Dagblaðið Vísir - DV - 08.05.2015, Blaðsíða 2

Helgarblað 8.–11. maí 20152 Fréttir
Lífrænt
Valið besta
heilsuefnið
Fæst í apótekum, Hagkaup, Krónunni,
Grænni heilsu, Heilsuhúsinu og Fjarðarkaup.
www.thebeautyshortlist.com
Best Health Supplement - Overall Wellbeing
Hreinsar líkamann, bætir andadrátt og líkamslykt,
fegrar og frískar húðina
Bætir meltingu, gerir líkamann basískan,
kemur á réttu pH gildi
Yr 100 lífræn næringarefni sem gefa orku,
einbeitingu og vellíðan
Spirulina, Chlorella & Barleygrass
Lifestream framkvæmir þrefaldar næringarprófanir; við uppskeru,
eftir framleiðslu og að lokum með vottun frá óháðri prófunarstofu.
Dagleg græn upplyfting. Heilnæmt fæði, hámarks
upptaka og nýting á næringarefnum.
120 hylki.
É
g fór þangað í fyrsta skipti í
janúar og var í þrjár vikur í
fríi. Það gaf mér mjög mikið
og ég heillaðist af Borongan,“
segir Ingvar Jónsson, verslun-
arstjóri 66°Norður í Faxafeni. Hann
undirbýr um þessar mundir happ-
drætti og sölu happdrættismiða en
ágóðinn af sölu þeirra verður notað-
ur til að koma upp íþróttaaðstöðu;
badminton- , tennis- og sparkvelli
auk skólahreystibrautar fyrir börn,
í borginni Borongan á Samar-eyju á
Filippseyjum. Einnig er í bígerð að
byggja innanhúsaðstöðu þegar fram
líða stundir.
Ekkert skipulagt íþróttasvæði
Eiginkona Ingvars, Dia Marie Labro,
er frá Filippseyjum, nánar tiltekið
frá Borongan og heimsóttu þau fjöl-
skyldu hennar fyrr á árinu.
„Ég féll alveg fyrir þessum bæ og
fólkinu þarna. Ég er mikill íþrótta-
áhugamaður og þegar ég leit í kring-
um mig tók ég eftir því að það var
ekkert íþróttasvæði á vegum bæj-
arins og engin viðunandi aðstaða
fyrir íþróttaiðkun. Það voru körfu-
boltakörfur hér og þar á götunni, en
ekkert skipulagt íþróttasvæði,“ seg-
ir hann. Þá fékk hann þá hugmynd
að standa fyrir uppbyggingu á slíku
svæði fyrir börn.
„Ég hugsaði með mér að ég vildi
gera eitthvað fyrir krakkana þarna,“
segir hann og bætir við að hann hefði
gjarnan viljað geta gefið af sér á með-
an hann var á Filippseyjum og velt
þessu mikið fyrir sér. „Mig langar til
að byggja upp leiksvæði þarna. Þetta
er sextíu þúsund manna borg og þar
af eru um sautján þúsund börn.“
Stofnaði styrktarsjóð
Bróðir Diu Marie er arkitekt og hefur
aðstoðað Ingvar við að teikna upp
svæðið. „Ég nefndi þetta við fjöl-
skyldu konunnar minnar og aðra og
það voru allir sammála um að þetta
væri verðugt verkefni til að ráðast í,“
segir hann. Úr varð að stofna styrktar-
sjóð, safna íþróttafötum í samstarfi
við íþróttafélög og fjárframlögum og
leggjast svo í uppbyggingu á svæði í
febrúar á næsta ári.
Fyrsta skrefið er happdrættið og
þeir sem Ingvar hefur leitað til hafa
tekið honum vel og honum hefur
fyrir vikið tekist að safna mörgum
vinningum, alls 82 og er byrjaður að
selja miðana.
„Ég ætla að nota allt þetta ár til
að safna fyrir þessu og verð með
fleiri uppákomur í ár,“ segir Ingv-
ar, en þar á meðal eru fyrirhugaðir
styrktartónleikar. „Ég vil gera þetta
hægt og rólega og vanda til verka.
Draumurinn er að ná að safna vel
fyrir þessu svo hægt sé að klára
þetta. Viðbrögðin hafa verið alveg
frábær,“ segir hann og bætir því við
að vonandi hafist þetta með aðstoð
frá góðu fólki.
