Morgunblaðið - 08.12.2016, Qupperneq 12

12 MORGUNBLAÐIÐ FIMMTUDAGUR 8. DESEMBER 2016SJÓNARHÓLL
534 1020
Ármúla 7, Reykjavík - www.jofur.is
Sérhæfum okkur í sölu og leigu á atvinnuhúsnæði
Pantaðu verðmat eða skoðun – 534 1020 // sala@jofur.is
Vönduð skrifstofuhæð. Skiptist í 6 skrifstofur, opið
vinnurými, fundarherb., eldhúskrók, tvö salerni og
tæknirými. Parket á gólfi og lagnastokkar með
veggjum. Vandaðar innréttingar.
Uppl. Ólafur 824-6703 olafur@jofur.is
Vörugeymsla með góðri aðkomu um breiðan ramp.
Lofthæð 3,7 metrar. Niðurfallsrennur í gólfi. Wc til
staðar. Stórar innkeyrsludyr. Einnig aðgengi í rýmið úr
sameignarstigagangi framan á húsinu.
Uppl. Ólafur 824-6703 olafur@jofur.is
TIL SÖLU Faxafen 9 - 108 ReykjavíkStærð 746,4 fm.
Verð 82 millj.
Kringlan 4-6 - 103 Reykjavík
Stærð 274,4 fm.
Verð 78 millj.
Ólafur
S: 824 6703
Magnús
S: 861 0511
Sigurður J.
S: 534 1026
Helgi Már
S: 897 7086
Bergsveinn
S: 863 5868
TIL SÖLU
EGGERT
Á íslenskum auglýsingamarkaði ríkir sjaldanlognmolla. Þar er hart bitist um auglýsinga-kökuna og ólíklegt má telja að hún fæði alla
þá er hungrar. Sá markaður verður seint mettur
enda berjast flestir fjölmiðlar hér á landi í bökkum
fjárhagslega. Þar sem íslenskir fjölmiðlar eru mjög
háðir auglýsingatekjum er um kaupendamarkað að
ræða. En þrátt fyrir harða samkeppni er þó einn
þáttur í starfi fjölmiðlanna sem ætti, að öllu jöfnu,
að vera sameiginlegt hagsmunamál þeirra, en það
eru fjölmiðlakannanir.
Frá árinu 2008 hefur Gall-
up mælt sjónvarpsáhorf og
útvarpshlustun með rafræn-
um hætti. Gallup notar
mæliaðferð sem kallast PPM
(e. Portable People Meter)
til að mæla á hvað fólk horf-
ir og hvað það hlustar á.
Mælitæknin greinir hljóð-
merki sem Gallup kemur
fyrir í útsendingum mældra
sjónvarps- og útvarpsstöðva. Merkið er falið í út-
sendingunni og mannseyrað nemur það ekki.
Í kjölfar ítarlegrar rannsóknar á ljósvakanotkun
byggir Gallup upp og viðheldur hópi þátttakenda
sem endurspeglar almenning í landinu með tilliti
tilljósvakanotkunar. Í Fjölmiðlahópnum eru um 500
manns á aldrinum 12-80 ára sem bera PPM-
mælitækið á sér yfir daginn. Tækið skráir hvenær
horft er eða hlustað á hverja stöð og á hverri nóttu
eru gögnin send til Gallup. Til viðbótar við upplýs-
ingar um hvaða stöð er verið að horfa eða hlusta á
greinir Gallup hvenær útsendingin var send út og
getur þannig gert greinarmun á línulegu og hliðruðu
áhorfi, en það er áhorf sem á sér stað eftir upphaf-
legan sýningartíma.
Með rafrænum ljósvakamælingum er áhorf og
hlustun á hverja einustu mínútu mæld. Með teng-
ingu við gagnagrunn um auglýsingabirtingar gefst
auglýsendum kostur á að greina árangur einstakra
auglýsingaherferða í mismunandi miðlum. Þetta þýð-
ir að auglýsendur geta nú fengið nákvæma sam-
antekt á árangri þeirra auglýsingarbirtinga sem
keyptar voru. Einnig býður mælitæknin upp á gagn-
legar upplýsingar fyrir dagskrárstjóra þar sem ein-
falt er að greina áhorfs- og hlustunarflæði eftir dag-
skrárefni.
Í Prentmiðlakönnun Gallup er lestur dagblaða
mældur með samfelldum hætti allt árið. Um 30 svör-
um er safnað á hverjum degi, eða um 10.000 á ári.
