Morgunblaðið - 25.10.2016, Síða 4

4 FRÉTTIRInnlent
MORGUNBLAÐIÐ ÞRIÐJUDAGUR 25. OKTÓBER 2016
Ráðgjöf og þjálfun
nolta.is
Kristján H. Johannessen
khj@mbl.is
„Mér var auðvitað, af mínum ágæta lækni, gert það
ljóst strax í upphafi að þetta væri sjúkdómur sem
maður sæti uppi með og gæti því auðveldlega verið
banvænn,“ segir Kjartan Gunnarsson lögfræðingur,
en hann flutti í gær ávarp á fyrstu ráðstefnu Inter-
national Myeloma Foundation sem haldin var í sam-
vinnu við Perluvini, félag um mergæxli á Íslandi,
Landspítala og Háskóla Íslands.
Kjartan greindist með mergæxli (e. myeloma) á
frumstigi fyrir nokkrum árum, en um er að ræða ill-
kynja fjölgun eitilfrumna í beinmerg sem hægt er að
halda niðri með lyfjameðferð og í völdum tilfellum
geislameðferð. Í ávarpi sínu sagði Kjartan frá eigin
reynslu og kom þar m.a. fram að hann hefur náð sér
vel af sjúkdómnum.
„Ég og mínir aðstandendur höfum verið heppin
því mér hefur vegnað mjög vel og ég tekið vel á móti
meðferðum,“ segir Kjartan. „Kannski er ég í ein-
hverri allsherjar afneitun gagnvart sjúkdómnum,
það getur vel verið, en ég hef frá fyrsta degi aldei lit-
ið á sjálfan mig sem sjúkling og aldrei talað um mig
þannig, þó ég sé ófeiminn við að ræða sjúkdóminn og
lýsa því sem ég hef þurft að fást við vegna hans. Ég
tel að það sé mjög mikilvægt að horfa á sjálfan sig
ekki sem sjúkling, heldur sem einstakling sem er að
ganga í gegnum eitthvað sem hann þarf að gera, get-
ur tekist á við og getur náð árangri í.“
Kjartan segir fyrstu þrjú árin eftir greiningu hafa
reynst honum erfiðust. „Mér fannst mér seint ætla
að batna og var með böggum hildar yfir þessu. En
eftir það finnst mér allt hafa gengið upp á við og frá
2014 finnst mér ég hafa náð mér fyllilega.“
Umfangsmikil rannsókn að hefjast
Sigurður Yngvi Kristinsson, prófessor í blóð-
sjúkdómum við læknadeild Háskóla Íslands, flutti
einnig ávarp, en að sögn hans greinast árlega á
bilinu 20-25 einstaklingar með mergæxli hér á landi.
„Einkenni sjúkdómsins eru yfirleitt blóðleysi,
nýrnabilun, beinverkir og í sumum tilfellum of hátt
kalkgildi í blóði,“ segir Sigurður Yngvi og bendir á
að þrátt fyrir að um sé að ræða ólæknandi sjúkdóm
hafi miklar framfarir orðið í meðferð hans að undan-
förnu. „Þannig má nefna að á síðasta ári voru þrjú
ný lyf samþykkt sem stórauka lífslíkur sjúklinga.“
Um miðjan nóvember verður um 140 þúsund ein-
staklingum yfir fertugu boðið að taka þátt í rann-
sókn þar sem skimað verður fyrir forstigi mergæxlis
með einfaldri blóðprufu. „Markmiðið er að rannsaka
hvort ávinningur sé að skima fyrir forstigi mergæxl-
is svo hægt verði að greina og meðhöndla sjúkdóm-
inn fyrr,“ segir Sigurður Yngvi.
Morgunblaðið/Ófeigur
Margmenni Salurinn á Hilton Reykjavík Nordica var þéttsetinn þegar ráðstefna um mergæxli fór þar fram.
Brýnt að horfa ekki á
sjálfan sig sem sjúkling
 Mergæxli og meðferð þess var til umræðu á ráðstefnu
Morgunblaðið/Ófeigur
Ávarp Kjartan Gunnarsson greindi frá eigin reynslu
og hvernig hann hefur tekist á við sjúkdóminn.
Agnes Bragadóttir
agnes@mbl.is
42. þing Alþýðusambands Íslands
(ASÍ) verður sett á Hilton Nordica
Reykjavík í fyrramálið kl. 10 og
stendur til kl. 17 á föstudag.
Miðstjórn ASÍ gerir tillögu til
þingsins um að það samþykki tillögu
um að 143 milljónum af óráðstöfuðu
eigin fé sambandsins verði ráðstafað
í Vinnudeilusjóð ASÍ.
