið
sem ég hef ekki prófað áður og vissi
ekki hvernig þetta myndi virka.“
Í einleik stendur sýningin og fell-
ur með leikaranum. „Þetta er mjög
krefjandi og maður hleypur úr ein-
um karakter í annan og þarf að
passa sig að sagan verði skýr en
samt hefur maður bara klukkutíma
og þarf líka að passa að taka líka ein-
læg augnablik þar sem maður hægir
á,“ segir Bragi og minnist þess að
þegar hann kom fram á Act Alone-
einleikjahátíðinni á Suðureyri fyrir
ári hafi hann rekist á bol með áletr-
un eitthvað á þessa leið:. „Einleik-
urinn er eins og vél sem þú stjórnar
og það er í þínum höndum hvernig
kvöldið fer.“
Tíu hlutverk á klukkutíma
Hlutverkin í sýningunni eru um
tíu talsins og eru sumir meira áber-
andi en aðrir. „Þetta er ákveðin æf-
ing og rosalega krefjandi,“ svarar
Bragi aðspurður um það hvernig
gangi að bregða sér í hlutverk tíu
mismunandi persóna á klukkutíma.
„Þú verður líka að hafa mjög skýran
mun á einum karakter til annars svo
fólk rugli þeim ekki saman.“
Þá getur það verið ruglandi að
breyta um persónur svona ört en
fara þurfi hægt í gegnum senurnar
og slípa til áður en sýningin er sett á
svið. „Svo er það bara gaman stund-
um þegar ég fer í karakter en átta
mig svo á að þetta er ekki alveg rétt
og leyfi mér þá bara að bakka að-
eins,“ segir hann léttur í bragði en
þannig hafi einleikurinn líka uppi-
standsbrag á sér á köflum.
„Út vil ek“-persónuleiki
Bragi sér fram á að halda sig á
landinu í bili eftir átta ára dvöl í
London en viðurkennir að hann sé
mikil „út vil ek“-týpa í eðli sínu og ný
ævintýri á framandi slóðum heilli
hann mjög. Til greina kemur þó að
sýna sýninguna á fleiri stöðum hér á
landi.
Skálduð sjálfssaga úr stórborginni
 Bragi Árnason setur á svið einleik-
inn Barry and his Guitar í Tjarnarbíói
Einleikið Bragi fer með hlutverk tíu persóna í sýningunni en handritið, textana og lögin skrifaði hann sjálfur.