Dagblaðið Vísir - DV - 08.05.2015, Blaðsíða 8
8 Fréttir
T
ryggingastofnun hafði sam-
band við þá sem hugsanlega
áttu rétt á afturvirkum bóta-
greiðslum frá stofnuninni
eftir að álit umboðsmanns
um málið lá fyrir.
Álit umboðsmanns Alþingis
var að synjun Tryggingastofnun-
ar í kvörtun sem umboðsmanni
barst væri óréttmæt. DV fjallaði fyrir
skemmstu efnislega um umrætt álit
umboðsmanns. Taldi umboðsmað-
ur að Tryggingastofnun ríkisins gæti
ekki með löglegum hætti synjað fólki
um örorkubætur aftur í tímann á
grundvelli þess að slíkar bætur væri
aðeins hægt að greiða ef fyrir lægju
sérstakar ástæður.
Tryggingastofnun og úr-
skurðarnefnd almannatrygginga
(ÚRAL) hafa fengið nokkur mál til
afgreiðslu þar sem fjallað er um aft-
urvirkni bóta en heimilt er að greiða
þær allt að tvö ár aftur í tímann, en
það er lengri tími en tíðkast víða í ná-
grannalöndum.
Meginstefnan er og hefur verið sú
að örorkubætur séu greiddar frá því
að viðurkennt læknisfræðilegt álit og
úrskurðir liggi fyrir. Tryggingastofn-
un hafði á hinn bóginn vísað til þess
að „sérstakar ástæður“ þyrftu að
liggja fyrir til þess að tryggja einstak-
lingi afturvirkar bætur.
TR breytti afgreiðslu mála
Sigríður Lillý Baldursdóttir, for-
stjóri Tryggingastofnunar, segir að í
framhaldi af birtingu álits umboðs-
manns fyrr í vetur hafi verið send út
fréttatilkynning þar sem hvatt var
til þess að þau sem teldu að á þeim
hefði verið brotið með því að binda
hann „sérstökum aðstæðum“ hefðu
samband við stofnunina. „Jafn-
framt var sent bréf til allra þeirra
sem hafði í sambærilegum málum
verið synjað að hluta eða öllu leyti
um afturvirkar greiðslur með vísan
til „sérstakra aðstæðna“. Þau sem
ekki brugðust við því bréfi fengu ít-
rekunarbréf. Umrædd aðgerð leiddi
til breyttra ákvarðana og afgreiðslna
í einhverjum tilvikum. Unnið var að
leiðréttingarferlinu í samráði við
hagsmunasamtök öryrkja og vel-
ferðarráðuneytið.“
Sigríður Lillý segir að enn frem-
ur hafi verið gerðar umtalsverð-
ar breytingar á umsóknareyðu-
blaði vegna örorku og tengdra
greiðslna, í samráði við fulltrúa Ör-
yrkjabandalagsins og Þroskahjálpar
meðal annars til þess að vekja bet-
ur athygli á réttinum til afturvirkra
bótagreiðslna.
Óháðir úrskurðir greiða leiðina
Sigríður Lillý bendir á að afturvirkar
greiðslur örorkulífeyris – en upp-
hæðirnar geta verið umtalsverðar
– ráðist einungis af því hvort öllum
skilyrðum örorkumats hafi verið full-
nægt en ekki af neinu öðru eins og
sérstökum aðstæðum eða ástæðum.
Sigríður Lillý segir jafnframt að
vegna gagnrýni sem Trygginga-
stofnun sætti vegna málsins verði að
halda því til haga að í stöku tilvikum
geti afturvirkar greiðslur rýrt réttindi
til bóta langt umfram afturvirku
greiðsluna. „Hlutverk Trygginga-
stofnunar er að tryggja rétta fram-
kvæmd laganna og ákvarða um
greiðslur til okkar skjólstæðinga
eins og þar er kveðið á um. Engin
tvö mál eru algerlega eins í alla staði
og því er ætíð um einhver álitamál
að ræða. Því er mikilvægt að borg-
ararnir eigi kost á að kæra afgreiðslu
sinna mála til óháðs aðila í stjórn-
kerfinu og þannig hefur það verið frá
því að úrskurðarnefnd um almanna-
tryggingar tók til starfa árið 1999.“ n
Helgarblað 8.–11. maí 2015
Komdu
til oKKar
...Eða leigðu lyftu og
gErðu við bílinn sjálf/ur
auðbrEkku 25 (DalbrEkku mEgin) - s. 445-5562
Við gerum
Við bílinn
faglegar
Viðgerðir
Óvissu um afturvirkar
greiðslur eytt
Jóhann Hauksson
johannh@dv.is
Tryggingastofnun breytti afgreiðslu mála í kjölfar álits umboðsmanns
Málinu kippt í lag Tryggingastofnun brást hratt við og hafði samband við alla sem mögulega áttu rétt á afturvirkum bótum, segir
Sigríður Lillý Baldursdóttir, forstjóri stofnunarinnar. Mynd SLB„Umrædd aðgerð
leiddi til breyttra
ákvarðana og afgreiðslna
í einhverjum tilvikum
U
ng kona á rauðum bíl, mögu-
lega með sítt krullað hár, kom
stelpu til bjargar árið 1990 í
Lálandi í Fossvoginum, rétt
hjá Fossvogsskóla. Konan stöðv-
aði bíl sinn og greip inn í þegar tveir
ungir drengir voru að berja 11 ára
gamla stúlku. Þessi stúlka er í dag 36
ára og heitir Elva Dögg Gunnarsdótt-
ir. Konan sem aðstoðaði hana var
líklega í kringum tvítugt en þar sem
Elva var aðeins 11 ára þegar þetta
gerðist þá gæti hún verið eldri.
