Dagblaðið Vísir - DV - 18.12.2015, Side 9

Fréttir 9Helgarblað 18.–21. desember 2015
„Milljarðamæringurinn“ sem
ætlar að breyta heiminum
n Rafrettur og fæðubótarefni
Snöggur Daníel var fljótur til að auglýsa umfjöllun Ísþjóðarinnar um sig á Facebook. Hann
upplýsir að markmið hans sé að texta þáttinn á ensku.
vera heiðarleg þá hef ég svar við
þessari spurningu en ég vil helst
ekki tjá mig um málið.“
Fæðubótarefni, rafrettur og
eldhúsáhöld
Eftirgrennslan DV leiddi í ljós að
Daníel á hlut í tveimur breskum
fyrir tækjum, AZ Natural Supple­
ments Limited og Liquipal Lim­
ited, ásamt breskum viðskipta­
félögum sínum. Ef leitað er eftir
fyrirtækjunum á Amazon má sjá að
á bak við vörumerkið AZ Natural
Supple ments eru nokkrar tegundir
af ýmiss konar fæðubótarefnum,
til dæmis Raspberry Ketones (sem
er virka efnið í rifsberjum) og
kókosolíuhylki. Á bak við Liquipal
eru rafsígarettur og ýmiss kon­
ar fylgihlutir en þess má geta að
pakki frá Liquipal er söluhæstur
í tilteknum vöruflokki á Amazon.
Fyrirtækin hafa ekki skilað inn
rekstrarupplýsingum í Bretlandi og
því er ekki hægt að fullyrða hvernig
reksturinn gengur.
Óvirkt símanúmer
og ruslpóstsíða
Ef fæðubótarefnin sem AZ Natural
Supplements selur eru skoðuð nán­
ar kemur ýmislegt miður traust­
vekjandi í ljós. Á vörum fyrirtækis­
ins er til dæmis mismunandi hvaða
heimilisfang er gefið upp, ýmist er
fyrirtækið sagt staðsett í Houston í
Bandaríkjunum eða í London.
Á vörum fyrirtækisins er gefin
upp samnefnd heimasíða en ef
hún er heimsótt þá flyst viðkom­
andi yfir á rússneska ruslpóstsíðu.
Sama símanúmerið er gefið upp,
hvort sem skrifstofur fyrirtækisins
eru sagðar vera í Bandaríkjunum
eða Bretland, en númerið er óvirkt.
Sama leynd hvílir yfir fyrirtæk­
inu Liquipal Limited. Á heimasíðu
fyrirtækisins eru engar upplýsingar
gefnar um hverjir standa á bak við
fyrirtækið. Eina sem gefið er upp er
eitt tölvupóstfang og heimilisfang
í London, það sama og AZ Natural
Supplements er skráð á. Ef flett er
upp lista yfir fyrirtæki sem skráð eru
á þetta heimilisfang finnst AZ Natural
Supplements Limited en Liquipal
Limited er hvergi að sjá. Ekkert síma­
númer er að finna en fólki er vísað á
Facebook­síðu fyrirtækisins. Sú síða
er að mestu óvirk fyrir utan nokkra
viðskiptavini sem hafa látið í ljós
slæmra reynslu sína af fyrirtækinu.
Hörð gagnrýni á RÚV
Umfjöllun RÚV um Daníel Auðuns­
son vakti hörð viðbrögð víða á sam­
félagsmiðlum og töldu sumir óverj­
andi að lagt væri út í dýra þáttagerð
um einstakling þar sem vafi og
dulúð virðist ríkja um viðskipta­
hætti hans. Í þættinum færði Daníel
engar sönnur á meint viðskiptaveldi
sitt fyrir utan að gefa þáttarstjórn­
anda færi á að ræða við tvo starfs­
menn fyrirtækisins sem fóru
fögrum orðum um Íslendinginn.
Gagnrýnendur höfðu á orði að slík
umfjöllun á RÚV ýtti undir trú­
verðugleika hans sem myndi nýt­
ast honum til þess að markaðssetja
námskeiðin sem hann stendur fyr­
ir ásamt viðskiptafélaga sínum,
Ryan Ciasson. DV hafði samband
við Ragnhildi Steinunni Jónsdóttur,
þáttastjórnanda Ísþjóðarinnar, en
hún sagðist ekki ætla að tjá sig um
þessa gagnrýni. Þátturinn yrði ein­
faldlega að tala sínu máli.
„Dulbúnar kynningarsíður“
Stundin fór ofan í saumana á starf­
seminni í apríl síðastliðnum og
kom meðal annars fram í umfjöllun
blaðsins að sé leitað að nafni Dan­
íels á netinu, eða einu af hans sölu­
kerfum, eFormula Evolution, blasi
við löng slóð af misjafnlega dul­
búnum kynningarsíðum. Síðurnar
beri einkenni þess að vera vefsíðu­
útgáfa af ruslpósti eða „spam“. Má
þar meðal annars nefna ýmsa aug­
ljósa gervigagnrýni á eFormula
Evolution sem hefst á orðum eins
og „ekki kaupa“ eða „svik“ en áður
en langt er um liðið er viðkomandi
hvattur til að kaupa vöruna.
