Dagblaðið Vísir - DV - 22.09.2015, Blaðsíða 25
Vikublað 22.–24. september 2015 Fólk Viðtal 17
„Ísland er dásamleg eyja“
n Hinn 21 árs gamli Justin Bieber er staddur á landinu n Kom með einkaþotu frá Grikklandi í gær
Í
sland er dásamleg eyja,“ segir Justin
Bieber í samtali við DV. Ein stærsta
poppstjarnan í heiminum í dag er
stödd hér á landi. Blaðamaður DV
hitti kanadíska söngvarann í gær
og ræddi stuttlega við hann.
Samkvæmt heimildum DV lenti
söngvarinn á Keflavíkurflugvelli í
gærmorgun á einkaþotu sinni ásamt
fylgdarliði og var ferðinni heitið nið-
ur í miðbæ Reykjanesbæjar. Þar
hitti Bieber á starfsmenn Lemon
í Reykjanesbæ, þá Gunnlaug Dan
Guðjónsson og Valþór Pétursson.
„Þeir voru með myndatökulið
með sér og virtust vera að taka upp
allt ferðalagið. Hann sagðist ætla að
stoppa stutt og vildi engar myndatök-
ur,“ sagði Valþór í samtali við DV í dag
en Bieber fór meðal annars niður að
sjó í Keflavík ásamt félögum sínum
og tók þar allavega eina „selfie“ með
Faxaflóa og Bergið í Reykjanesbæ í
baksýn en ljósmyndin hefur ekki enn
birst á samfélagsmiðlum stjörnunnar.
68 milljónir fylgjast með Bieber
á Twitter
Ljósmyndin yrði eflaust ágætis auglýs-
ing fyrir landið en Justin Bieber á einn
vinsælasta Twitter-aðgang í heimi,
67,6 milljónir manna fylgja honum
þar. Aðeins einn er með fleiri fylgj-
endur en Bieber en það er söngkon-
an Katy Perry með um 76 milljónir
fylgjenda. Justin Bieber er hér á landi
ásamt félögum sínum og lífvörðum en
svo virðist sem þeir hafi skipulagt ferð
sína sjálfir þar sem enginn Íslendingur
var með þeim í för fyrir utan bílstjór-
ana. Frá Reykjanesbæ lá leiðin aust-
ur um hádegisbilið í gær en Bieber og
föruneyti hans ferðast um á glænýjum
Mercedes Benz-sendiferðabifreiðum
sem merktar eru Securitas meðan á
ferðalagi þeirra stendur.
Blaðamaður DV hitti á Bieber fyr-
ir utan bensínstöð á Selfossi en þar
stökk söngvarinn inn til að kasta af
sér vatni en stelpurnar í afgreiðslunni
hlógu mikið að því að söngvarinn hafi
skilið setuna eftir uppi og tóku ljós-
mynd af almenningssalerninu sem
gengið hefur manna á milli á samfé-
lagsmiðlunum.
Trúðu ekki sínum eigin augum
Stúlkurnar virtust ekki vita hver væri
þarna á ferðinni þrátt fyrir að Bieber
hefði gengið fram hjá þeim á leið
sinni á salernið.
„Veistu hver er að nota salernið hjá
ykkur?“ spurði blaðamaður DV af-
greiðslustúlkuna á Olís á Selfossi.
„Nei. Hver er þetta?“ svaraði stúlk-
an.
„Þetta er Justin Bieber,“ sagði
blaðamaðurinn.
„Ha? Nei, í alvörunni?“ spurði af-
greiðslustúlkan en það tók starfsfólk-
ið nokkrar mínútur að átta sig á því
að þetta væri enginn brandari – sjálf-
ur Justin Bieber væri í raun og veru
staddur inni á bensínstöðinni.
Hinn 21 árs gamli söngvari kom
auga á blaðamann og ljósmyndara
DV fyrir utan bensínstöðina, þegar
hann hafði lokið við það að skvetta
úr skinnsokknum, og gaf sig á tal við
þá en Bieber var hinn rólegasti. Hann
bað félaga sína að bíða á meðan hann
ræddi við blaðamann DV sem gat í
raun ekki annað en byrjað á því að
spyrja hvað hann væri eiginlega að
gera á Íslandi.
Slappa af og njóta Íslands
„Ég kom hingað til lands í dag og
planið er að vera hérna í tvo daga,“
sagði Bieber við blaðamann DV.
„Ég er í fríi og það eru afskaplega
fáir sem vita að ég er staddur hér á
landi. Ég er ekki að millilenda held-
ur er ég að taka tvo daga í frí á Íslandi
áður en ég flýg til Bandaríkjanna,“
sagði söngvarinn en Bieber var að
koma frá Grikklandi þegar hann lenti
á Keflavíkurflugvelli í morgun.
