Dagblaðið Vísir - DV - 08.05.2015, Blaðsíða 29

Umræða 29Helgarblað 8.–11. maí 2015
Myndin Réttarhöldin hálfnuð Þriggja vikna réttarhöld í Héraðsdómi Reykjavíkur, yfir níu starfsmönnum Kaupþings, eru nú ríflega hálfnuð. Sakborningarnir hafa lokið
skýrslutökum og vitnaleiðslur hófust á fimmtudag. Meira en fimmtíu vitni eru á vitnalistanum. mynd SigtRygguR ARi
En dag einn gerðist
kraftaverk
Elva dögg gunnarsdóttir leitar að verndarenglinum sínum. - DV
Hún átti að færa bílinn
þegar einhver kæmi
Jón gunnar Benjamínsson gómaði konu sem lagði í stæði fyrir fatlaða. - DV
Veðrið er búið að vera
erfitt fyrir sálartetrið
Sigurður Þ. Ragnarsson segir sumarið á næsta leiti. - DV
J
ón Kalman Stefánsson er góð-
ur rithöfundur. Þess vegna
staðnæmdist ég við grein sem
hann skrifaði í vefritið Kjarn-
ann í vikunni og að sjálfsögðu
dró það ekki úr áhuga mínum þegar
ég sá að umfjöllunarefnið var það
sem rithöfundurinn kallar „Ögmund-
ar-syndromið“. Þetta er heiti á þeirri
kenningu sem öldruð frænka Jóns
hefur sett fram um að það sem úr-
skeiðis hafi farið hjá vinstri mönnum
á Íslandi á undanförnum árum og þá
sérstaklega á síðasta kjörtímabili sé
Ögmundi Jónassyni að kenna.
„Ögmundar-syndromið“
Gefum rithöfundinum orðið: „Öldruð
frænka mín, staðföst vinstrimanneskja
til 60 ára, fullyrðir að Ögmundur Jón-
asson, þingmaður Vinstri grænna, sé
guðfaðir sitjandi ríkisstjórnar. Er það
ekki heldur ósanngjörn fullyrðing;
að sú ríkisstjórn sem virðist hafa sett
misskiptingu og ósætti á oddinn, sitji
í skjóli Ögmundar sem ötullega berst
fyrir þeim sem minna mega sín? …
Sjálfstæðisflokkurinn getur þakk-
að vinstriöflunum fyrir að hafa í ára-
tugi verið yfirburðaflokkur hér á landi;
það er ekki styrkur flokksins sem hef-
ur gert hann að leiðandi afli, held-
ur sundrung vinstri afla. Og þar erum
við komin að Ögmundi, og fullyrðingu
frænku minnar. Ríkisstjórn Samfylk-
ingar og Vinstri grænna komst til
valda á einum erfiðasta tíma í sögu ís-
lenska lýðveldisins, og hún ætlaði sér
svo stóra hluti að henni gat varla ann-
að en mistekist … Hægri menn gátu
hallað sér áhyggjulaust aftur og fylgst
með því hvernig innri deilur og sól-
óspil einstakra þingmanna og ráð-
herra, reif stjórnarsamstarfið í sundur.
Þá talaði frænka mín mest og harð-
ast um Ögmund. Þennan greinda
hæfileikamann, með hjartað á réttum
stað, en hagar sér eins og þrjóskt barn
sem rýkur í fýlu ef hann fær ekki sínu
framgengt. Hans sannfæring ofar öllu.
Getum við kannski farið að tala um
Ögmundar-syndromið? Og að í því
liggi ógæfa vinstri og jafnaðarmanna?”
