Dagblaðið Vísir - DV - 08.05.2015, Blaðsíða 22

22 Fréttir Erlent Helgarblað 8.–11. maí 2015
Glerhreinsir • Gólfsápa • WC hreinsir
Rykmoppur og
sápuþykkni frá
Pioneer Eclipse
sem eru hágæða
amerískar hreinsi-
vörur.
Teppahreinsivörur
frá HOST
Hágæða hreinsivörur – hagaeda.is og marpol.is – Sími: 660 1942
Frábærar þýskar
ryksugur frá SEBO
Decitex er
merki
með allar
hugsanlegar
moppur og klúta í þrifin.
UNGER gluggaþvottavörur,
allt sem þarf í gluggaþvottErum einnig með:
Marpól er með
mikið úrval af
litlum frábærum
gólfþvottavélum
Tilboð fyrir hótel og
gistiheimili í apríl/maí!
Senda börnin
loksins heim
n Barnahermenn í Mið-Afríkulýðveldinu fá að fara heim til sín n 6.000–10.000
L
eiðtogar vopnaðra hópa og
skæruliðahreyfinga í Mið-Afr-
íkulýðveldinu hafa samþykkt
að sleppa öllum börnum sem
tengd eru hópunum og hætta
að skrá börn sem nýliða í herdeild-
ir sínar tafarlaust. Þeir samþykkja
einnig að hætta að liðsöfnun barna.
Ástandið í Mið-Afríkulýðveldinu hef-
ur verið óstöðugt í nokkur ár og of-
beldið mikið. Mannúðarmál eru fyrir
vikið í miklum ólestri, öryggi borgar-
anna, einkum barna, er ótryggt.
Um 6.000-10.000 börn eru nú
tengd vopnuðum sveitum, að mati
UNICEF. Börnin eru hermenn en
eru einnig misnotuð og beitt kyn-
ferðislegu ofbeldi. Þeim er með-
al annars gert að starfa sem sendi-
sveinar og við eldamennsku. Algengt
er að ungar stúlkur séu neyddar í
kynlífsþrælkun en drengir séu gerðir
út sem barnahermenn. Mið-Afríku-
lýðveldið er eitt af ólýðræðislegustu
ríkjum heims og í fyrra féllu yfir 5.000
manns í átökum hópa þrátt fyrir veru
alþjóðaherliðs í landinu.
Framfaraskref
„Þetta er stórt framfararskref varð-
andi vernd barna í þessu ríki,“ seg-
ir Mohamed Malick Fall, talsmaður
hjá UNICEF á svæðinu. „Mið-Afríku-
lýðveldið hefur verið einn hættuleg-
asti staðurinn í heiminum fyrir börn
og er UNICEF mjög mikið í mun að
aðstoða stjórnvöld þar við að koma
börnunum heim til fjölskyldna
sinna.“ Í fyrra tryggði UNICEF heim-
komu 2.800 barna og árið áður
sendu vopnaðar sveitir 500 börn
heim. Þessi samningur á að tryggja
heimkomu allra barnahermanna.
Reyna að koma á friði
Samningurinn var undirritaður á
dögunum, en frá 4.–11. maí stendur
yfir sáttafundur í Bangui, höfuðborg
Mið-Afríkulýðveldisins. Þar á að
reyna að koma á friði í ríkinu. Leidd-
ir voru saman ríkisstjórnarmeðlim-
ir, stjórnmálamenn, góðgerðasam-
tök, trúarleiðtogar og málsmetandi
menn í samfélaginu. Þá voru einnig
leiddir saman leiðtogar vopnaðra
sveita.
Í kjölfar undirritunar yfirlýsingar-
innar á að hrinda úr vör áætlun sem
felur í sér nánari útlistun hvað varð-
ar heimkomu barnanna. Markmið-
ið er að aðstoða börnin við að kom-
ast heim, aðlagast aðstæðum á ný og
er UNICEF, sem fyrr segir, umhugað
að tryggja að börnin geti sameinast
fjölskyldum sínum. Börnin hafa ver-
ið mislengi í burtu og hafa flest upp-
lifað skelfilega hluti, orðið vitni að
ofbeldi og orðið fyrir því sjálf. Þau
þurfa mikla umönnun, vernd og að-
stoð við heimkomuna og slíkt hið
sama má segja um fjölskyldur þeirra.
