Morgunblaðið - 07.11.2016, Side 6
6 FRÉTTIRInnlent
MORGUNBLAÐIÐ MÁNUDAGUR 7. NÓVEMBER 2016
Atkvæðagreiðsla
um sameiningu VFÍ og TFÍ
Dagana 5.–11. nóvember fer fram atkvæðagreiðsla meðal
félagsmanna Verkfræðingafélags Íslands og Tæknifræðinga-
félags Íslands um sameiningu félaganna.
Félagsmönnum hafa verið sendar upplýsingar í tölvupósti.
Þær er einnig að finna á heimasíðum félaganna:
www.vfi.is
www.tfi.is
Félagsmenn sem ekki hafa fengið tölvupóst frá skrifstofu
félaganna eru vinsamlega beðnir um að tilkynna um rétt net-
fang með því að senda tölvupóst: lydiaosk@verktaekni.is eða
hringja í síma 535 9300.
Félagsmenn eru eindregið hvattir til þess að kynna sér
upplýsingar um sameiningarmálið leita svara við spurning-
um sem kunna að vakna og framar öllu taka þátt í
atkvæðagreiðslunni.
Verkfræðingafélag Íslands Tæknifræðingafélag Íslands
Sigurður Bogi Sævarsson
sbs@mbl.is
Vísbendingar eru um að á Íslandi
séu hópar í skipulagðri glæpa-
starfsemi sem hafa tengsl eða
starfa með erlendum samtökum
glæpamanna. Rannsóknir lög-
reglu á ýmsum brotum að undan-
förnu renna stoðum undir þessar
getgátur en kanna þarf málin bet-
ur. Þetta segir Grímur Grímsson,
yfirlögregluþjónn deildar hjá Lög-
reglustjóranum á höfuðborgar-
svæðinu (LRH) sem rannsakar
skipulagða brotastarfsemi.
Deildin tók til starfa fyrir
nokkrum misserum og tekur með-
al annars yfir fíkniefnadeildina
sem embættið starfrækti lengi.
Einnig sinnir deildin rannsóknum
fjármunabrota ofbeldismála, á
manndrápum og fleiru slíku, svo
og rannsókn ýmiss konar sérrefsi-
lagabrota.
Reynsla og afl í sértæk mál
Margvíslegar breytingar hafa
að undanförnu verið gerðar á
starfsemi LRH. Eins og sagði frá í
Morgunblaðinu á dögunum var
stjórnstöð almannavarna nýlega
tekin í notkun, skipan ýmissa mála
og deilda hefur verið breytt og ný-
ir menn tekið við deildum og verk-
efnum. Hluti af þessari upp-
stokkun er einnig breytingar á
miðlægri rannsóknardeild sem
skiptist upp í annars vegar kyn-
ferðisbrotadeild og deild þar sem
rannsóknum á skipulögðum glæp-
um verður sinnt. Deildin var stofn-
uð fyrir ári og hinn 1. apríl sl. var
gengið frá ráðningu þeirra sem nú
gegna stöðum lögreglufulltrúa
þar. Við það tímamark tók gildi
það skipulag sem nú er við lýði.
„Hugmyndin með starfsemi
deildar í skipulögðum glæpum er
að auk almennrar þekkingar
starfsmanna myndist hér reynsla
og afl sem þarf við aðgerðir í sér-
tækum málum,“ segir Grímur.
Það var um síðustu mánaða-
mót sem Grímur kom til starfa og
er honum ætlað að móta áfram
starfshætti deildarinnar, vinnu-
brögð og markmið. Við deildina
munu starfa á fjórða tug lögreglu-
manna sem margir voru áður í
fíkniefnadeild. Sérþekking þaðan
mun nýtast, en að rannsókn mála
munu þó almennt koma lög-
reglumenn með ólíka reynslu og
þekkingu eins og þarf þegar málin
eru flókin og stór. Þá munu starfs-
menn eftir atvikum starfa með
rannsóknarlögreglumönnum á
hverfisstöðvum LRH og getur for-
ræði mála verið á hvorum staðn-
um sem er.
Fyrirséð er að í deildinni
verði, eins og staðan er nú, um
300-400 mál í rannsókn á hverjum
tíma. „Auðvitað er umfang þess-
ara mála mjög misjafnt og hve
langan tíma rannsókn þeirra
tekur. Sum kalla á mikla vinnu en
önnur mál eru léttari. Í rann-
sóknum hefur á stundum aðeins
tekist að komast í yfirborð mál-
anna; upplýsa þau en það hefur
ekki náðst í ræturnar eða komast
ofar í sölupýramídann, til dæmis í
fíkniefnamálunum. Þar viljum við
ná betri árangri,“ segir Grímur og
heldur áfram:
Mansalsmál í brennidepli
„Tengsl Íslands við erlenda
glæpastarfsemi blasa við í sumum
efnum, svo sem varðandi innflutn-
ing fíkniefna. Slíkt á einkum við
um amfetamín og kókaín. Fram-
leiðsla hér innanlands á kannabis,
sem er orðin talsverð, nær að
mestu að sinna íslenska mark-
aðinum. Nokkuð margar verk-
smiðjur eða ræktunarstöðvar
kannabis voru teknar niður fyrir
nokkrum árum en auðvitað
spretta alltaf upp nýjar. Með nýju
skipulagi rannsókna getum við
vonandi komið betur í veg fyrir
þetta.“
Mansal og vændi eru nokkur
hluti þeirra verkefna sem í dag
koma til kasta rannsóknarlög-
reglumanna. Þá ber að taka fram
að rannsókn þessara mála er flók-
in, því angar þeirra liggja víða.