Ekki náðist í Daníel við vinnslu
fréttarinnar, þrátt fyrir ítrekaðar
tilraunir. n
Lóðinni skilað og
álvinnslan flutt
n Kratus keypti Al álvinnslu n Bundu vonir við áform um álver í Helguvík
F
yrrverandi eigendur Als ál­
vinnslu hf. skiluðu í vikunni
lóð sem iðnfyrirtækinu var
úthlutað undir verksmiðju
í Helguvík. Álvinnslan var
seld í lok síðasta árs til eina keppi­
nautarins og stendur til að flytja
starfsemina alfarið upp á Grundar­
tanga. Lóðin átti að fara undir ný­
byggingu álvinnslunnar og von­
ir bundnar við áform Norður áls
um álver í Helguvík sem hafa ekki
gengið eftir.
„Þetta ætti ekki að koma nein­
um á óvart en það ekki búið að
byggja neitt á lóðinni eða undirbúa
hana fyrir framkvæmdir en hug­
myndin var sú að hún væri þarna
til staðar ef Norðurál hefði komið,“
segir Halldór Jónsson, fyrrverandi
framkvæmdastjóri Als.
Kaupa gjall, selja ál
Reykjaneshöfn, sem á lóðirnar á
iðnaðarsvæðinu í Helguvík, sam­
þykkti á þriðjudag að falla frá út­
hlutun á Berghólabraut 19 til ál­
vinnslunnar. Fyrirtækið, sem er
nú í eigu Kratus ehf., fékk upphaf­
lega aðra lóð í Helguvík árið 2002
en hefur alla tíð rekið starfsemi
sína í húsnæði Síldarvinnslunnar
á iðnaðarsvæðinu. Þar hituðu
starfsmenn sjávarútvegsfyrirtækis­
ins álgjall, sem myndaðist á yfir­
borði kerja í álverum Rio Tinto
Alcan í Straumsvík og Norðuráls
á Grundartanga, í sérstökum ofni
og helltu hreinsuðu álinu í mót.
Málmurinn var svo seldur álverun­
um tveimur.
„Starfsemin kemur til með að
flytjast upp á Grundartanga og
framleiðsla okkar aukast samhliða
því,“ segir Matthías Matthíasson,
framkvæmdastjóri Kratus og Als
álvinnslu.
Völdu Helguvík
Kratus er í eigu Stefáns Arnars
Þórissonar, Eyþórs Arnalds, fyrr­
verandi bæjarfulltrúa Sjálfstæðis­
flokks í Árborg, og Arthurs Garðars
Guðmundssonar. Þeir eru einnig
hluthafar í GMR Endurvinnslunni
ehf. á Grundartanga sem endur­
vinnur brotamálma og þá aðal­
lega stál sem fellur til við rekstur
álvera hér á landi. Aðspurður hvort
eigendur Kratus sé að horfa til
stækkunar á húsnæði fyrirtækisins
á Grundartanga svarar Matthías að
svo geti farið.
„Já, hugsanlega en það er ótengt
kaupunum á Al álvinnslu,“ segir
Matthías.
Halldór Jónsson keypti 10%
hlut í Al álvinnslu í ágúst 2012 af
Landsbankanum. Hluturinn var
áður í eigu Sparisjóðs Keflavíkur,
SpKef, en Landsbankinn tók sjóð­
inn yfir í mars 2011. Um 20 hluthaf­
ar voru í eigendahópi álvinnslunn­
ar þangað til í fyrra og þar á meðal
Eignarhaldsfélag Suðurnesja, Ný­
sköpunarsjóður atvinnulífsins og
Síldarvinnslan í Neskaupstað.
Stjórnendur Reykjanesbæjar
tóku að sér að kynna fyrirtækið
fyrir fjárfestum á svæðinu í byrjun
aldarinnar. Í frétt Morgunblaðsins
þann 12. desember 2002 sagði að
ákvörðun þeirra um að setja hlutafé
inn í það hefði, ásamt aðstöðunni í
Helguvík, verið lykilinn að fram­
leiðslunni var valinn samastaður
þar. Árni Sigfús son, þá nýráðinn
bæjarstjóri Reykjanesbæjar, neitar
í fréttinni að fjölskyldutengsl hafi
átt þátt í ákvörðun forsvarsmanna
Als um að velja Helguvík. Þorsteinn
Ingi Sigfússon, forstjóri Nýsköp­
unarmiðstöðvar Íslands og bróðir
Árna, stofnaði álvinnsluna og var í
eigendahópi fyrirtækisins. n
haraldur@dv.is
Helguvík Alur álvinnsla
rak starfsemi í húsnæði
Síldarvinnslunnar á iðnað-
arsvæðinu frá árinu 2003.
MynD SigtRygguR ARi
„Starfsemin kemur
til með að flytjast
upp á Grundartanga.
Plast, miðar og tæki ehf. Krókhálsi 1 110 Reykjavík s. 567 8888 www.pmt.is
gæði – þekking – þjónusta
Umhverfisvænir pokar
sem brotna niður í umhverf inu
Nánari upplýsingar á www.pmt.is
eða í síma 567 8888
• Umhverf isvænu plastpokarnir f rá PMT eru ekki maíspokar
• Þe ir eru með skaðlaust d2w íblöndunarefni
• d2w breyt ir plastpokunum að líf tíma
þe irra loknum svo að þe ir samlagist
nát túrunni á sama hát t og laufblað
Við bjóðum uppá alls kyns gerðir af
umhverfisvænum plastpokum. Íslensk plastfyrirtæki
sem vilja gerast umhverfisvænni geta jafnframt
fengið hjá okkur íblöndunarefni.
Pokar í
s töðluðum stærðum
eða
séráprentaðir