Leiðtogar vopnaðra sveita þurfa
einnig að veita UNICEF óheftan að-
gang að landsvæðum sínum svo
hægt sé að finna börnin, átta sig á
fjölda þeirra og tryggja öryggi þeirra
þangað til þau snúa heim. n
Ásta Sigrún Magnúsdóttir
astasigrun@dv.is
„Þetta er stórt
framfaraskref
varðandi vernd barna
í þessu ríki
Friðargæsla
Myndin var tekin
af ljósmyndara
Reuters í Mið-Afr-
íkulýðveldinu. Hún
sýnir börn fylgjast
með hermanni frá
herliði Evrópusam-
bandsins sem var
við friðargæslu í
ríkinu.
Ók vísvitandi á
Breskur karlmaður, Ian Walters,
hefur verið dæmdur fyrir að
myrða eiginkonu sína með því
að keyra viljandi út af hraðbraut
í mars í fyrra. Bifreiðin hafnaði á
trjám. Eiginkonan lést á sjúkrahúsi
tveimur dögum eftir atvikið en
Walters slasaðist alvarlega. Í ljós
hefur komið að eiginkonan fór
í bílferðinni örlagaríku fram á
skilnað, en þau munu hafa verið
á leið í helgarleyfi í þeirri viðleitni
að lappa upp á sambandið.
Maðurinn kvaðst fyrir dómi ekkert
muna eftir slysinu.
Fegurðar-
drottningar
í bobba
Í fyrra neyddist
Ungfrú Simba-
bve til að gefa
frá sér fegurðar-
titilinn eftir að
gamlar nektarmynd-
ir af henni birtust á netinu. í ár
er sama uppi á teningnum og
hefur komið nýkrýndri Ungfrú
Simbabve í bobba. Skipuleggj-
endur keppninnar í Afríkurík-
inu hafa gefið það út að þeir
séu að rannsaka myndir sem
birst hafa af hinni 25 ára gömlu
Emily Kachote sem krýnd var
Ungfrú Simbabve fyrir tveimur
vikum síðan. Nektarmyndirn-
ar fóru í dreifingu á netinu og
ef þær reynast ófalsaðar verð-
ur Kachote svipt titlinum og
þátttökuréttinum í alheimsfeg-
urðarkeppninni síðar á þessu
ári. Kachote hefur gefið í skyn
að myndirnar hafi hugsan-
lega verið teknar af manni sem
hún átti stefnumót við fyrir
löngu síðan. Áfengis hafi verið
neytt og atburðarás fylgt í kjöl-
farið sem hún hafi ekki getað
spornað við.
Viðurkennir þátt í
offjölgun fanga
Bill Clinton samþykkti „þriggja afbrota“-lögin árið 1994
B
ill Clinton, fyrrverandi Banda-
ríkjaforseti, segir að of mikil
áhersla sé lögð á að fangelsa
þá sem brjóta af sér í Banda-
ríkjunum.
Hann viðurkenndi í viðtali við
CNN að hluti af ástæðunni fyrir því
hversu margir eru dæmdir í fangelsi
sé „þriggja afbrota“-lögin sem hann
samþykkti árið 1994. Í þeim felst að
sá sem gerist sekur um ofbeldisbrot
eftir að hafa áður verið dæmdur fyr-
ir tvö afbrot, þar á meðal brot tengd
eiturlyfjum, á yfir höfði sér lífstíðar-
dóm.
„Vandamálið er að lögin voru
alltof yfirgripsmikil og það var of
mörgum stungið í fangelsi,“ sagði
Clinton. „Á endanum, með því að
dæma svo marga í fangelsi, voru ekki
til nægir peningar til að mennta þá,
undirbúa þá fyrir ný störf og auka lík-
urnar á því að þeir gætu átt betra líf
þegar þeir losnuðu úr fangelsi.“
Ummæli Clintons koma í kjöl-
far mikilla mótmæla í borginni
Baltimore eftir að ungur, þeldökk-
ur maður lést í haldi lögreglunnar.
Einnig er liðin vika síðan kona Clint-
ons, forsetaframbjóðandinn Hillary,
hélt ræðu þar sem hún sagði of mikla
áherslu lagða á að koma brotamönn-
um á bak við lás og slá. n
freyr@dv.is
Clinton-hjónin Telja að of
margir séu dæmdir í fangelsi í
Bandaríkjunum.