Morgunblaðið - 24.11.2016, Blaðsíða 18

18 FRÉTTIRErlent
MORGUNBLAÐIÐ FIMMTUDAGUR 24. NÓVEMBER 2016
Lágmúli 5, 108 Reykjavík | Sími 571 5800 | gudrun@garun.is | garun.is
Ertu í söluhugleiðingum?
Guðrún Antonsdóttir
Lögg.fasteignasali
Sími 697 3629
Viltu kraftmikinn fasteignasala sem
vinnur fyrir þig, er heiðarlegur og
traustur.
Bjóddu mér í heimsókn og fáðu frítt
söluverðmat og tilboð í söluferlið
þitt.
Eltak sérhæfir sig í sölu
og þjónustu á vogum
Bogi Þór Arason
bogi@mbl.is
Donald Trump, verðandi forseti
Bandaríkjanna, hefur dregið í land
með nokkur af loforðum sínum fyrir
kosningarnar 8. nóvember, meðal
annars yfirlýsingar sínar um að hann
hyggist rifta Parísarsamningnum
um aðgerðir til að stemma stigu við
loftslagsbreytingum.
Samningurinn var samþykktur í
desember sl. á þingi nær 200 ríkja
sem eiga aðild að loftslagssamningi
Sameinuðu þjóðanna frá árinu 1992.
Parísarsamningurinn markar tíma-
mót í baráttunni við loftslagsbreyt-
ingar þar sem þetta er í fyrsta skipti
sem gengið er út frá því að öll ríki
taki virkan þátt í að draga úr losun
gróðurhúsalofttegunda. Samningur-
inn myndar ramma utan um skuld-
bindingar sem ríkin hafa sjálfviljug
sett fram með það að markmiði að
halda hækkun hitastigs jarðar undir
2°C miðað við meðalhitastig jarðar
fyrir iðnvæðingu, eins og fram kem-
ur á vef utanríkisráðuneytisins.
Ekki kínversk blekking
Donald Trump hefur haldið því
fram að fullyrðingar um loftslags-
breytingar af mannavöldum séu
blekking, runnin undan rifjum
stjórnvalda í Kína með það að mark-
miði að grafa undan bandarískum
fyrirtækjum. „Hugmyndin um hlýn-
un jarðar var búin til í Kína og í þágu
Kínverja til að gera bandarísk fram-
leiðslufyrirtæki ósamkeppnishæf,“
sagði hann til að mynda á Twitter ár-
ið 2012.
Trump sagði ítrekað í kosninga-
baráttunni að hann hygðist rifta al-
þjóðlegum loftslagssamningum til að
vernda bandarísk fyrirtæki, einkum
í olíu- og kolaframleiðslu. Hann
hamraði á þessu loforði á kosninga-
fundum í ríkjum þar sem olía er
framleidd og á ryðbeltinu svonefnda,
svæði í norðaustur- og miðvestur-
ríkjunum þar sem hnignun hefur
orðið vegna samdráttar í iðngreinum
sem voru áður öflugar.
Nú er komið annað hljóð í strokk-
inn, ef marka má viðtal Trumps við
dagblaðið The New York Times í
fyrradag. Hann léði þá máls á því að
styðja loftslagssamningana. „Ég er
að skoða þetta mjög vandlega. Ég
geri það með opnum huga,“ hefur
blaðið eftir honum.
Trump viðurkenndi einnig að
tengja mætti hlýnun jarðar við
mengun af mannavöldum. „Ég tel að
það sé einhver tengjanleiki. Einhver,
eitthvað. Það ræðst af því hversu
mikill hann er.“
Múrinn varð að girðingu
Donald Trump kvaðst vera að
meta áhrif Parísarsamningsins á
samkeppnishæfni bandarískra fyrir-
tækja og „hversu mikið hann myndi
kosta bandarísk fyrirtæki“.
Fyrr í mánuðinum hafði Reuters
eftir heimildarmönnum í hópi, sem
undirbýr valdatöku Trumps, að hann
væri að leita leiða til að draga
Bandaríkin út úr Parísarsamningn-
um sem fyrst eftir að hann tekur við
embættinu 20. janúar. Fréttaveitan
hafði í gær eftir tveimur mönnum í
undirbúningshópnum að ummæli
Trumps um samninginn í viðtalinu
við The New York Times hefðu kom-
ið þeim í opna skjöldu.
Stefna Trumps er þó enn mjög
óljós í mörgum málum og ekki er víst
að það sem hann segir núna verði of-
an á þegar hann tekur við forseta-
embættinu.
Á meðal annarra fyrirheita sem
Trump hefur dregið í land með er
loforð hans um að reisa múr á landa-
mærunum að Mexíkó og láta grann-
ríkið greiða kostnaðinn. Núna talar
hann um að hann hyggist setja upp
girðingu á hluta landamæranna til að
koma í veg fyrir að fólk frá Róm-
önsku Ameríku fari til Bandaríkj-
anna með ólöglegum hætti.
