Morgunblaðið - 08.12.2016, Síða 14

Þeir eru eflaust margir sem ganga
með þann draum í maganum að láta
að sér kveða á tískusviðinu. Ekki er
nóg með að tískugeirinn bjóði upp á
glamúr og glæsileika heldur getur
samspil fallegrar hönnunar og góðrar
markaðssetningar fært fólki gull og
græna skóga.
Katrín Alda Rafnsdóttir gæti verið
á góðri leið með að láta drauminn ræt-
ast. Hún er stofnandi, stjórnandi og
hönnuður merkisins Kalda sem sér-
hæfir sig í skófatnaði fyirr konur.
„Þetta byrjaði með því að ég og
systir mín Rebekka opnuðum búð á
Laugaveginum í miðju hruni, enda
var verslunarplássið ódýrt á þeim
tíma. Þar tókum við til við að hanna
okkar eigin fatnað, og í fjögur ár
starfræktum við fatamerkið Kalda í
samnefndri verslun,“ segir Katrín.
„Það gekk ágætlega, og meðal annars
tókst okkur að gera góðan samning
við verslunina Liberty í London. Á
endanum varð þó úr að breyta um
stefnu og leggja áherslu á aðeins einn
vöruflokk frekar en að vera með
breiða línu af fatnaði og skóm. Síðasta
árið hef ég því verið að endurkynna
Kalda sem skómerki.
Betra að vera sérhæfður
Katrín er ekki lærður hönnuður en
hún lauk námi í tískustjórnun við
London College of Fashion. Hún seg-
ir að með því að leggja áherslu á einn
vöruflokk standi Kalda betur að vígi,
og veiti ekki af enda samkeppnin í
tískuheiminum gífurlega hörð. „Það
er öflugur leikur að velja sér ein-
hverja eina vöru og vera mjög sterkur
í henni til að geta komið sér á fram-
færi.“
Fyrsta skólína Katrínar var kynnt
á tískuvikunni í París í sumar, með
stuðningi Hönnunarmiðstöðvar og
Impru. „Við höfum lagt ofuráherslu á
að fá sem mesta umfjöllun í tískufjöl-
miðlum erlendis enda skiptir þess
háttar sýnileiki miklu máli fyrir inn-
kaupastjóra tískuverslananna. Við
staðsetjum okkur nokkurn veginn á
miðjum markaðinum, með nútíma-
legum skóm sem kalla mætti „state-
ment“-skó. Við viljum að það komi
skýrt fram í tískupressunni að við er-
um íslenskt fyrirtæki og látum upp-
runann skína í gegn t.d. með því að
nota laxaroð í suma skóna,“ segir
Katrín og upplýsir að þegar hafi náðst
samningar við eina stærstu netversl-
un Bandaríkjanna, Shopbob, og fleiri
samningar séu í pípunum.
Að hafa trú á sjálfum sér
Að geta hannað fallega skó er að-
eins lítill hluti af því að byggja upp
fyrirtæki eins og Kalda. Þegar Katrín
er spurð hvað reynsla síðustu ára hafi
kennt henni segist hún geta skrifað
heila bók um þær áskoranir sem
tískufrömuður þarf að yfirstíga.
„Þekking á markaðinum er mjög mik-
ilvæg, og að geta fundið þar gat þar
sem maður getur boðið uppá eitthvað
nýtt, og gert það betur en keppinaut-
arnir. En frumkvöðull á tískusviðinu
þarf líka að geta bæði leitað uppi og
hlustað á góð ráð fólks sem veit sínu
viti, en á sama tíma að hafa trú á eigin
hugmyndum og stefnu.
Katrín segir að tískustjórnunar-
námið hafi hjálpað, bæði með því að
gefa henni góðan þekkingargrunn og
einnig aðgang að góðu tengslaneti.
„Samnemendur mínir og kunningjar
úr náminu eru í dag upp til hópa
komnir nokkuð vel á veg í sínum störf-
um og mörg þeirra innkaupastjórar
eða í vinnu hjá tískupressunni. Þetta
er fólk sem hefur veitt mér mjög góð
ráð og þekkir fólk sem getur látið
hlutina gerast.“
Vandasamt ferli
Áður en Katrín getur látið sér detta
í hug að leita að kaupendum verður
hún að tryggja að framleiðslugetan sé
til staðar. Eftir langa og strembna leit
fann Katrín fyrirtæki í Portúgal sem
smíðar skóna. „Ég heimsótti nokkra
staði, kíkti í verksmiðjurnar og ræddi
við fjölda hönnuða um þeirra reynslu.
Maður verður að vera alveg 100% viss
með framleiðsluhliðina áður en haldið
er af stað með að kynna og selja því ef
framleiðslan og gæðin klikka þá fær
maður ekki annað tækifæri hjá inn-
kaupastjórunum.“
Ferlið byrjar þannig að Katrín
sendir tækniteikningar til portú-
galska skósmiðsins og hann býr síðan
til frumgerð af skónum. Mikil ná-
kvæmni er í skóhönnun og oft þarf að
fara í gegnum ferlið 2 - 3 sinnum til að
ná skónum alveg réttum.
