Dagblaðið Vísir - DV - 11.08.2015, Síða 20

Vikublað 11.–13. ágúst 201516 Sport
Trúlofunarhringar
- okkar hönnun og smíði
jonogoskar.is Sími 5524910 Laugavegi 61 Kringlan Smáralind
Fylgstu með
þeim í vetur
n Efnilegir leikmenn í enska
n Gætu slegið í gegn í vetur
E
nska úrvalsdeildin fór
af stað um helgina og er
fram undan knattspyrnu-
veisla sem ekki tekur enda
fyrr en í maí á næsta ári.
Margir ungir og efnilegir leikmenn
eru á mála hjá félögunum í ensku
deildinni og munu margir þeirra
láta að sér kveða í vetur. DV hefur
tekið saman upplýsingar um sjö
leikmenn sem vert er að fylgjast
með í vetur. Ef fer sem horfir munu
þeir ná langt á næstu árum. n
einar@dv.is
Jordan Ibe
Aldur: 19 ára Félag: Liverpool
Staða: Vængmaður
n Jordan Ibe fékk tækifæri í liði Liver-
pool á síðustu leiktíð sem hann nýtti vel.
Hann spilaði í stöðu vængbakvarðar í
fyrra en jafnvel er búist við því að hann
fái tækifæri framar á vellinum í
vetur, sérstaklega þar sem
Raheem Sterling er nú horf-
inn á braut til Manchester
City. Sumir ganga meira
að segja svo langt að
segja að Ibe sé efnilegri en
Sterling.
Aleksandar Mitrovic
Aldur: 20 ára Félag: Newcastle Staða: Framherji
n Þessi serbneski framherji var keyptur til Newcastle í sumar frá Anderlecht. Verðmiðinn var
13 milljónir punda sem sýnir hversu mikils metinn hann var hjá belgíska félaginu. Mitrovic er
stór og kröftugur framherji sem skoraði 44 mörk í 90 leikjum fyrir Anderlecht, dágott fyrir
svo ungan leikmann. Honum er ætlað stórt hlutverk hjá Newcastle í vetur og verður afar
fróðlegt að sjá hvort hann taki ensku úrvalsdeildina með trompi.
Dele Alli
Aldur: 19 ára Félag: Tottenham
Staða: Miðjumaður
n Þessi nítján ára strákur var keyptur til
Tottenham í lok félagaskiptagluggans
í janúar síðastliðnum en lánaður strax
aftur til uppeldisfélags síns, MK Dons.
Alli er í U19 ára landsliði Englendinga
og er spáð bjartri framtíð. Hann var í
byrjunarliði Tottenham gegn Real Madrid
í síðustu viku og þótti hann standa sig
frábærlega. Þá kom hann inn á gegn
Manchester United um helgina.
Jack Grealish
Aldur: 19 ára Félag: Aston Villa Staða: Vængmaður/sóknarsinnaður miðjumaður
n Jack Grealish er leikmaður sem verður spennandi að fylgjast með í framtíðinni. Hann
fékk fjölda tækifæra undir lok síðustu leiktíðar með Aston Villa sem hann nýtti vel.
Búast má við því að tækifærunum muni aðeins fjölga á leiktíðinni sem hófst formlega
um helgina og Grealish verði í lykilhlutverki í sóknarleik Villa. Þessi ungi Íri er mjög
flinkur með boltann og ef fer sem horfir er aðeins tímaspursmál hvenær stærstu félög
Englands fara að bítast um þennan efnilega leikmann.
Patrick
Bamford
Aldur: 21 árs Félag: Crystal Palace
Staða: Framherji
n Bamford er samningsbundinn
Chelsea en hefur verið sendur í lán til
fjögurra félaga á síðustu fjórum tímabil-
um, nú síðast Crystal Palace. Bamford
átti frábært tímabil með Middlesbrough
í Championship-deildinni í fyrra þar sem
hann skoraði 17 mörk í 38 leikjum. Nú
fær hann tækifæri til að sýna
hvað í honum býr í úrvals-
deildinni með Palace.
Brendan Galloway
Aldur: 19 ára Félag: Everton Staða: Vinstri bakvörður/miðvörður
n Brendan Galloway er líkt og Dele Alli alinn upp hjá MK Dons. Hann gekk í raðir Everton
síðasta sumar og fékk tækifæri í byrjunarliðinu í síðustu tveimur leikjum liðsins í deildinni
í vor. Hann getur bæði spilað sem vinstri bakvörður og miðvörður og er það samdóma álit
sparkspekinga að Galloway fái tækifæri í vetur nú þegar Sylvain Distin og Antolin Alcaraz
eru horfnir á braut. Galloway lék í stöðu vinstri bakvarðar gegn Watford um helgina.
Andreas Pereira
Aldur: 19 ára Félag: Manchester United Staða: Miðjumaður
n Stuðningsmenn Manchester United búast við miklu af Andreas Pereira í framtíðinni. Þessi
öflugi miðjumaður, sem er fæddur í Belgíu en leikur fyrir U20 ára lið Brasilíu, fékk tæki-
færi á undirbúningstímabilinu sem hann nýtti vel. Búast má við því að þessi ungi
leikmaður fái einhver tækifæri í liði United á tímabilinu og gæti vel farið svo að
áhrif hans verði jafn góð og þegar Adnan Januzaj braust fram á sjónarsviðið
undir stjórn David Moyes.