Gylfi Arnbjörnsson, forseti ASÍ,
var í gær spurður hvort það skyti
ekki skökku við, nú þegar atvinnu-
ástand væri með besta móti, kaup-
máttur hefði aukist sem aldrei fyrr
og hagvöxtur sömuleiðis, að efla
verkfallssjóð sambandsins: „Við er-
um að horfa til framtíðar, ekki for-
tíðar. Það er ekkert sérstaklega
bjart fram undan á vinnumarkaðn-
um og til þess erum við að horfa með
þessari tillögu. Það er engin launung
á því að SALEK-samkomulagið um
nýtt samningsmódel er í uppnámi.“
Fyrir liggur að sú niðurstaða opin-
bera geirans að hverfa frá því sam-
komulagi sem tókst nú í haust um
samræmingu á lífeyrisréttindum al-
menna markaðarins og hins opin-
bera er grundvallarástæða þess að
SALEK-samkomulagið er í upp-
námi. Það að opinberi geirinn vildi
ekki styðja frumvarp Bjarna Bene-
diktssonar fjármálaráðherra um
samræmingu lífeyrisréttinda, sem
byggði á samkomulaginu sem tókst í
haust, gerir það að verkum, sam-
kvæmt upplýsingum Morgunblaðs-
ins, að verkalýðsforystan á almenna
markaðinum telur að fram undan
næstu misseri, jafnvel ár, verði meiri
róstur á vinnumarkaði en sést hafa í
mörg ár. „SALEK verður til í tilraun
til þess að lægja öldur á vinnumark-
aðnum, og ástandið á vinnumarkaðn-
um hefur verið tiltölulega rólegt, frá
því við gerðum það samkomulag. En
nú er uppstytta í því og ef það fer
sem horfir, að iðgjöld í lífeyrissjóði
starfsmanna ríkis og sveitarfélaga
hækka verulega, bresta þar með for-
sendur kjarasamninga Alþýðusam-
bandsins strax í febrúar á næsta
ári,“ sagði verkalýðsforingi sem rætt
var við í gær. Ef ASÍ segði sínum
samningum upp gæti BSRB einnig
sagt upp sínum samningum og í
fljótu bragði yrði ekki séð nein ein-
föld leið við að koma á samningum á
nýjan leik.
Spurður hvort hann og aðrir for-
ystumenn ASÍ ættu von á mótfram-
boðum á þinginu sagði Gylfi: „Ég
veit ekkert um það og yrði væntan-
lega síðasti maður til þess að frétta
af því.“
Gylfi segir að enginn ákveðinn
framboðsfrestur sé til þess að bjóða
sig fram til forystu hjá ASÍ. Hann
hafi einfaldlega tamið sér það sem
fyrrverandi forseti, Grétar Þor-
steinsson, gerði, að gefa upp hug
sinn fyrir sumarleyfi. „Ef menn ætla
að hætta gefst góður tími fyrir aðra
sem hyggja á framboð til þess að
undirbúa það,“ sagði Gylfi. Hann
segir að kjörnefnd leggi fram á
þinginu þau nöfn sem í framboði séu,
síðan spyrji fundarstjóri hvort fleiri
ætli að bjóða sig fram og í upphafi
þings sé gjarnan beðið um að þeir
sem hyggi á framboð láti vita af sér.
Býr sig undir átök á vinnumarkaði
 Forseti ASÍ segist manna síðastur frétta af því ef mótframboð verði gegn honum á ASÍ-þinginu
Morgunblaðið/Árni Sæberg
Gleði Samningur ASÍ og SA hand-
salaður 21. janúar síðastliðinn.
Sigurður Bogi Sævarsson
sbs@mbl.is
Bankamenn og aðrir sem eiga aðild
að Samtökum starfsmanna fjármála-
fyrirtækja (SSF) fá talsverðar
kjarabætur samkvæmt sam-
komulagi sem
gert var í gær.
Launahækkun
sem átti að vera
5,5% þann 1. maí
síðastliðinn verð-
ur 6,2% og gildir
þá afturvirkt frá
síðustu ármótum.
Frá 1. maí á
næsta ári hækka
laun og kaup-
taxtar um 5,0% í
stað 3,75% og í maíbyrjun 2018
hækka launin um 5,0% í stað 2,5%
eins og áður var um samið.
Gildandi kjarasamningur SSF og
SA, fyrir hönd fjármálafyrirtækj-
anna, var gerður í september á síð-
asta ári og þar var í 8. grein bókun
um endurskoðun á launalið kjara-
samningsins, væru fyrir því for-
sendur. Í viðræðum á dögunum,
þegar farið var að huga að breyt-
ingum, var ákveðið að miða við
samninga ASÍ og SA frá í byrjun
þessa árs, það er ákvæði hjá þeim
um launahækkanir og aukin framlög
atvinnurekenda í lífeyrissjóð.
„Við semjum á sömu nótum og
gert var í samningum á almenna
markaðnum síðastliðinn vetur.
Höfðum þá samninga sem ákveðna
forskrift og það teljum við góða
lausn fyrir báða aðila. Félagsmenn
eru að fá ágæta launahækkun með
samningnum nú og fjármálafyrir-
tækin töldu sig hafa svigrúm til þess
að mæta þessu,“ sagði Friðbert
Traustason, formaður SSF, í samtali
við Morgunblaðið.
Bankamenn fá
ágæta hækkun
 Fjármálafyrirtækin höfðu svigrúm
Samsett mynd/Eggert
Bankar Borga sínu starfsfólki vel.
Launahækkun
» Laun og kauptaxtar hækka á
næsta ári um 5,0% í stað
3,75% eins og ætlað var
» Endurskoðun studdist við
samninga ASÍ og SA frá því
snemma á þessu ári
Friðbert
Traustason