Dagblaðið Vísir - DV - 11.08.2015, Qupperneq 6

Vikublað 11.–13. ágúst 20156 Fréttir
Göldrótt súpa og
gómsætur humar
Eyrarbraut 3, Stokkseyri · Sími: 483 1550
info@fjorubordid.is · www.fjorubordid.is Opið virka daga 11-17 og 11-15 á laugardögum
10.000 kr. gjafabréf
fylgir öllum seldum kerrum og vögnum í júní og júlí
Gefum auk þess
2x 10.000 kr.
gjafabréf
Taktu þátt í
leiknum okkar
á facebook og
þú gætir dottið
í lukkupottinn!
Sumarútsala er í versluninni okkar Brekkuhúsum 1
þessa dagana 20-50% afsláttur af öllum fatnaði
Stjórnvöld vilja
ekki 37 milljarða
skuldabréf á
Íslandsbanka
n Munu ekki samþykkja tillögu um að Glitnir framselji
til ríkisins tíu ára skuldabréf útgefið af Íslandsbanka
n Átti upphaflega að vera í formi reiðufjár
Í
slensk stjórnvöld munu ekki
samþykkja að fá afhent skulda-
bréf til tíu ára að fjárhæð um 37
milljarðar króna, útgefið af Ís-
landsbanka, sem hluta af stöð-
ugleikaframlagi slitabús Glitnis,
samkvæmt heimildum DV. Ekki er
talið forsvaranlegt að ríkið fari að
taka á sig þá áhættu sem felst í því
að fá afhent skuldabréf sem enginn
virkur markaður er með og því alls
óvíst hvernig eigi að verðleggja
bréfið.
Stærstu kröfuhafar Glitnis höfðu
áður fallist á að framselja innlán
slitabúsins í krónum hjá Íslands-
banka til stjórnvalda í formi reiðu-
fjár. Að beiðni Íslandsbanka, eins
og upplýst var um í DV í síðustu
viku, var hins vegar gerð sú breyting
á samkomulaginu að í stað þess að
Glitnir tæki út innlán sín í krónum
hjá bankanum þá fengi það afhent
tíu ára skuldabréf frá Íslandsbanka
sem yrði síðan framselt til ríkisins.
Ekkert samráð var haft við helstu
ráðgjafa stjórnvalda sem unnu
að áætlun um afnám fjármagns-
hafta áður en upplýst var um þessa
breytingu á fyrrnefndu samkomu-
lagi við helstu kröfuhafa Glitnis um
miðjan síðasta mánuð. Þá sendi Ís-
landsbanki frá sér tilkynningu um
að bankinn og Glitnir hefðu undir-
ritað rammasamkomulag um þær
aðgerðir sem Íslandsbanki myndi
grípa til svo slitameðferð Glitnis
næði fram að ganga í samræmi við
þær tillögur sem kröfuhafar hefðu
lagt fram.
Glitnir finni kaupanda að
bréfinu
Í umfjöllun DV um málið þann 5.
ágúst síðastliðinn kom fram að Ís-
landsbanki hefði lagt til þetta fyr-
irkomulag þar sem bankinn hefði
talið að of mikil áhætta væri að
öðrum kosti fólgin í því fyrir lausa-
fjárstöðu bankans ef Glitnir tæki út
samstundis 37 milljarða innlán sín
í krónum. Þannig sagði í skriflegu
svari við fyrirspurn DV að Íslands-
banki hafi verið þeirrar skoðunar
að „mikilvægt [væri] að viðhalda
sterkri lausafjárstöðu bankans í
gegnum afnám gjaldeyrishafta og
lagði því til að umræddar greiðslur
væru í formi skuldabréfs.“ Þá benti
bankinn einnig á að laust fé hans
hafi verið 214 milljarðar króna í lok
fyrsta ársfjórðungs á þessu ári og
og að „með samkomulaginu [sé]
tryggt að lausafjárstaðan verður
áfram sterk“.
Samkvæmt heimildum DV er af
hálfu stjórnvalda litið svo á að ef
þessi leið verður farin – Glitnir fái
tíu ára skuldabréf í krónum að and-
virði samtölu innlána slitabúsins
hjá Íslandsbanka – þá sé eðlileg-
ast að Glitnir taki á sig þá áhættu að
koma skuldabréfinu í verð með því
að finna kaupanda að því. Þannig
geti slitabúið í kjölfarið staðið við
það samkomulag sem stærstu kröf-
uhafar Glitnis höfðu gert við ráð-
gjafa stjórnvalda um afhendingu
krónueigna í formi reiðufjár.
Áhrif á niðurgreiðslu skulda
Ef stjórnvöld fá afhent skuldabréf
í krónum til tíu ára að fjárhæð 37
milljarða – í stað reiðufjár – þá hefði
það áhrif á yfirlýst áform um að
stöðugleikaframlag gömlu bank-
anna verði nýtt til að greiða niður
skuldir hins opinbera. Til stóð að
Glitnir myndi afhenda stjórnvöld-
um 58 milljarða greiðslu í reiðufé
í krónum en heimilt væri að draga
allt að 5 milljarða frá þeirri fjár-
hæð vegna innlends rekstrarkostn-
aðar slitabúsins. Sú upphæð sem
stjórnvöld myndu fá í formi reiðu-
fjár frá Glitni yrði aftur á móti um-
talsvert lægri ef það fengi afhent
skuldabréf á Íslandsbanka enda var
stærstur hluti slíkra eigna slitabús-
ins í formi innlána í krónum hjá Ís-
landsbanka. Talsverð óvissa er um
endanlegt verðmæti þeirra inn-
lendu eigna sem stærstu kröfuhaf-
ar Glitnis hafa samþykkt að gefa
eftir til að ljúka skuldaskilum með
nauðasamningum en þær eru lík-
lega metnar á bilinu 250 milljarðar
til 400 milljarðar.
Íslenska ríkið, eða félag á vegum
Seðlabankans, gæti hugsanlega selt
slíkt skuldabréf útgefið af Íslands-
banka í stað þess að geyma það á
efnahagsreikningi sínum. Alls óvíst
er hins vegar sem fyrr segir hvaða
verð gæti fengist fyrir bréfið og
hvaða vaxtakjör yrðu á slíku bréfi.
Enginn virkur markaður er með tíu
ára skuldabréf í krónum útgefnu af
íslenskum banka. n
Íslandsbanki
Ekkert samráð var haft við
ráðgjafa stjórnvalda þegar
lagt var til að Íslandsbanki
myndi afhenda Glitni tíu ára
skuldabréf í krónum.
Mynd BraGi Þór Jósefsson
Hertar lausa-
fjárreglur
Seðlabankans
Í ritum Seðlabanka Íslands um fjár-
málastöðugleika hefur verið ítrekað að
lausafjárstaða stóru viðskiptabankanna
sé sterk sem birtist meðal annars í því
að lausafjárhlutfall þeirra í heild og í
erlendum myntum sé vel yfir lágmarks-
kröfum. Nýjar og stífari lausafjárreglur
tóku gildi undir lok ársins 2013 – mun
fyrr en í flestum öðrum Evrópuríkjum
– sem byggjast á alþjóðlegu viðmiði
Basel-nefndarinnar um bankaeftirlit.
Fyrir þetta ár má heildarhlutfallið,
bæði laust fé í krónum og erlendum
gjaldmiðlum, ekki fara undir 80% en
krafan mun hækka upp í 100% á næstu
tveimur árum. Heildarlausafjárhlutfall
Íslandsbanka var 134% í lok fyrsta
ársfjórðungs.
Hörður Ægisson
hordur@dv.is