Dagblaðið Vísir - DV - 08.05.2015, Blaðsíða 14

Helgarblað 8.–11. maí 201514 Fréttir
Fæst í Lyfjum & Heilsu
Austurveri og í Kringlunni
og á heimkaup.is
Dreymir þig um að grennast?
DRAUMAR GETA RÆST MEÐ LYTESS
ÞRÍÞÆTT ÁHRIF:
- Grennir
- Stinnir
- Minnkar
appelsínuhúð
Sleep & Slim
kvartbuxurnar
minnka ummál
þitt á 10 nóttum
Eigendur Fjarðalax
vilja meiri afslátt
n Ekki búið að skrifa undir samkomulag vegna hópuppsagna n Hlutafé aukið
E
igendur Fjarðalax fara fram á
að bæjaryfirvöld í Vesturbyggð
aðstoði fiskeldisfyrirtækið
við að ná fram hagræðingu í
rekstri vinnsluhúss þess á Pat-
reksfirði og útiloka ekki að þeir fari
fram á frekari ívilnanir eins og afslátt
af hafnargjöldum. Fjarðalax sagði öll-
um fjórtán starfsmönnum vinnslu-
hússins upp í mars síðastliðnum en
hópuppsögnin var dregin til baka í
byrjun apríl eftir að fyrirtækið komst
að samkomulagi við sveitarfélagið um
að leitað yrði leiða til að tryggja varan-
lega starfsemi í húsinu. Samkomulag-
ið hefur ekki enn verið undirritað.
„Það er nú bara hálfgerður trassa-
skapur enda nóg að gera hjá öllum.
Það hefur í sjálfu sér ekki verið samið
um eitt eða neitt en við höfum oft
gagnrýnt skattlagningu á greinina á
ýmsum stigum og þá ekki bara á sveit-
arstjórnarstiginu heldur líka af hálfu
ríkisvaldsins. Það er ekkert breytt í
því enn sem komið er en skattlagn-
ingin er ekki forsenda fyrir samkomu-
laginu,“ segir Einar Örn Ólafsson,
framkvæmdastjóri og einn eigenda
eldisfyrirtækisins.
Afsláttur af aflagjaldi
Einar segir Fjarðalax hafa óskað eftir
því að bæjaryfirvöld aðstoði fyrirtæk-
ið við að ná fram kostnaðarlækkun á
Patreksfirði. Meðal annars sé horft til
þess hvort hægt sé að koma á sam-
starfi við önnur fyrirtæki á svæðinu
um slátrun og fullvinnslu eldisafurð-
anna.
„Eftir að hafa átt samtal við full-
trúa sveitarstjórnar Vesturbyggðar var
ákveðið að vinna með þeim að því að
tryggja að vinnsla afurða yrði áfram í
sveitarfélaginu og fulltrúar þess ætla
að aðstoða okkur svo aðstaðan og
kostnaður vegna verkefnisins verði
hagfelld fyrir Fjarðalax. Við erum ekki
búin að ná þeirri kostnaðarlækkun
fram sem við teljum okkur þurfa að ná
en það er von okkar að það muni tak-
ast á næstu vikum og mánuðum,“ seg-
ir Einar.
Hópuppsögnin í mars kom íbúum
Vesturbyggðar á óvart og bæjarstjór-
inn Ásthildur Sturludóttir sagði hana
mikið reiðarslag fyrir bæjarfélagið.
Ásthildur segir unnið að því að tryggja
áframhaldandi starfsemi í vinnslu-
húsi Fjarðalax á Patreksfirði. Aðspurð
segir hún að fiskeldisfyrirtæki innan
sveitarfélagsins fái afslátt af afla- og
vörugjöldum.
„Samkvæmt gjaldskrá hafnar Vest-
urbyggðar greiðir fyrirtækið 0,6 pró-
sent af söluverðmæti afurða. Eldis-
fiskur ber 50 prósenta lægra aflagjald
en bolfiskurinn en hafnarstjórn ákvað
hér fyrir ári síðan að bjóða tímabund-
inn aukaafslátt til eldisfyrirtækja á
meðan þau væru að koma undir sig
fótunum,“ segir Ásthildur og bætir við
að önnur fyrirtæki greiði 1,6 prósent af
aflaverðmæti.
„Síðan fá eldisfyrirtæki 50 pró-
senta afslátt af vörugjöldum vegna
fóðurs. Allt fóðrið kemur hins vegar
landleiðina þannig að í þeim tilvikum
er ekki um háar upphæðir að ræða.“
Eiga 95% í félaginu
Fjarðalax rekur að auki laxeldisstöðvar
á Patreksfirði, Tálknafirði og Arnarfirði.
Fyrirtækið var rekið með 326 milljóna
króna hagnaði árið 2013 en ársreikn-
ingi síðasta árs hefur ekki verið skil-
að inn til ársreikningaskrár Ríkisskatt-
stjóra. Hlutafé Fjarðalax var aukið um
tæpar 2,6 milljónir króna að nafnvirði
á genginu 450 á hluthafafundi félags-
ins í febrúar síðastliðnum. Greitt var
fyrir nýja hlutaféð með skuldajöfn-
un en stærsti hluthafi Fjarðalax, Fiski-
sund ehf., átti þá 1,17 milljarða króna
kröfu á hendur félaginu.
Fiskisund á nú 95 prósenta hlut
í Fjarðalaxi en átti 58,7 prósent í árs-
lok 2013. Einkahlutafélagið er í eigu
Einars, Höllu Sigrúnar Hjartardóttur,
fjárfestis og fyrrverandi stjórnarfor-
manns Fjármálaeftirlitsins (FME), og
Kára Þórs Guðjónssonar. Þau störf-
uðu öll saman í fyrirtækjaráðgjöf Ís-
landsbanka, áður Glitnis, en hættu
hjá bankanum á árunum 2009 og
2011. Halla var skipuð stjórnarfor-
maður FME í desember 2013 og
gegndi stöðunni til ársloka 2014.