Hafnar öfgahreyfingu
Í viðtalinu kvaðst Trump vera
andvígur laustengdri öfgahreyfingu
hvítra þjóðernissinna sem nefnist
alt-right og hefur hafnað ríkjandi
íhaldsstefnu í Repúblikanaflokkn-
um. Trump naut mikils stuðnings
meðal félaga í hreyfingunni fyrir
kosningarnar. Um 200 þeirra komu
saman í Washington á dögunum til
að fagna sigri hans og hylltu hann að
nasistasið. „Ég vil ekki efla þessa
hreyfingu og þvæ hendur mínar af
henni,“ sagði Trump.
Hann varði hins vegar Stephen
Brannon, sem verður aðalstjórn-
málaráðgjafi hans. Brannon hefur
stjórnað fréttavef sem hefur verið
sakaður um að vera málpípa þjóð-
ernishreyfingarinnar. „Ef ég hefði
haldið að hann væri kynþáttahatari
eða stuðningsmaður alt-right …
hefði mér ekki einu sinni dottið í hug
að ráða hann,“ sagði Trump.
Segir hlýnun geta tengst
mengun af mannavöldum
 Trump dregur í land með loforð sitt um að rifta Parísarsamningnum
AFP
Stórblað heimsótt Donald Trump í höfuðstöðvum The New York Times
eftir 75 mínútna viðtal hans við ritstjóra og blaðamenn þess í fyrradag.
Nikki Haley tilnefnd
sendiherra hjá SÞ
» Donald Trump hefur valið
Nikki Haley, ríkisstjóra Suður-
Karólínu, til að gegna embætti
sendiherra landsins hjá Sam-
einuðu þjóðunum. Hún er
fyrsta konan sem Trump til-
nefnir í háa stöðu eftir að hann
var kjörinn forseti.
» Haley gagnrýndi Trump fyrir
kosningarnar, sagði hann vera
allt það sem „ríkisstjóri vildi
ekki hafa í forseta“.
» Hún er 44 ára, dóttir ind-
verskra innflytjenda og stjarna
hennar hefur farið hækkandi í
Repúblikanaflokknum.
» Öldungadeild þingsins þarf
að staðfesta tilnefninguna.
Hæstiréttur Noregs hafnaði í gær
áfrýjun umdeilds klerks, múlla
Krekars, sem framselja á til Ítalíu
þar sem hann hefur verið ákærður
fyrir aðild að hryðjuverka-
samtökum. Krekar er Kúrdi frá
Írak og hefur verið flóttamaður í
Noregi frá 1991 en hefur ekki feng-
ið norskan ríkisborgararétt. Ítölsk
yfirvöld saka hann um að fara fyrir
hreyfingunni Rawti Shax sem er
talin tengjast íslömsku samtök-
unum Ríki íslams og grunuð um að
undirbúa hryðjuverk. Krekar, sem
er sextugur, heldur því hins vegar
fram að hann ætli aðeins að stofna
stjórnmálaflokk. Hann hyggst
áfrýja ákvörðun hæstaréttarins til
dómsmálaráðuneytis Noregs og
Mannréttindadómstóls Evrópu.
NOREGUR
Áfrýjun í framsals-
máli Krekars hafnað
Stjórnvöld í Kólumbíu og skæru-
liðasamtökin FARC ætla að skrifa
undir nýjan friðarsamning í höfuð-
borg landsins í dag. Hann kemur í
stað friðarsamnings sem var hafn-
að í þjóðaratkvæðagreiðslu í síð-
asta mánuði.
Markmiðið með samningnum er
að binda enda á hálfrar aldar borg-
arastyrjöld í landinu. 260 þúsund
manns hafa beðið bana í átökunum,
6,9 milljónir hafa flúið heimkynni
sín og ekkert hefur spurst til 45
þúsund manns til viðbótar.
Nýi samningurinn verður ekki
borinn undir þjóðaratkvæði en þing
Kólumbíu þarf að staðfesta hann.
Fyrri samningurinn var felldur
mjög naumlega í þjóðaratkvæða-
greiðslunni. Um 50,2% greiddu at-
kvæði á móti honum en 49,8%
studdu hann. Fréttaskýrendur
töldu meginskýringuna á niður-
stöðu þjóðaratkvæðisins þá að
stjórnin hefði verið of undan-
látssöm og vanmetið reiði almenn-
ings í garð skæruliðasamtakanna.
Juan Manuel Santos forseti segir að
bætt hafi verið úr þessu í nýja
samningnum og komið til móts við
kröfur andstæðinga hans. Helsti
andstæðingur hans, Alvaro Uribe,
fyrrverandi forseti, neitar þessu og
hafnar nýja samningnum.
AFP
Vill frið Kólumbíumaður tekur þátt í kröfugöngu í höfuðborginni Bogotá til
stuðnings nýjum samningi stjórnarinnar við skæruliðasamtökin FARC.
Nýr friðarsamningur
við FARC undirritaður