Morgunblaðið - 03.11.2016, Qupperneq 11
FRÉTTIR 11Innlent
MORGUNBLAÐIÐ FIMMTUDAGUR 3. NÓVEMBER 2016
Guðni Einarsson
gudni@mbl.is
290 fleiri íslenskir ríkisborgarar
fluttu frá landinu á 3. ársfjórðungi
2016 (júlí, ágúst, september) en til
landsins. Á sama tíma fluttu samtals
950 fleiri til landsins en frá því og
voru aðfluttir erlendir ríkisborgarar
1.240 fleiri en þeir erlendu ríkisborg-
arar sem fluttust frá landinu, sam-
kvæmt frétt Hagstofu Íslands. Fleiri
konur en karlar fluttust frá landinu á
ársfjórðungnum.
Mynstrið virðist í heildina haldast
svipað í búferlaflutningum til og frá
landinu og verið hefur um nokkurt
skeið. Fleiri erlendir ríkisborgarar
flytja til landsins en frá því um leið
og fleiri íslenskir ríkisborgarar flytj-
ast frá Íslandi en til landsins.
Norðurlöndin eru vinsæl
Flestir íslensku ríkisborgaranna
sem fluttust frá landinu á 3. ársfjórð-
ungi 2016 fluttust til Danmerkur,
eða 500 manns. Af 1.410 alls fluttust
1.050 íslenskir ríkisborgarar til Dan-
merkur, Noregs og Svíþjóðar.
Flestir aðfluttir íslenskir ríkis-
borgarar komu frá Danmörku (260
manns), Noregi (310 manns) og Sví-
þjóð (180 manns) eða samtals 750
manns af 1.120.
Á 2. ársfjórðungi þessa árs (apríl,
maí, júní) voru aðfluttir íslenskir rík-
isborgarar 150 umfram brott flutta.
Á þeim ársfjórðungi voru aðfluttir
erlendir ríkisborgarar 1.330 fleiri en
þeir sem fluttust frá landinu. Á 1.
ársfjórðungi ársins (janúar, febrúar,
mars) voru brott fluttir einstakling-
ar með íslenskt ríkisfang 110 um-
fram aðflutta. Þá voru aðfluttir er-
lendir ríkisborgarar 1.110 fleiri en
þeir sem fluttust frá landinu.
Í fyrra, árið 2015, fluttust 1.265 ís-
lenskir ríkisborgarar úr landi um-
fram aðflutta. Hins vegar voru að-
fluttir erlendir ríkisborgarar 2.716
fleiri en brott fluttir í fyrra.
Pólverjar stærsti hópurinn
Flestir erlendir ríkisborgarar sem
fluttust til landsins á 3. ársfjórðungi
2016 komu frá Póllandi. Þaðan flutt-
ust 710 af alls 2.300 erlendum inn-
flytjendum. Litháen kom næst en
þaðan fluttust 180 erlendir ríkis-
borgarar til landsins.
Af 1.060 erlendum ríkisborgurum
sem fluttust frá landinu fóru flestir
til Póllands eða 250 manns. Í lok 3.
ársfjórðungs bjuggu 29.990 erlendir
ríkisborgarar hér á landi.
Í lok 3. ársfjórðungs bjuggu
337.610 manns á Íslandi, 170.510
karlar og 167.100 konur. Lands-
mönnum fjölgaði um 1.510 á 3. árs-
fjórðungi 2016. Þá fæddust 1.150
börn en 580 einstaklingar létust. Á
höfuðborgarsvæðinu bjuggu 216.300
manns en 121.310 utan þess.
Fleiri Íslendingar
flytja út en til landsins
Erlendum ríkisborgurum sem flytjast hingað fjölgar enn
Morgunblaðið/Sverrir
Farþegar Fleiri útlendingar flytjast
til landsins en frá landinu.
Tilkynnt var um umferðaróhapp í
Neðra-Breiðholti í Reykjavík um
klukkan þrjú í gær. Fólksbifreið
var ekið á aðra og reyndi ökumað-
ur hennar að fara af vettvangi án
þess að gera grein fyrir sér. Þegar
lögreglan kom á vettvang kom í ljós
að maðurinn var undir áhrifum
áfengis.
Einnig kom á daginn að ökumað-
urinn var ekki með ökuréttindi
enda hafði hann aldrei öðlast þau.
Hann var færður á lögreglustöð þar
sem tekið var blóðsýni og síðan
vistaður í fangaklefa.
Ölvaður ökumaður
og án ökuréttinda
Íbúum Reykjavíkurborgar gefst
kostur á að kjósa um framkvæmdir
í hverfum borgarinnar í gegnum
nýjan kosningavef. Samkvæmt upp-
lýsingum frá Jóni Halldóri Jón-
assyni, upplýsingafulltrúa Fram-
kvæmda- og eignarsviðs, er áætlað
að framkvæmdaféð verði um 450
milljónir eða 50 prósent hærra en
áður hefur verið. Þetta er í fimmta
sinn sem íbúar í Reykjavík geta
tekið þátt í ákvörðunum um fram-
kvæmdir með beinum hætti.
Kosningavefurinn hefur verið
endurbættur og var hann prufu-
keyrður af notendahópi í liðinni
viku. Kosið er á vefslóðinni
kosning.reykjavik.is og standa
kosningar yfir í tvær vikur eða til
og með 17. nóvember.
Íbúar velja fyrst borgarhluta og
kjósa síðan á milli 20 verkefna upp
að þeirri upphæð sem til ráðstöf-
unar er. Ekki er nauðsynlegt að
velja fyrir alla upphæðina sem
hverfið hefur til ráðstöfunar. Rétt
til þátttöku í kosningunum hafa íbú-
ar fæddir árið 2000 eða fyrr og sem
eru búsettir í Reykjavík á þeim
degi sem kosið er.
Nýr kosningarvefur opnar
Íbúar kjósa um framkvæmdir í hverfum borgarinnar
Vertu upplýstur!
blattafram.is
MÖRG ÞEKKJUM VIÐ BÆÐI
ÞOLENDUR OG GERENDUR
KYNFERÐISOFBELDIS
PERSÓNULEGA.
ERUM VIÐ AÐ SAMÞYKKJA
ÞAÐ MEÐ ÞÖGNINNI?
Glæsileg
undirföt á
allar konur
Við erum á Facebook
Laugavegi 82 | 101 Reykjavík
Sími 551 4473
Eikjuvogur 29 - 104 Rvk. S:781-5100
Opið: Mán-fim: 12-18 - fös: 12-16 - www.facebook.com/spennandi
Frönsk og ítölsk
hönnun
Engjateigi 5 // 581 2141 // hjahrafnhildi.is
KJÓLL VERÐ
19.980
AFMÆLISVERÐ
11.988
20-40%
AFSLÁTTUR
AF ÖLLUM FATNAÐI
OG SKÓM Í DAG
FÖGNUM
20 ÁRUM
Á ENGJATEIGNUM!
Laugavegi 63 • S: 551 4422
Skoðið Facebook.laxdal.is
Gardeur
buxur
20%
afsláttur
BUXNAÚRVAL
PEYSUÚRVAL