Morgunblaðið hafði þá greint frá því
að hún hefði hagnast um 830 millj-
ónir króna þegar gengið var frá sölu
á olíufélaginu Skeljungi og færeyska
olíufélaginu P/F Magn í lok árs 2013,
á sama tíma og hún tók sæti sem
stjórnarformaður FME. Samkvæmt
frétt Morgunblaðsins átti félag Höllu
22 prósenta eignarhlut í eignarhalds-
félaginu Heddu og Einar Örn og Kári
Þór einnig 22 prósent hvor í félaginu.
Hedda átti 66 prósenta hlut í P/F
Magn og 25 prósent í Skeljungi.
Daginn eftir að fréttin birtist til-
kynnti Halla að hún ætlaði að hætta
sem formaður FME þegar skipun
hennar rynni út í lok síðasta árs. Hafn-
aði hún alfarið að hafa átt hlut í Skelj-
ungi. n
Haraldur Guðmundsson
haraldur@dv.is
Bæjarstjóri Vesturbyggðar Ásthildur
Sturludóttir segir unnið að því að tryggja áfram-
haldandi starfsemi í vinnsluhúsi Fjarðalax.
Framkvæmdastjórinn Einar Örn Ólafsson segir
Fjarðalax hafa óskað eftir aðstoð bæjaryfirvalda við
að ná fram kostnaðarlækkun í tengslum við rekstur
vinnsluhússins á Patreksfirði.
Patreksfjörður
Fjarðalax sagði öllum fjórtán
starfsmönnum vinnsluhúss
fyrirtækisins á Patreksfirði
upp í mars síðastliðnum en
hópuppsögnin var dregin til
baka í byrjun apríl.
Mynd SiGtryGGur Ari JóHAnnSSon
Fæstir eiga
gæludýr
Tæplega fjörutíu prósent Ís-
lendinga eiga gæludýr og skipt-
ist það gott sem jafnt milli þess
að eiga hunda og ketti. Þeir sem
eiga ketti eru líklegri til að styðja
ekki ríkisstjórnina en hunda-
eigendur eru frekar hliðhollir
henni.
Könnunin var framkvæmd
dagana 16. til 21. apríl 2015 af
MMR og var heildarfjöldi svar-
enda 1.001 einstaklingur, 18 ára
og eldri. Önnur algeng gæludýr
á heimilum á Íslandi voru fiskar
(4%), fuglar (4%) og nagdýr
(2%). Í heild reyndust þó gælu-
dýr vera á minnihluta heimila
á Íslandi – en 61% aðspurðra
sögðu að ekki væri gæludýr á
þeirra heimili.
Hundar voru algengari á
heimilum á landsbyggðinni
en á höfuðborgarsvæðinu, en
23% þeirra sem búsett voru á
landsbyggðinni greindu frá því
að það væri hundur á heimil-
inu, borið saman við 18% þeirra
sem búsett voru á höfuðborgar-
svæðinu.
Þeir sem studdu ríkisstjórn-
ina voru líklegri til að búa á
heimili með hundi (28%) en þeir
sem ekki studdu ríkisstjórnina
(17%). Aftur á móti voru þeir
sem ekki studdu ríkisstjórnina
líklegri til að búa á heimili með
ketti (19%) en þeir sem studdu
ríkisstjórnina (13%).
Framsóknarmenn eru hefð-
bundnari í vali á gæludýrum en
stuðningsfólk annarra flokka en
aðeins hundar og kettir reynd-
ust vera á heimilum þeirra.
Mótmæla sérreglum
L
andsbankinn og Arion banki
leggjast eindregið gegn því
að smærri fjármálafyrir-
tækjum verði veitt sér-
stök heimild til að greiða
hlutfallslega hærri bónusa
til starfsmanna heldur en
stóru bönkunum.
Þetta kemur fram í um-
sögnum bankanna til efna-
hags- og viðskiptanefnd-
ar vegna frumvarps sem nefndin
hefur til umræðu um viðamiklar
breytingar á lögum um fjármálafyr-
irtæki. Í frumvarpinu er gert ráð fyr-
ir því að kaupaukagreiðslur til starfs-
manna fjármálastofnana haldist
óbreyttar – að hámarki 25% af árslaun-
um – frá því sem verið hefur síðustu ár.
Eins og greint hefur verið frá í DV þá
telur Frosti Sigurjónsson, formaður
nefndarinnar, hins vegar rök hníga að
því að smærri félög fái að greiða hærri
kaupauka.
Í umsögn Arion banka, sem er
undirrituð af Höskuldi Ólafs-
syni bankastjóra, er bent á að
smærri fjármálafyrirtæki hafi
nú þegar í gegnum eignarhald
á félögunum möguleika til að
bjóða starfsmönnum auknar
greiðslur í formi arðgreiðslna.
Þekkt sé að slíkt er gert og
virðast þær greiðslur „falla utan nú-
gildandi reglna um kaupauka“.
Fram kemur í umsögninni að
dæmi séu um að starfsfólk hætti störf-
um hjá stóru bönkunum þar sem slík
kjör minni fjármálafyrirtækja hafa
ráðið úrslitum. „Verði þessi munur að
veruleika getur slíkt inngrip löggjaf-
ans í starfsemi fjármálafyrirtækja haft
ófyrirsjáanlegar afleiðingar á starfsemi
á fjármálamarkaði og öryggi hans.“ n
„Ófyrirsjáanlegar afleiðingar“ fyrir fjármálamarkaði
Höskuldur
ólafsson