Hjá lögreglunni eru t.d. grun-
semdir um að hingað komi menn
til starfa til dæmis í byggingar-
iðnaði sem séu gerðir út á vegum
mansalshringja erlendis.
„Já, við höfum að minnsta
kosti látið okkur detta slíkt í hug.
Hér á deildinni er sérstakur
fulltrúi í mansalsmálum sem hefur
m.a. kannað stöðuna þar sem stór-
framkvæmdir standa yfir. Ferða-
þjónustan hefur einnig verið til
skoðunar og í þessari vinnu höfum
við haft stéttarfélögin með okkur,
ríkisskattstjóra, Vinnueftirlit og
fleira. Hins vegar hefur enn ekk-
ert staðfest komið út úr þessu, það
er sönnun á mansali sem leiðir af
sér ákæru og síðar dóm. Með nýj-
um aðferðum í rannsóknum og
þekkingu getum við kafað dýpra í
mansalsmál,“ segir Grímur og
bætir við að síðustu:
„Hugsunin með starfsemi
þessarar deildar er að lögregla sé
betur í stakk búin til að takast á
við þá starfsemi og fylgja eftir
þróun málanna. Þarna búum við
m.a. að því að því að hafa góð
tengsl við Europol, löggæslu-
stofnun Evrópu, sem er stór
gagnabanki sem við getum leitað
til við rannsókn flókinna mála. Við
höfum líka tengilið þar, Karl
Steinar Valsson, sem áður var yf-
irmaður fíkniefnadeildarinnar hér
heima. Og galdurinn í þessu öllu
er einmitt sá að hafa með sér góð-
an mannskap sem hefur svigrúm,
reynslu og þekkingu til þess að
rannsaka brot sem verða æ skipu-
lagðari.“
Grímur Grímsson stýrir rannsóknardeild skipulagðra glæpa hjá LRH
Morgunblaðið/Júlíus
Lögreglan Rannsaka brot sem verða æ skipulagðari, segir Grímur.
Viljum ofar í pýramídann
Grímur Grímsson á að baki
langan feril í lögreglunni, m.a.
sem aðalvarðstjóri. Starfaði og
Ríkislögreglustjóra og seinna
Sérstökum saksóknara við
rannsókn efnahagsbrota eftir
hrun. Með meistarapróf í reikn-
ingshaldi og endurskoðun.
Mun veita deild skipulagðrar
glæpastarfsemi forstöðu í 6-12
mánuði eða á meðan fastur
farvegur þar mótast.
Hver er hann?
Jón Þórisson
jonth@mbl.is
„Ég held að þetta geti verið mjög já-
kvætt og áhugavert. Hins vegar
undirstrikar þetta hve aðkallandi
það er að laga núverandi aðkomu og
afgreiðslu í flugstöðinni. Eins og
staðan er núna gæti flugvöllurinn
engan veginn höndlað slíka starf-
semi,“ segir Skúli Mogensen, for-
stjóri WOW air. Hann segir jafn-
framt að verkefni sem varða lausn á
álagi flugstöðvarinnar hljóti að verða
framar þessu í forgangsröðinni.
Eins og fram kom í frétt Morgun-
blaðsins á laugar-
dag hafa banda-
rísk stjórnvöld
tilkynnt að Flug-
stöð Leifs Eiríks-
sonar sé komin á
lista yfir flugvelli
þar sem mögu-
legt er að taka
upp bandaríska
toll- og vega-
bréfaskoðun. Verði heimildin nýtt
mun allt eftirlit sem jafnan hefur far-
ið fram við komu til Bandaríkjanna
fara fram á Keflavíkurflugvelli. Í
fréttinni er haft eftir Birni Óla
Haukssyni, forstjóra Isavia, að í
þessu felist yfirlýsing um að banda-
rísk stjórnvöld treysti því eftirliti
sem hér sé viðhaft. Jafnframt að
þetta kalli á að í framtíðaráformum
flugvallaryfirvalda verði að hafa
hliðsjón af þessu. Þá segir einnig að
laga þurfi þá aðstöðu sem Isavia hef-
ur í hyggju að byggja upp á Kefla-
víkurflugvelli að þeim kröfum sem
þessari heimild fylgja.