Honum var mikið í mun um að
blaðamaður og ljósmyndari DV
myndu ekki gefa upp nákvæma stað-
setningu á honum eða föruneyti hans
meðan á ferðalagi hans stæði. Bieber
vissi þó ekki að um það leyti sem
blaðamaður DV náði af honum tali
þá höfðu nær allir fjölmiðlar landsins
fjallað um komu hans.
Eins og áður segir er Bieber nýkom-
inn frá Grikklandi þar sem hann var
við upptökur í stúdíóinu Black Rock
Studios en hann var að leggja loka-
hönd á nýja breiðskífu sem búast má
við í nóvember á þessu ári. Það verður
þá fjórða breiðskífa Biebers en fyrsta
lagið af væntanlegri breiðskífu hans
hefur nú þegar slegið í gegn. Lagið
heitir „What Do You Mean“ og situr á
toppi vinsældalista úti um allan heim,
meðal annars í Danmörku, Finnlandi,
Ástralíu, Austurríki, Kanada, Hollandi,
Nýja-Sjálandi og Noregi.
Fagnar því að upptökum sé lokið
Eftir því sem DV kemst næst er nú
þessum upptökum lokið og ætlar
söngvarinn að fagna því ásamt félög-
um sínum hér á landi að platan sé svo
gott sem tilbúin.
„Við komum ekki hingað til þess
að vinna. Við komum til þess að vera
í algjöru fríi en mig hefur alltaf langað
til að koma hingað. Þetta er dásamleg
eyja,“ sagði Bieber sem var á leiðinni
að skoða hinn týpíska „Gullna hring“
sem svo margir ferðamenn skoða
á Íslandi en það er að sjálfsögðu
skoðunarferð um Gullfoss og Geysi.
Bieber sagðist ekki trúa öðru en
að hann myndi heimsækja Bláa lón-
ið áður en hann færi heim. Hann
vildi þó ekkert segja hvenær hann
yrði í lóninu sem er svo sem skiljan-
legt enda nánast hægt að bóka það að
lónið myndi fyllast af íslenskum að-
dáendum á nokkrum mínútum en
þeir skipta hundruðum ef ekki þús-
undum hér á landi. „Ég verð að halda
áfram ferðalaginu mínu núna,“ sagði
Bieber við blaðamann DV áður en
söngvarinn bað um lítinn greiða.
„Viltu lofa mér því að segja engum
hvar á landinu ég er?“ spurði Bieber
og að sjálfsögðu varð blaðamaður við
því enda hefur hann ekki hugmynd
um hvar söngvarinn er niðurkominn
í dag. Fyrir þá sem vilja leita goðið sitt
uppi geta haft augun opin fyrir tveim-
ur svörtum Mercedes Benz-bifreið-
um en það er eflaust jafn erfitt og að
finna nál í heystakki ... eða hvað? Ein-
hverjir reyna nú að hafa uppi á Bieber
og félögum hans hér á landi en fjöl-
margar stúlkur hringdu í síma blaða-
manns DV eftir að ljósmynd af hon-
um og söngvaranum birtist á dv.is.
Þær vildu allar aðeins vita eitt:
HVAR ER JUSTIN BIEBER?!
En á meðan Bieber og félagar
hans skemmta sér á landinu þá bíð-
ur einkaþotan hans á Keflavíkur-
flugvelli, full af bensíni og tilbúin að
fljúga stjörnunni á vit ævintýranna. n
„Við komum til
þess að vera í
algjöru fríi en mig hefur
alltaf langað til að
koma hingað.
Atli Már Gylfason
atli@dv.is
Á ferðalagi Justin Bieber og föruneyti hans ferðast um á glænýjum Mercedes
Benz-sendibifreiðum.
Bieber og Sólrún Líf Ein af þeim sem fékk
mynd af sér með söngvaranum var Sólrún Líf
Þormarsdóttir. Hún hefur lengi haldið upp á
Bieber og ætlaði varla að trúa því þegar hún
sá hann í gær. Myndir ÞorMAr ViGnir GunnArSSon
Bieber og Atli Már Blaðamaður DV
ræddi við kanadísku ofurstjörnuna í gær.
Lagaði húfuna fyrir myndatök-
una Justin Bieber var hinn rólegasti í gær og
gaf sig á spjall við blaðamann DV fyrir utan
Olís á Selfossi.
V A R M A D Æ L U R
19 dBA
*Við ábyrgjumst lægsta eða sama verð og sambærileg
varmadæla frá öðrum söluaðilum. Smiðjuvegur 70 - gulgata - 200 Kópavogur
Gæði, þjónusta og gott verð.
Hámarks orkusparnaður.
T I L B O Ð Í S E P T E M B E R
September tilboð
á loft í loft
Verð frá
160.000.-án vsk*
* Virðisaukaskattur endurgreiddur vegna kaupa
á varmadælu fyrir íbúðarhúsnæði.
** Verð frá 198.400.- með vsk