„Árið 1990 var ég 11 ára og á hverj-
um degi á leiðinni heim úr skólanum
var ég barin og niðurlægð af tveim-
ur drengjum sem voru árinu eldri en
ég. Ég var stöðugt hrædd, reyndi að
finna mér aðrar leiðir heim úr skól-
anum en oftast tókst þeim að finna
mig og láta mig hafa það óþvegið,“
segir Elva Dögg sem þurfti að þola
alvarlegt einelti á yngri árum.
Elva Dögg segir að það hafi verið
mikill snjór í Fossvoginum á þessum
tíma og að strákarnir tveir hafi verið
að kaffæra hana og var hún farin að
óttast um líf sitt á tímabili.
„Allt í einu sé ég hvar bíl er ekið
upp að okkur og út úr honum stígur
ung stelpa eða kona. Ég geri mér litla
grein fyrir hversu gömul hún var en
mig langar að segja að hún hafi verið
einhvers staðar í kringum tvítugt. Mig
rámar í sítt krullað hár en það get-
ur vel verið rangt. Þessi stelpa byrj-
ar að öskra á strákana og segja þeim
að hætta að berja mig. Enn þann dag
í dag hugsa ég um þessa ungu konu
sem verndarengilinn minn og mig
langar að finna hana. Þannig að ef þú
ert þarna úti og kannast við lýsingar
á aðstæðum, viltu þá hafa samband
við mig. Þetta gerðist í Lálandi í Foss-
voginum, rétt hjá Fossvogsskóla,“
segir Elva Dögg. n
atli@dv.is
„Hún stöðvaði
eineltið þennan dag“
Elva Dögg leitar að konu sem stöðvaði ofbeldisverk
Elva Dögg Gunnarsdóttir
Leitar að verndarenglinum sínum.
Grænar
áherslur á
Grundartanga
Fulltrúar sveitarstjórnar Hval-
fjarðarsveitar og hafnarstjóri
Faxaflóahafna sf. hafa undirritað
samkomulag sem felur annars
vegar í sér stefnuyfirlýsingu um
„grænar áherslur í starfsemi,
uppbyggingu, gatnagerð og frá-
gang lóða á Grundartanga“ og
hins vegar skýr ákvæði um sam-
eiginleg markmið, samstarf og
verkaskiptingu á athafna- og
hafnarsvæðinu á Grundartanga.
Þetta kemur fram á vefsíðu
Hvalfjarðarsveitar. Í samkomu-
laginu er meðal annars kveðið
á um að við úthlutun lóða á
skilgreindum iðnaðarsvæðum
„verði gerðar ríkar kröfur til þess
að starfsemi nýrra fyrirtækja
hafi í för með sér lágmarksum-
hverfisáhrif“ og að starfsemin
sé þar með ekki háð mati á um-
hverfisáhrifum.
Nýir bílar fyrir
60 milljónir
Umhverfis- og skipulagssvið
hefur fengið afhenta fimm nýja
stóra flokkabíla til reksturs
og umhirðu borgarlandsins.
Bílarnir, sem eru af gerðinni
IVECO, voru keyptir hjá Kraft-
vélum ehf. að undangengnu
útboði Reykjavíkurborgar.
Heildarverð þeirra með
búnaði er tæpar 60 milljónir.
„Með tilkomu þessara
bíla verða miklar breytingar
á vinnuaðstöðu starfsmanna
hverfastöðvanna sem starfa
á þessum bílum,“ segir Hjalti
J. Guðmundsson, stjórnandi
skrifstofu reksturs og umhirðu
borgarlandsins.
Nýju bílarnir eru öflugri og
tæknilega betur búnir en fyrir-
rennarar þeirra.