Samræmt göngulag
Síðan talar rithöfundurinn um
nauðsyn þess að menn gangi í takt,
myndi breiðfylkingu á borð við R-
listann sem væri laus við Ögmund-
ar-syndromið enda stríði það gegn
samvinnu og samábyrgð. Þetta var
nokkurn veginn inntakið. Ég skal
játa að hálf dapurleg þótti mér þessi
lesning þótt ég væri þakklátur fræn-
kunni fyrir að ætla mér að hafa hjart-
að á réttum stað. Það er þó nokkurs
virði. Fróðlegt hefði hins vegar verið
að fá nánari útleggingar frænkunn-
ar á því hvað nákvæmlega það væri
sem ég hefði eyðilagt, voru það ósk-
ir mínar um að fram færi þjóðarat-
kvæðagreiðsla um framhald ESB-
umsóknar fyrir kjörtímalok; var það
gagnrýni á Alþjóðagjaldeyrissjóðinn
og niðurskurðinn í hans anda, neitun
Núbó um að kaupa Grímsstaði á Fjöll-
um, andstaða við Vaðlaheiðargöng
eða einkaframkvæmd fangelsisins á
Hólmsheiði? Varla var það afstaðan til
Icesave-samninganna eða afsögn mín
úr embætti vegna þess máls því færa
má rök fyrir því að afsögnin hafi bjarg-
að stjórninni frá falli því þar stóð valið
á milli afsagnar eða þagnar. Og þegja
vildi ég ekki.
Að kunna að þegja og hlýða
Getur verið að þetta sé einmitt
mergurinn málsins, það sem kallað
er eftir, að kunna að þegja og hlýða?
Getur verið að prúðmannleg þögn
og fylgispekt við valdið í „flokkn-
um“ hverju sinni eigi að vera æðsta
dyggð stjórnmálanna? Er það þetta
sem aðdáendur hinnar öldnu frænku
Jóns Kalmans Stefánssonar hríf-
ast svo mjög af? Þeir mega margir
hverjir vart vatni halda, og fara þar
fremst, þeir hinir sömu og gæta þess
að halda til haga kenningum um illa
villiketti í stjórnarmeirihluta síðasta
kjörtímabils. En hversu útbreidd er
þessi hugsun á vinstri væng stjórn-
málanna? Getur það virkilega verið
að menn þar á bæjum telji það vera
vinstri pólitík til framdráttar að þegja
um umdeild mál á borð við þau sem
að framan eru nefnd?
Þöggunin gerði
flokkinn sálarlausan
Þögnin eða eindrægnin eins og
þöggunin stundum er kölluð, var
höfuðkrafan í Verkamannaflokkn-
um breska í stjórnartíð Tony Blairs.
Flokkurinn valtaði yfir allt sem kalla
má vinstri pólitík, vel meðvitaður um
að hinir óánægðu komust ekkert ann-
að, áttu ekki í önnur pólitísk hús að
venda í bresku tveggja flokka kerfi og
voru jafnan útmálaðir sem óvinir ef
þeir dirfðust að hreyfa málefnalegri
gagnrýni frá vinstri. Lengi vel vegn-
aði Verkamannaflokknum vel með
vaxandi „eindrægni“ en smám saman
þornaði flokkurinn upp og gaf nán-
ast vinstri pólitík upp á bátinn í sókn
sinni eftir völdum. Nú er hann að
reyna að endurheimta glataða sálu
sína. Barátta fyrir félagshyggju og
gegn auðhyggju hefur verið mínar ær
og kýr í nokkra áratugi. Alla tíð hef ég
talað fyrir samvinnu félagslega sinn-
aðs fólks. Það hefur ekki komið í veg
fyrir að ég gagnrýndi stefnu sem mér
hefur þótt vera frjálshyggjusinnuð
þótt yfirlýstir vinstri menn hafi bor-
ið hana fram. Það gerði ég stundum
gagnvart R-listanum á sinni tíð og vísa
ég þar til dæmis í fyrirkomulag kjara-
mála, grimma einkavæðingu á stund-
um og stefnu í húsnæðismálum. Ekki
voru allir sáttir við að gagnrýni frá
vinstri væri viðruð. Gott ef ekki voru
einhverjar gamlar frænkur líka á kreiki
þá.
