Dagblaðið Vísir - DV - 07.07.2015, Blaðsíða 6

Vikublað 7.–9. júlí 20156 Fréttir
NÁTTÚRULEGAR
Þ Y K K I N G A R
T R E F J A R
The Science of Thicker Hair™
Fáðu þykkara hár í dag
Fæst í Lyfju,
Lyf & Heilsu,
apótekum um land allt
og á Heimkaup.is
Gamli GluGGinn úr nýi GluGGinn í
svo einfalt
er það!
súðarvoGur 3-5, reykjavík
GluGGaGerdin@GluGGaGerdin.is
s: 5666630 / GluGGaGerdin.is
»
Hætta á að göngin
þurrki vatnsbólin
Þ
að eru dæmi um að
jarðganga gerð hafi áhrif á
grunnvatnsstöðu og vatns-
ból og því er sá möguleiki
fyrir hendi. Það hefur ekki
komið neitt óyggjandi fram enn þá
en við búumst við að það geti orðið,“
segir Bjarni Gautason, útibússtjóri Ís-
lenskra orkurannsókna (ÍSOR) á Ak-
ureyri, um rannsókn stofnunarinnar
á því hvort vatnsleki í Vaðlaheiðar-
göngum hafi eða geti haft áhrif á
lindir í Eyjafirði.
„Það eru vatnsból þarna við
göngin sem eru kennd við Hallland
og menn áttu alltaf von á að jarð-
gangagerðin gæti haft áhrif á þau,“
bætir Bjarni við.
Mikill þrýstingur
Heitt vatn hefur nú streymt úr göngun-
um Eyjafjarðarmegin síðan í febrú-
ar í fyrra eða rúma sextán mánuði.
Vatnið kemur bæði úr stórri misgeng-
issprungu en einnig minni sprungum
við stafn ganganna. Stóra sprungan
dældi fyrst um 350 lítrum af 46 gráðu
heitu vatni inn í göngin en í dag
streyma út um 140 lítrar á sekúndu.
Í apríl síðastliðnum opnaðist önnur
stór sprunga Fnjóskadalsmegin sem
dældi þá um 400 lítrum af köldu vatni
á sekúndu inn í göngin. Rennslið er
nú komið undir 300 lítra á sekúndu og
vatn streymir því enn úr báðum end-
um ganganna.
„Heita vatnið í göngunum
vestan megin hefur lekið mjög lengi
og við höfum fylgst með holum í
grenndinni en sjáum ekki enn nein
áhrif. Það er hins vegar spurning
hvort þær séu nógu vel staðsettar
og svo er erfiðara um vik að kanna
ástandið Fnjóskadalsmegin en það
er verið að fylgjast með rennsli úr
göngunum þeim megin með reglu-
legu millibili. Eftir að verktakarnir
skáru á heita vatnið í fyrra komu ekki
fram neinar stórar breytingar og því
virðist vera góður þrýstingur á bak
við strauminn en eins og ég segi eru
eftirlitsholurnar ekki nógu vel stað-
settar til að áhrifin komi fram fljótt.
Því erum við nú að skoða þetta ofan
á heiðinni,“ segir Bjarni.
Treysta á ÍSOR
Veitu- og orkufyrirtækið Norðurorka
á Akureyri fékk ÍSOR til að rannsaka
áhrif framkvæmdanna í Vaðlaheiðar-
göngum. Fyrirtækið nýtir kalt vatn
úr Halllandslindunum og selur til
íbúa Svalbarðsstrandarhrepps sem
er undir hlíðum Vaðlaheiðar við
austan verðan Eyjafjörð.
„Við höfðum strax áhyggjur af því
að það gæti komið til vatnsþurrðar í
þessum bólum og fórum því í samn-
ingaviðræður við Vegagerðina á
sínum tíma og þeir féllust á að við
myndum samtengja tvö kaldavatns-
svæði til að koma í veg fyrir vatns-
skort. Eins og staðan er núna er ekk-
ert sem bendir til þess að þetta sé
farið að hafa áhrif á kalt eða heitt vatn
á svæðinu eða á nálægum svæðum
en satt best að segja höfum við ekki
hugmynd um hvaða áhrif þetta getur
haft,“ segir Baldur Dýrfjörð, forstöðu-
maður þróunar hjá Norðurorku, og
heldur áfram:
„Við erum með vinnslusvæði
fyrir heitt vatn á Reykjum í Fnjóska-
dal, Hrafnagili og Laugalandi. Miðað
við hvað er langt í þessi svæði vonar
maður að það sé engin tenging þar á
milli en við treystum á Bjarna og hans
menn til að svara slíkum spurning-
um.“
Baldur segir ekki vitað hvenær
niðurstöður ÍSOR muni liggja fyrir.
Rannsóknartæki stofnunarinnar hafi
nánast einungis verið notuð til jarð-
hitaleitar og annarra rannsókna í
botnum dala. Starfsmenn ÍSOR séu
nú aftur á móti í þeirri stöðu að þurfa
að rannsaka aðstæður ofan á fjalli.
„Þegar heita vatnið var mest í
göngunum var það í rúmmetrum
talið jafn mikið og allir íbúar Akur-
eyrar nota á köldum vetrardegi. Það
skondna er að það var búið að leita
að heitu vatni á Svalbarðsströnd en
á endanum ákveðið að leiða það frá
Akureyri. Það minnir okkur á að þrátt
fyrir að við teljum okkur vita voða
mikið þá vitum við einnig ósköp
lítið,“ segir Baldur og hlær. n
Norðurorka rannsakar áhrif vatnsleka í Vaðlaheiðargöngum á lindir í Eyjafirði
Haraldur Guðmundsson
haraldur@dv.is
„Þegar heita vatnið
var mest í göngun-
um var það í rúmmetrum
talið jafn mikið og all-
ir íbúar Akureyrar nota á
köldum vetrardegi.
Vatnsflaumur Rétt tæpir 300 lítrar af köldu vatni streyma nú út úr göngunum Fnjóskadalsmegin á hverri sekúndu. Heitt vatn hefur tafið
framkvæmdir í göngunum Eyjafjarðarmegin. Mynd ValGeiR BeRGMann
Þungt haldinn
Bifhjólamaður á fertugsaldri,
sem lenti í slysi á Holtavörðu-
heiði á laugardag, er enn þungt
haldinn og er ástand hans alvar-
legt. Manninum er haldið sofandi
í öndunarvél á gjörgæsludeild
Landspítalans.
Maðurinn lenti í slysi á laugar-
dag er hjól hans hafnaði utan
vegar. Hann var sóttur af þyrlu
Landhelgisgæslunnar sem flutti
hann á sjúkrahús í Reykjavík.
Handtekinn
vegna nauðg-
unar í Eyjum
Maður hefur verið handtekinn
vegna nauðgunar sem á að hafa
átt sér stað í Vestmannaeyjum að-
faranótt sunnudags, þegar gos-
lokahátíðin stóð yfir.
Málið er á viðkvæmu rann-
sóknarstigi en maður var hand-
tekinn og gisti hann í fanga-
geymslu vegna rannsóknar á
málinu. Vitni að árásinni tók
mynd.
Mikill erill var hjá lögreglunni
vegna goslokahátíðarinnar um
helgina.