Margir sækjast eftir heimild
Í frétt blaðsins kom fram að marg-
ir flugvellir í Evrópu hefðu í hyggju
að sækjast eftir sams konar heimild
og þannig yrði þetta fyrirkomulag
meðal annars tekið upp á Arlanda-
flugvelli í Svíþjóð á árinu 2018.
Sömuleiðis sagði að heimildin fæli
ekki í sér skuldbindingu af hálfu ís-
lenskra yfirvalda. Þá er einnig haft
eftir Birni Óla Haukssyni að taka
muni töluverðan tíma að fara yfir
málið en ljóst sé að ef af þessu verði
þurfi stjórnvöld beggja ríkja að
undirrita sérstakan milliríkjasamn-
ing varðandi eftirlitið.
Leitað var viðbragða forsvars-
manna Icelandair vegna málsins en
þeir vildu ekki láta hafa neitt eftir
sér um það á þessu stigi.
Flugstöðin réði ekki við verkefnið
Segir tollafgreiðslu fyrir flug til Bandaríkjanna ekki forgangsmál eins og staðan er
Skúli Mogensen
Hrafn Pálsson, fyrrver-
andi skrifstofustjóri og
hljómlistarmaður, lést
miðvikudaginn 2. nóv-
ember, 80 ára að aldri.
Hrafn var fæddur í
Reykjavík 17. maí 1936,
sonur hjónanna Mar-
grétar Árnadóttur
(1907-2003) og Páls Kr.
Pálssonar (1912-1993),
organista í Hafnarfirði.
Hrafn ólst að mestu
upp í Reykjavík en bjó
um tíma í Stokkhólmi,
Kaupmannahöfn og
Edinborg á meðan faðir
hans stundaði þar orgelnám. Hann
var í grunnskóla í Reykjavík,
Hafnarfirði og á Núpi. Hann stund-
aði nám við Menntaskólann á Akur-
eyri en hætti því til að sinna tónlist-
inni. Síðar lauk hann námi frá
öldungadeild Menntaskólans við
Hamrahlíð. Hann lauk BS-gráðu ár-
ið 1979 og MA-gráðu í félagsráðgjöf
árið 1981 frá Adelphi University í
Garden City í New York.
Hrafn starfaði í heilbrigðis- og
tryggingaráðuneytinu frá árinu
1981, fyrst við forvarnir vímuefna en
lengst af sem deildar-
stjóri og síðar skrif-
stofustjóri öldrunar-
mála, þar til hann lét
af störfum vegna
aldurs.
Hrafn var mikil-
virkur tónlistarmaður
og mjög áberandi í
tónlistarlífinu á ár-
unum 1960-1980.
Hann lék á píanó og
bassa með ýmsum
hljómsveitum auk
sinnar eigin. Hrafn var
ötull baráttumaður um
bættan hag hljóm-
listarmanna, sæmdur gullmerki
FÍH, sat um árabil í stjórn Stefs,
einn stofnenda Freeport-klúbbsins,
var virkur í Rótarýklúbbnum Breið-
holti og var Paul Harris-félagi þar.
Eftirlifandi eiginkona Hrafns er
Vilborg G. Kristjánsdóttir, fædd
1930. Fóstursonur er Jóhann Gísli
Jóhannsson, fæddur 1968.
Sonur Hrafns úr fyrra hjónabandi
er Halldór, fæddur 1960.
Útför Hrafns verður gerð frá
Neskirkju þriðjudaginn 15. nóvem-
ber næstkomandi klukkan 13.
Andlát
Hrafn Pálsson
Gísli Ásgeirsson bar sigur úr býtum
á Íslandsmótinu í skrafli sem haldið
var á bókasafni Menntaskólans í
Reykjavík um helgina.
Benedikt G. Waage hafnaði í
öðru sæti og Hildur Lilliendahl
Viggósdóttir í því þriðja, en alls
voru þátttakendur 17 talsins og
voru spilaðar tíu umferðir.
Keppnin var æsispennandi og
réðust úrslit í síðustu umferð þar
sem Gísli sigraði Hildi, sem þá féll
niður í þriðja sæti keppninnar.
Gísli hafnaði í fyrsta sæti skraflmótsins
Skrafl Benedikt, Gísli og Hildur með verð-
launin sín á Íslandsmótinu í gærkvöldi.
Tveir voru fluttir á slysadeild eftir
harðan árekstur við gatnamót
Kársnes- og Sæbólsbrauta í Kópa-
vogi í fyrrinótt. Að sögn varðstjóra
hjá slökkviliði hafnaði bifreiðin á
staur, en tildrög þess eru ekki ljós.
Ökumaður og farþegi sem voru í
bifreiðinni hlutu ekki alvarlega
áverka en þau voru þó send til
læknis til aðhlynningar og eftirlits.
Tveir slasaðir eftir
árekstur á staur
Ljósmynd/Jarek G.
Árekstur Frá vettvangi í Kópavogi.