Féll kylliflatur
Hann hefur einnig komið upp
heimasíðu, ssb.mozello.com, en þar
má finna nánari upplýsingar um
styrktarsjóðinn og nálgast happ-
drættismiða. „Ég féll kylliflatur
fyrir Borongan og held að fleiri Ís-
lendingar hefðu gott af því að taka
sér smá frí, fara þangað til að slaka á
og njóta þess að vera til,“ segir hann
og segist hafa verið endurnærður
þegar hann sneri aftur til Íslands. n
Byggir upp íþróttasvæði
fyrir börn á Filippseyjum
Ingvar Jónsson og Dia Marie Labro stefna á að setja upp skólahreystisbraut í Borongan
Ásta Sigrún Magnúsdóttir
astasigrun@dv.is
„Ég hugsaði
með mér að ég
vildi gera eitthvað fyrir
krakkana þarna.
Breytti öllu Ferðin
til Borongan breytti lífi
Ingvars, sem vill láta gott
af sér leiða þar í staðinn.
F
imm Vestmannaeyingar hafa
skorað á innanríkisráðherra,
þingmenn Suðurlands og
bæjar stjórn Vestmannaeyja að
taka mark á varnaðarorðum reyndra
skipstjórnarmanna sem telja að
gera þurfi miklar úrbætur á aðkom-
unni að Landeyjahöfn.
Segja þeir jafnframt að fátt hafi
staðist sem sérfræðingar Vega-
gerðarinnar hafi látið frá sér fara
varðandi höfnina.
„Það er ósk okkar að ráðamenn
þessarar þjóðar fari að hlusta á
raddir Eyjamanna sjálfra og hætti að
taka mark á fólki sem löngu er búið
að sanna getuleysi sitt í þessu máli,“
skrifa þeir.
Í áskoruninni, sem birtist á vef-
síðunni eyjar.net, leggja fimm-
menningarnir til að leitað verði til
hlutlausra, erlendra sérfræðinga til
að taka verkið út og koma með til-
lögur að raunhæfum lausnum.
Stutt er síðan Herjólfur gat siglt
frá Landeyjahöfn í fyrsta sinn í 158
daga. Hafði þessi bið mikil áhrif á
ferðamannaiðnaðinn í Vestmanna-
eyjum. n
freyr@dv.is
Vilja fá erlenda sérfræðinga
Skora á innanríkisráðherra vegna Landeyjahafnar
Herjólfur Herjólfur er nýbyrjaður að sigla
frá Landeyjahöfn eftir langt hlé.
Ánægð
með engan
náttúrupassa
Samtök ferðaþjónustunnar lýsa
yfir ánægju sinni með að ráð-
herra ferðamála hafi ákveðið
að draga hugmyndir um nátt-
úrupassa til baka.
Á vefsíðu samtakanna, saf.is,
segir að eftir standi hins vegar
það brýna verkefni að byggja upp
við fjölsótta ferðamannastaði.
Merkar náttúruperlur séu komn-
ar að þolmörkum og því ljóst að
aðgerða sé þörf.
„SAF taka heilshugar undir
tillögu ráðherra ferðamála þess
efnis að uppbyggingin verði
fjármögnuð í gegnum fjárlög.
Slíkt fyrirkomulag er í samræmi
við þá umsögn sem samtökin
sendu frá sér í tengslum við
frumvarp um náttúrupassa,“ segir
í yfirlýsingu stjórnar Samtaka
ferðaþjónustunnar.
Áskriftar-
klúbbur DV
Áskrifendur DV fá nú með blað-
inu sent skírteini í Áskriftarklúbb
DV. Gegn framvísun kortsins
býðst áskrifendum DV afsláttur
og fríðindi sem auglýst eru
mánaðarlega. Kortið gildir út árið
en netáskrifendur fá skírteinið
sent heim bréfleiðis.
Að þessu sinni fá áskrifendur
senda fimm þúsund króna inn-
eign í mat og drykk á Argentína
steikhús. Ávísunin gildir alla mið-
vikudaga og fimmtudaga í maí,
þegar keypt er fyrir tíu þúsund
krónur eða meira.