Úrtakið í mælingunni samanstendur af Íslendingum
12-80 ára sem búsettir eru um allt land. Meðallestur
á tölublað er birtur mánaðarlega.
Ársfjórðungslega fá miðlar og
birtingaraðilar aðgang að lestrar-
tölum sem hægt er að greina eftir
breytum eins og kyni, aldri, bú-
setu, menntun og heimilistekjum
svarenda.
Gallup sér einnig um að mæla
umferð netmiðla á Íslandi. Í
teljaramælingu Gallup eru mæld
atriði eins og fjöldi notenda, inn-
lita og flettinga á hvern mældan
netmiðil. Mögulegt er að aðgreina heimsóknir frá
tölvum, spjaldtölvum og snjallsímum og til viðbótar
býðst möguleiki á mælingum á notkun á smáforritum.
Vikulega eru birtir topplistar yfir notkun á mældum
miðlum þar sem sýndur er fjöldi notenda, innlita og
flettinga. Innlend umferð er svo aðgreind frá er-
lendri. Samhliða teljaramælingunni er spurt um
heimsóknir á stærstu netmiðlana í Neyslu- og lífstíls-
könnun Gallup. Þannig er hægt að áætla daglega
dekkun netmiðla niður á lýðfræðihópa.
Fjölmiðlakannanir eru mikilvægar fyrir auglýs-
endur, þar sem þær leggja ákveðinn grunn að þeirri
verðlagningu sem ríkir um selt auglýsingapláss
hverju sinni. Sjónvarpsstöðvarnar hafa í auknum
mæli verið að breyta verðgrunni sínum frá fyrirfram-
gefnu sekúnduverði yfir í ákveðna verðeiningu fyrir
hvern áhorfspunkt. Þannig verður t.d. til verðmiði
fyrir hverja þúsund áhorfendur. Síðast en ekki síst
geta vel gerðar fjölmiðlamælingar stuðlað að betri
nýtingu á auglýsingafé, að því gefnu að niðurstöður
þeirra séu túlkaðar á réttan hátt.
MARKAÐSMÁL
Þorsteinn Þorsteinsson
rekstrarhagfræðingur (M.Sc.) og fram-
kvæmdastjóri Markaðsrýni ehf.
Íslenskar fjölmiðlakannanir
”
Þrátt fyrir harða sam-
keppni er þó einn þáttur
í starfi fjölmiðlanna sem
ætti, að öllu jöfnu, að
vera sameiginlegt hags-
munamál þeirra, en það
eru fjölmiðlakannanir.
FORRITIÐ
Það hlaut að koma að því að ein-
hverjum skyldi hugkvæmast að gera
tölvuleik úr því ævintýri að stofna
sprota og komast alla leið á toppinn.
Unicorn Startup Simulator
(toggl.com/startup-simulator) gerir
einmitt þetta, og gerir um leið stólpa-
grín að frumkvöðlasenunni.
Markmiðið er, eins og hjá flestum
sprotum, að takast á einu ári að
byggja upp rekstur sem er eins millj-
arðs dala virði.
Vitaskuld er leikurinn á laufléttu
nótunum. Spilarinn er settur í spor
stjórnandans sem þarf að takast á við
alls kyns ákvarðanir í rekstrinum, s.s.
hvað á til bragðs að taka þegar léleg
umsögn birtist á Producthunt, eða
þegar Elon Musk hringir og vill ræða
um að senda fólk til Mars. Leigan
hækkar, Trump tvítar og virkir í at-
hugasemdum ganga af göflunum.
Fjölskyldan þarf að sitja á hakanum
og kokteilboðin með tækniblaða-
mönnunum fara ekki alltaf vel.
Afleiðingar ákvarðananna virðast
stundum tilviljanakenndar, rétt eins
og í raunveruleikanum, og með hverj-
um smellinum sveiflast markaðs-
virðið upp og niður um marga tugi
milljóna dala.
Ekki má einblína á markaðsvirðið
eingöngu, því ef starfsmennirnir eru
óánægðir láta þeir sig hverfa og fyrir-
tækið fer á hliðina – og frum-
kvöðullinn þarf að „flytja aftur í kjall-
arann til mömmu“ eins og leikurinn
orðar það. ai@mbl.is
Frumkvöðlalífið fært
í búning tölvuleiks