Morgunblaðið - 08.12.2016, Qupperneq 8

8 MORGUNBLAÐIÐ FIMMTUDAGUR 8. DESEMBER 2016VIÐTAL
Mikið hefur verið um að vera hjá kvikmynda-
fyrirtækinu Truenorth á þessu ári. Fyrirtækið
frumsýndi fyrstu kvikmynd sína á árinu og er
að vinna að fleiri slíkum í samstarfi við félagið
Mystery. Einnig hefur verið mikið að gera í að
þjónusta erlend kvikmyndafyrirtæki sem hafa
valið að nýta sér Ísland sem tökustað.
Meðal verkefna sem Truenorth hefur unnið
að í ár eru tökur á Fast and the Furious 8,
Blade Runner 2, Star Wars 8, Vikings-
sjónvarpsþáttaröðinni, Transformers 5 og Jus-
tice League. Meðal annarra verkefna sem fé-
lagið hefur unnið að eru tökur á hluta af mynd-
inni Downsizing með Matt Damon, en hún var
tekin í Noregi og sá dótturfélag Truenorth í
Noregi um þær tökur.
Ferðamenn vilja upplifa tökustaðina
Mikil uppbygging hefur verið í þessum geira
á undanförnum árum og nýta þarf alla þá þekk-
ingu og innviði sem búið er að byggja upp að
sögn Leifs B. Dagfinnssonar, stjórnarformanns
Truenorth. „Nú er búið að mynda Ísland í öll-
um þessum stórmyndum og þetta hefur auglýs-
ingagildi til margra ára. Kvikmyndafyrirtækin
eru mjög hrifin af því að vinna hér og hafa
yfirleitt tekið upp mikið af efni. Sem dæmi tók
Walt Disney-kvikmyndafyrirtækið upp mikið
magn af efni fyrir Star Wars 7, The Force
Awakens, svo kom það hingað aftur og tók upp
efni fyrir Star Wars Rogue One.
Það verður spennandi að sjá hversu mikið
efni verður notað fyrir þá mynd en ég held að
það muni nota miklu meira en nýtt var úr tök-
unum fyrir Star Wars 7. Þá var tökulið hér í
tvær vikur og tók upp fullt af efni en notaði
ekki eins mikið af því,“ segir Leifur.
Þetta er mikil landkynning og hefur áhrif á
ferðaþjónustuna og áhuga manna á að koma til
Íslands. „Það eru bein tengsl á milli aukinnar
ferðamennsku og áhrifa kvikmynda. Ferða-
menn eru að koma hingað til að feta í fótspor
Walter Mitty eða skoða tökustaði Game of
Thrones. Enn eru að koma gestir að skoða Jök-
ulsárlón vegna þess að þeir sáu bílaeltingar-
leikinn sem tekinn var upp á lóninu í James
Bond-myndinni Die Another Day fyrir tæpum
15 árum,“ segir Leifur. Fólk vill fara á töku-
staðina og upplifa þetta sjálft. „Ég rakst á ung-
an mann, nánar tiltekið á Mýrdalssandi. Þá var
hann á leiðinni til Seyðisfjarðar til að renna sér
niður brekkuna sem Ben Stiller renndi sér nið-
ur í kvikmyndinni um Walter Mitty,“ segir
Leifur.
Styrkur krónunnar hefur mikil áhrif
Krónan er farin að hafa áhrif á vöxt kvik-
myndageirans hér á landi, að sögn Leifs. „Með-
an krónan var veik voru mikil tækifæri í geir-
anum hérlendis. Staða krónunnar nú er hins
vegar rautt flagg fyrir kvikmyndageirann á Ís-
landi. Þetta slapp eins og gengið var á fyrsta
ársfjórðungi 2016 en ekki lengur. Það sem þarf
að haldast í hendur er hóflega sterk króna og
svo frekari hvatar eins og endurgreiðslukerfið
vegna kvikmyndagerðar á Íslandi,“ segir Leif-
ur. Þrátt fyrir að verið sé að auka endurgreiðsl-
urnar á Íslandi upp í 25% af heildarkostnaði á
næsta ári er þetta orðið erfitt að hans sögn.
„Við vorum með Star Wars 8 í sumar og ætl-
unin var að koma með aðaltökuliðið til Íslands í
tvær vikur. Við vorum byrjuð á að smíða leik-
mynd fyrir geimskipið Fálkann úti á landi og
vorum komin með X-vængja geimflaug. Þá
hættu þeir við að koma með aðaltökuliðið og
sendu minna tökulið í staðinn. Sú ákvörðun var
eingöngu tilkomin vegna kostnaðarins, því frá
því að við gerðum upphaflega áætlun og þar til
kom að því að mynda hafði krónan styrkst svo
mikið,“ segir Leifur.
„Menn eru almennt mjög ánægðir með
fyrirkomulagið varðandi endurgreiðslur, en
þetta er hlutfall af öllum kostnaði sem fellur til
hér á Íslandi, sem er ekki eina
breytan sem framleiðendurnir
horfa til. Við heyrum til dæmis
mjög lítið frá evrulöndunum, en
það er vegna þess að Ísland er
orðið of dýrt fyrir kvikmynda-
verkefni,“ segir Leifur.
Frekari styrking krónunnar
mun hafa enn meiri áhrif til að kæla niður kvik-
myndageirann á Íslandi að sögn Leifs. „Við er-
um með eitt verkefni sem við erum að reyna að
landa núna, en það er sjónvarpssería. Hlutfall
íslensks starfsfólk við það verkefni yrði mjög
hátt, eða um 90%. Framleiðendurnir eru bresk-
ir en menn eru hugsi þar núna vegna stöðu
pundsins. Brexit hefur áhrif og svo kemur
styrking krónunnar líka til. Fyrir Brexit var
30% ódýrara fyrir Bretana að koma hingað
heldur en núna,“ segir Leifur.
„Það eru bein tengsl milli auk-
innar ferðaþjónustu og áhrifa
kvikmynda,“ segir Leifur B.
Dagfinnsson hjá Truenorth.
Styrkur krónunnar er farinn að haf
”
Ég
Mý
til a
ren
Ólafur Fáfnir Sigurgeirsson
olafur@mbl.is
Truenorth var stofnað af nokkrum
kvikmyndagerðarmönnum árið
2003 og starfar nú í þremur löndum
á sviði kvikmyndagerðar og við-
burðastjórnunar, ásamt þjónustu
vegna erlendra kvikmyndaverkefna.
Leifur B. Dagfinnsson stjórnar-
formaður segir að þrátt fyrir mikinn
áhuga erlendra kvikmyndagerðar-
manna á því að koma með verkefni
hingað til lands setji styrking krón-
unnar strik í reikninginn.