Dagblaðið Vísir - DV - 07.07.2015, Qupperneq 15

Fréttir Erlent 15Vikublað 7.–9. júlí 2015
Steinhissa á mótlætinu
Sagði mexíkóska innflytjendur vera „nauðgara og glæpamenn“
V
iðskiptajöfurinn og forseta-
frambjóðandinn Donald
Trump er brugðið við það
mikla mótlæti sem framboð
hans, og ummæli, hafa kallað fram.
Hann segist viðurkenna að hann
hafa vitað að hann yrði ef til vill um-
deildur en segir að andstaðan komi
honum verulega á óvart. Samning-
um sem hann hafði átt við NBC-
sjónvarpsstöðina og verslunina
Macy's hefur verið rift og NASCAR-
samtökin fjarlægjast hann óðum.
Ástæðurnar eru ummæli hans um
mexíkóska innflytjendur í Banda-
ríkjunum. „Ég bjóst ekki við svona
miklum viðbrögðum,“ sagði Trump
við Fox-fréttastofuna þar sem hann
varði þó ummælin og sagðist ekki
hafa skipt um skoðun, en hann
sagði marga innflytjendur vera
nauðgara og glæpamenn.
Um helgina vísaði hann til
tveggja aðila sem hafa komist í kast
við lögin á síðustu dögum. „Glæp-
irnir eru yfirgengilegir. Þetta er of-
beldisfullt og fólk þorir ekki að tala
um það. Ef þú talar um þetta ertu
kynþáttahatari. Ég skil þetta ekki,“
segir hann. Margir aðrir frambjóð-
endur repúblikanaflokksins hafa
andmælt Trump og segja hann
hafa farið langt yfir strikið. Jeb Bush
segist telja að Trump viti nákvæm-
lega hvað hann er að gera til þess að
fá athygli og jafnvel fylgi. n
Í vanda
Trump bjóst
ekki við jafn
miklu mótlæti
og honum
hefur mætt.
Skemmtileg hugmynd
en fjarstæðukennd
Sævar segir ekki búið að finna líf úti í geimnum
Þ
að er ekki búið að finna líf,
þetta er því miður mjög
fjarstæðukennd hugmynd
tveggja vísindamanna,“
segir Sævar Helgi Braga-
son, formaður Stjörnuskoðunar-
félags Seltjarnarness, um tilgátur
geimvísindamanna um frumstæð-
ar lífverur undir ísilögðum vötnum
á halastjörnunni 67p/Churyumov-
Gerasimenko. Fyrir tíu árum sendu
vísindamenn ómannað geimfar,
Rosetta, til móts við halastjörn-
una. Ferðalagið tók níu ár og átti
að senda könnunarfarið Philae til
stjörnunnar. Það var aftur á móti
ekki fyrr en í júní síðastliðnum
sem Philae vaknaði óvænt til lífs-
ins og hófst handa við að rannsaka
yfirborð 67P/Churyumov-Gerasi-
menko. Fyrstu niðurstöður benda
til þess að halastjarnan sé þak-
in svartri lífrænni skorpu og telja
geimvísindamenn að ástæðan sé
frumstæðar lífverur sem leynast
undir skorpunni. Sævar segir hins
vegar að það sé alþekkt. „Allar
halastjörnur sem við höfum heim-
sótt hafa svona jarðvegsþekju yfir
ísnum, sem verður til þegar ísinn
gufar upp og rykið situr eftir enda
er það mun þyngra og erfiðara að
losna frá halastjörnunni. Smám
saman verður til þykkt ryklag,“
segir hann og segir að til að útskýra
fundinn hafi vísindamennirnir sett
fram þessa tilgátu um lífverurnar.
Óstaðfest með öllu
Ekki verður hægt að staðfesta
fund Philae á næstunni þar sem
hvorki könnunarfarið né geim-
farið Rosetta eru búin tækj-
um til þess að nema merki um
líf. Tillaga um að útbúa förin
með slíkjum tækjum þótti fárán-
leg á sínum tíma. Prófessorinn
Chandra Wickramasinghe kom
að skipulagningu geimferðarinnar
fyrir 15 árum og hann telur að fólk
ætti að vera opnara fyrir möguleik-
um um líf utan jarðarinnar. „Fyrir
fimm hundruð árum var erfitt að
fá fólk til að samþykkja að jörðin
væri ekki miðpunktur heimsins.
Þrátt fyrir þá byltingu virðumst
við enn þá telja að jörðin sé mið-
punktur lífs í alheiminum. Þessi
hugsunarháttur er rótgróinn í vís-
indum okkar og menningu og það
mun þurfa mikið til að breyta hon-
um,“ segir Wickramasinghe.
Stórkostlegt ef rétt reynist
„Kuldakærar örverur eru ekki
óþekktar úr náttúrunni. Ef að þetta
væri rétt þá væri þarna á ferðinni
ein stórkostlegasta uppgötvun vís-
indasögunnar. Sem er skemmtileg
hugmynd,“ segir Sævar. Hann seg-
ir þó að allar líkur bendi til þess að
myndanirnar á halastjörnunni eigi
frekar uppruna sinn úr náttúru-
legum ferlum sem tengist ekki lífi.
„Þetta er mjög langt í burtu frá sól-
inni og því oftast skítakuldi. Ólík-
legt er að svona lítill hnöttur geti
haldið fljótandi vatni, enda líka
laus í sér,“ segir hann en bætir við:
„En náttúran hefur tilhneigingu
til að koma okkur á óvart.“ Það
er gangur vísinda að koma með
fjarstæðukenndar hug myndir og
láta skjóta þær niður, segir Sævar.
„Þannig höfum við komist að
ýmsu. Þegar Hubble uppgötvaði
að alheimurinn væri að þenjast
út þá voru ekki margir sem trúðu
honum. Hann trúði því eiginlega
ekki sjálfur. Hann var mjög varkár
þegar hann birti þær niðurstöð-
ur enda voru þær svo byltingar-
kenndar og það sama á við um
þetta,“ segir hann. „Við þurfum að
bíða aðeins.“ n
Björn Þorfinnsson
bjornth@dv.is
Rosetta Hér má sjá geimfarið Rosetta senda
könnunarfarið Philae til móts við halastjörnuna
67P/Churyumov-Gerasimenko.
Plast, miðar og tæki ehf. Krókhálsi 1 110 Reykjavík s. 567 8888 www.pmt.is
gæði – þekking – þjónusta
TILBOÐ
RYÐFRÍ GAFFALVOG
MEÐ RYÐFRÍUM HAUS
Nánari upplýsingar á www.pmt.is
eða í síma 567 8888
TILBOÐ
299.000kr. + vsk
Rafport ehf • Nýbýlavegur 14 • 200 Kópavogur • S: 554-4443 • rafport.is
Fermax mynd-
dyrasíma kerfi
er bæði fáguð
og flott vara
á góðu verði
sem hentar
fyrir hvert
heimili. Hægt
að fá með eða
án myndavélar
og nokkur útlit
til að velja um.
Ekkert líf
Sævar Helgi
gefur lítið
fyrir hugmyndir
vísinda-
mannanna.