Það sem vel var gert
Frænkan góða hans Jóns Kalmans
staðnæmist við ágreiningsefni inn-
an síðustu ríkisstjórnar. Að mínu mati
væri um auðugri og skemmtilegri
garð að gresja ef skyggnst væri eft-
ir því sem jákvætt var gert. Í mínum
huga voru stigin mörg mikilvæg fram-
faraskref á síðasta kjörtímabili, ekki
síst á sviði mannréttinda, í skattamál-
um í átt til jöfnuðar, á sviði umhverfis-
mála og hvað varðar lýðræðisþróun.
Og í stjórnarandstöðu í löngum að-
draganda hrunsins náðum við vinstri
menn líka fram ýmsum mikilvægum
áherslubreytingum í pólitíkinni. Ég
treysti Jóni Kalman til að gauka þessu
að sinni góðu frænku og jafnframt
reyni hann að leiða henni og vinum
sínum fyrir sjónir að góður vinstri
sinnaður málstaður þolir opna um-
ræðu og gagnrýni. Ef hann gerir það
ekki þá er eitthvað mikið að. n
Frænkan
Ögmundur Jónasson
þingmaður Vinstri grænna
Kjallari „Ég treysti Jóni
Kalmani til að
gauka þessu að sinni
góðu frænku og jafnframt
reyni hann að leiða henni
og vinum sínum fyrir sjón-
ir að góður vinstri sinnað-
ur málstaður þolir opna
umræðu og gagnrýni.
mynd SigtRygguR ARi JóhAnnSSon
Mest lesið
á DV.is
1 Heimili í rúst eftir kynlífsorgíu: Hjón leigðu
húsið sitt á Airbnb Hjónin Mark og
Star King leigðu heimili sitt til fjögurra
fullorðinna einstaklinga yfir eina helgi
í gegnum Aribnb. Fólkið reyndist frekar
undirförult, en það hélt hundrað manna
kynlífsorgíu á heimili King-hjónanna. Bar
heimilið þess sannarlega merki; það voru
líkamsvessar, smokkar, nærföt, rusl og
glerbrot um allt hús.
Lesið: 55.744
2 Gómaðar í stæði fyrir fatlaða: Heyrðu
skýringarnar „Þetta er fyrir utan
Rekstrarvörur og þegar ég kem þarna að
þá er þessum bíl lagt fallega í stæði fyrir
fatlaða en það voru þær ekki,“ segir Jón
Gunnar Benjamínsson sem greip til þess
ráðs að leggja bifreið sinni fyrir aftan
bifreið kvennanna og þannig loka þær
inni í bílastæðinu. Hann tók samskiptin
svo upp á myndband.
Lesið: 47.306
3 Formaður VG á fyrsta farrými Katrín Jakobsdóttir,
alþingismaður og formaður Vinstri
grænna, flaug á fyrsta farrými heim
til Íslands í síðasta mánuði en eftir því
sem DV kemst næst var ferðin greidd af
stjórnmálaflokknum. Það vakti athygli
flugfarþega að Katrín sat á fyrsta far-
rými eða því sem heitir „Saga Class“.
Lesið: 27.497
4 Eftirlýstur af Interpol: Sendi Gísla Pálma pakka
frá Taílandi Gunnar Þór Grétarsson
er eftirlýstur vegna gruns um aðild að
smygli á fjórum kílóum af amfetamíni.
Hann sendi rapparanum Gísla Pálma
boli frá Taílandi.
Lesið: 27.253
5 Kennari rekinn fyrir að leika í klámmynd Tékknesk
kona sem starfaði sem kennari í bænum
Ceska Lipa í Tékklandi missti nýverið
starf sitt eftir að upp komst að hún hefði
leikið í klámmynd sem fór á netið.
Lesið: 25.806