Dagblaðið Vísir - DV - 22.09.2015, Blaðsíða 26

18 Lífsstíll Vikublað 22.–24. september 2015
rekkjan.is S í m i: 567 4 8 4 0 • Fu n a h ö fð i 1 • 110 R v k .
b i l o@b i l o. i s • w w w. b i l o. i s
Skoðaðu heimasíðuna okkar
ww
w.
bi
lo
.is
Ef
þú
er
t í b
ílahugleiðingum?
... með okkur!
FRÁ KR. 48.900
Einfalt og hollt
n Heilsusamlegir kjúklingaréttir með indversku og mexíkósku ívafi
E
ins og ég hef áður tekið fram
á síðu Ræktardurgsins, er ég
mikill áhugamaður einfaldrar
eldamennsku og mér finnst
ótrúlega gaman að holl-
ustuvæða uppskriftir og aðlaga þær
mínum lífsstíl.
Ég elda venjulega fyrir mig eina,
og finnst langhentugast að réttirnir
séu einfaldir og auðveldir. Ég veit ekki
hversu oft ég hef rekið augun í ótrúlega
girnilegar uppskriftir að dýrindis rétt-
um í blöðum, sem fara aldrei í fram-
kvæmd þar sem það tekur í kringum
tvær klukkustundir að gera réttinn til-
búinn á borðið. Þegar ég kem heim á
kvöldin eftir að hafa farið út úr húsi
klukkan sex um morguninn, er ég ekki
alveg til búin í eitthvað flókið. Ég elda
því gjarnan kjúkling og hýðishrísgrjón,
sem ég á tilbúið í ísskápnum til þess að
nota í ýmsa góða rétti.
Ég hef í gegnum tíðina deilt með
lesendum Ræktardurgsins góðum
ráðum varðandi eldamennsku ásamt
því að taka fyrir hvernig ég undirbý
matinn minn fyrir vikuna. Þær grein-
ar má allar finna á dv.is undir lífsstíll.
Ef þú hefur ekki lesið þær nú þegar,
mæli ég endilega með þeim ef þig
vantar góð ráð við eldamennskuna og
skipulag.
Það er annars orðið ansi langt síð-
an ég hef deilt með ykkur uppskrift og
fannst mér tími til kominn að bæta
úr því. Ég er mjög hrifin af bragð-
miklum mat og standa þar réttir með
mexíkósku og austurlensku ívafi mik-
ið upp úr. Þessir tveir eiga einmitt ræt-
ur sínar að rekja þangað og eru í miklu
uppáhaldi þessa dagana.
Njótið vel.
Þangað til næst,
Ale Ræktardurgur n
Alexandra Sif
Nikulásdóttir
ale_sif@hotmail.com
Burritoskál
Skammtur fyrir einn
Þessi réttur er einstaklega bragðgóður
og hægt að gera á fleiri en einn veg, sem
sagt með öðru innihaldi. Skálin er mjög
sniðugur kostur fyrir þá sem kunna ekki við
brauðmeti þar sem rétturinn er í raun það
sama og færi inn í burrito, án vefjunnar.
Kosturinn við réttinn er að þú getur
hrært innihaldinu saman og geymt í nest-
isboxi í ísskáp. Þannig að hægt er að gera
hann tilbúinn daginn áður og gera fleiri en
einn skammt í einu.
Það sem þú þarft:
n 1 fullelduð kjúklingabringa
n 80–100 g soðin hýðishrísgrjón
n 2 msk. salsasósa
n 1 tsk. 5% sýrður rjómi
n Lúka af niðurskornum kúrbít (zucchini)
n Lúka af niðurskorinni rauðri papriku
n 1 msk. rauðlaukur
n Lúka af niðurskornum tómötum
n Icebergsalat eftir smekk
n Salt, pipar og malaður chilipipar e. smekk
Aðferð:
Ég sker kjúklingabringuna niður í bita og
blanda saman við hýðisgrjónin í skál. Því
næst hræri ég sósuna og sýrða rjómann við
grjónin og kjúklinginn. Eftir að ég hef hært
það vel saman, bæti ég öllu grænmetinu
við eftir smekk og krydda vel. Því næst set
ég skálina í örbylgjuofn og hita í um tvær
og hálfa mínútu. Þá er rétturinn tilbúinn,
en það má þess vegna sleppa því að hita
hann upp og borða hann kaldan.
Indverskur Ræktardurgs-kjúklingur
Skammtur fyrir einn
Ég fór í mat til vinkonu minnar um
daginn og fékk þennan yndislega
indverska kjúklingarétt hjá henni, sem
heillaði mig upp úr skónum. Ég er nefni-
lega mjög mikið fyrir indverskan mat og
borða hann gjarnan með naan-brauði.
Brauðið er þó eitthvað sem ég kýs að
hafa spari og slíka rétti líka, vegna þess
að grunnurinn í mörgum indverskum
réttum er rjómi.
Ég gat ekki hætt að hugsa um þenn-
an rétt, þannig að ég tók málin í mínar
hendur og ákvað að hollustuvæða hann.
Það sem þú þarft:
n 1 óelduð kjúklingabringa
n 2 lúkur niðurskorið grænmeti
(ég notaði rauðlauk, papriku og kúrbít)
Marinering:
n 2 msk. tómatsósa
n 1 kúfuð tsk. af 5% sýrðum rjóma
n Salt og pipar eftir smekk
n Hálf teskeið karrí
Til hliðar:
n 100 g soðin hýðisgrjón
n Hálfur avókadó
Aðferð:
Ég byrjaði á því að gera marineringuna
tilbúna. Hrærði saman tómatsósuna og
sýrða rjómann og kryddaði með salti og
pipar og bætti svo karríinu við. Það má
þess vegna setja meira eða minna af því,
allt eftir smekk.
Því næst setti ég kjúklinginn á pönnu
sem ég hafði úðað með fituminni
eldunarúða og steikti í um tvær mínútur
áður en ég bætti marineringunni við.
Þegar kjúklingurinn var að verða tilbúinn,
bætti ég grænmetinu við á pönnuna til
þess að það fengi smá bragð af mariner-
ingunni.
Kjúklinginn og grænmetið setti ég svo
á disk með hrísgrjónunum og avókadóinu
og borðaði með bestu lyst. Rétturinn var
engu síðri svona hollustuvæddur og hef
ég gert hann oftar en einu sinni síðan þá.
Indverskt Fljótlegur og
einfaldur kjúklingaréttur.
Einfalt og gott
Burritoskál.