Eftir að hafa hannað skóna, látið
gera fyrstu sýniseintökin, tryggt
framleiðslugetuna, kynnt vöruna á
tískusýningum og fengið pantanir
þarf Kalda að glíma við erfiða sjóð-
streymisáskorun. „Stóru búðirnar
borga hönnuðum alla jafna ekki fyrr
en 30 dögum eftir afhendingu vör-
unnar, og getur verið stór biti fyrir
ungan hönnuð að halda sjóðstreyminu
gangandi þann tíma sem líður frá því
framleiðandanum er borgað og þar til
greiðslan berst frá verslununum.“
Gangi allt að óskum má hafa ágætis
hagnað af hverju seldu skópari en
Katrín segir þumalputtaregluna að
verðið á skónum út úr búð sé um þre-
falt hærra en heildsöluverðið.
Frá heildsöluverðinu dregst svo
framleiðslukostnaðurinn og önnur út-
gjöld. „Það er mikið lagt undir, en líka
mikið upp úr þessu að hafa ef vel selst.
Eru til dæmi af tískumerkjum sem
hefur orðið mikið ágengt á skömmum
tíma og jafnvel á aðeins tveimur eða
þremur árum orðið að nokkuð stórum
fyrirtækjum.“
„Þekking á markaðinum er mjög mikilvæg, og að geta fundið þar gat þar
sem maður getur boðið uppá eitthvað nýtt,“ segir Katrín Alda.
Með metnað fyrir
háum hælum
Ásgeir Ingvarsson
ai@mbl.is
Skómerkinu Kalda hefur
tekist að koma sér á fram-
færi í tískupressunni og
pantanir farnar að berast
frá mikilvægum verslunum.
Áður en byrjað er að leita að kaupendum þarf að tryggja framleiðslugetuna.
14 MORGUNBLAÐIÐ FIMMTUDAGUR 8. DESEMBER 2016FÓLK
NAV
Vertu í skýjunummeð okkur
í mánaðarlegri áskrift að bókhaldskerfinu
Microsoft Dynamics NAV
+
kynntu þér málið á www.navaskrift.is
Aðgangur að Office 365 fylgir með!*
Lágmarkaðu kostnaðinn og
Borgartún 26, 105 Reykjavík » Hafnarstræti 93-95, 600 Akureyri
sími: 545 3200 » wise@wise.is »www.wise.is
9.900Kr. pr. mán.án VSK
* gildir til 30. júní 2018 þegar keypt er fyrir 30. september 2016
SPROTAR
Íslandshótel Kolbrún Jónsdóttir hefur verið ráðin
framkvæmdastjóri fjármálasviðs Íslandshótela. Kol-
brún hefur starfað að undanförnu sem fram-
kvæmdastjóri fjárfestingarsjóðsins Kjölfestu. Á ár-
unum 2008-2010 starfaði hún sem
framkvæmdastjóri fjármálasviðs Vátryggingafélags
Íslands.
Kolbrún starfaði sem útibússtjóri, forstöðumaður
bakvinnslu og verkefnastjóri Íslandsbanka (Glitni) á árunum 1996-2008
og sat síðar í stjórn bankans. Hún starfaði sem fjármálastjóri Húsa-
smiðjunnar í sjö ár, frá 1989-1996.
Árið 1987 útskrifaðist Kolbrún sem Cand. oecon. frá Háskóla Íslands
og lauk síðar Executive Education frá Kenan-Flagler Business School
árið 2000. Hún stóðst hæfnismat FME í janúar 2011 og árið 2012 hlaut
hún löggildingu sem verðbréfamiðlari. Kolbrún er einnig menntaður
leiðsögumaður frá EHÍ.
Kolbrún verður framkvæmdastjóri fjármálasviðs
Icewear Guðmundur H. Björnsson hefur verið ráð-
inn markaðsstjóri Icewear. Guðmundur hefur víð-
tæka reynslu af markaðs- og sölumálum en hann
kemur til Icewear frá 365 miðlum þar sem hann var
forstöðumaður markaðs- og vörustjórnunarsviðs.
Hjá Icewear mun Guðmundur sinna stefnumótun
og áætlanagerð í markaðsmálum, daglegum rekstri
markaðsdeildar ásamt samskiptum við fjölmiðla og
samstarfsaðila.
Áður hefur Guðmundur meðal annars starfað sem forstöðumaður
sölu- og markaðssviðs hjá Tali, vöru- og viðskiptaþróunarstjóri hjá Já
og faglegur stjórnandi markaðsmála hjá Símanum.
Guðmundur er með B.Sc. gráðu í alþjóðamarkaðsfræði frá
Tækniháskóla Íslands, ásamt því að hafa lokið námi í rekstrarfræði frá
sama skóla. Guðmundur hefur einnig setið í stjórnum ýmissa félaga-
samtaka.
Guðmundur ráðinn sem nýr markaðsstjóri
VISTASKIPTI