SÍBS blaðið - 01.10.2008, Side 11

11
nokkurra ára skeið voru gefin
út jólakort, sumarkort og happ-
drættiskort. Allt skilaði þetta
einhverjum tekjum og sumt
verulegum.
Árið 1945 var efnt til nýstárlegs
og glæsilegs happdrættis þar sem
aðalvinningurinn var ný flugvél,
ásamt flugkennslu. Annað eins
hafði ekki sést hérlendis fyrr. Fleiri
vinningar voru í boði svo sem bátur
(skemmtijakt), hjeppi (jepp bíll) og
Kjarvalsmálverk.
Veturinn 1947 - 1948 voru í boði 20 Renault
bifreiðar í happdrætti, fimm bíla í senn og
dregið 4 sinnum.
Oddur Ólafsson, yfirlækni á Reykjalundi, varð
sér sér úti um innflutningsleyfi fyrir Hudson
bíl, en slík leyfi voru þá torfengin. Hann bauðst
til að afsala sér bifreiðinni ef SÍBS vildi stofna
til happdrættis um hana. Þessu var tekið með
þökkum og skilaði það hagnaði eins og hin
fyrri höfðu gert.
Vöruhappdrætti SÍBS, sem nú heitir Happ-
drætti SÍBS, var sett á stofn síðla
árs 1949 eftir að sérstök lög
höfðu verið sett um starf-
rækslu þess fyrr á árinu.
Áður hafði nokkrum
sinnum verið efnt til
skyndihappdrætta sem
höfðu skilað góðum
hagnaði. Happdrættið
gekk vel allt frá upp-
hafi og varð fljótlega
sú tekjulind sem mestu
skipti um uppbygg-
ingu á vegum SÍBS. Menn
gerðu sér strax grein fyrir því að
sölukerfið skipti meginmáli ef vel
átti að takast. Því ferðuðust erindrekar um allt
land, höfðu samband við trúnaðarmenn og
skipulögðu víðtækt umboðsmannanet. Þetta
reyndist mjög vel og lagði grunn að velgengni
happdrættisins. Allt frá upphafi hafa umboðs-
menn happdrættisins verið burðarásinn í starfi
þess, auk þess sem lengi framan af voru þeir
eins konar fulltrúar SÍBS hver á sínum stað.
Fjölbreytt starfsemi
Múlalundur, vinnustofa SÍBS, tók til
starfa 10. maí, 1959, í húsnæði sem
nú er bakhús við Ármúla 34, en
síðar í stóru húsi sem SÍBS byggði
út við götuna. Vinnustofan skyldi
vera opin öllum öryrkjum eftir því sem
rúm leyfði en ekki eingöngu miðað við
berklaöryrkja. Hugmyndin var að bjóða
létta vinnu og jafnframt starfsþjálfun.
Í byrjun unnu þarna um 20 öryrkjar
en þegar
byggt
hafði verið
nýtt hús
fjölgaði þeim
upp í 50,
flestir í hálfs
dags starfi og
jafnframt bötn-
uðu vinnuskilyrði
verulega. Þar kom þó að húsnæð-
ið þótti óhentugt, þar sem það var á þremur
hæðum og þá var samið við Örykjabandalag
Íslands um að fá að byggja á lóðinni við Hátún
10 þar sem Múlalundur starfar enn í dag. Þang-
að var flutt árið 1982. Mjög fjölbreyttur varn-
ingur hefur verið framleiddur hjá Múlalundi
í áranna rás, m.a. fatnaður, leikföng, möppur,
sundhringir, innkaupatöskur, dömubindi og
margt fleira. Einnig hefur verið lögð áhersla á
skrifstofuvörur margs konar, ráðstefnugögn og
sérpantanir af ýmsu tagi. Múlalundur hefur alla
tíð haft gífurlega þýðingu fyrir öryrkjana sem
þarna hafa unnið og með starfinu þar hefur
mörgum þeirra gefist tækifæri til atvinnuþátt-
töku sem ekki var kostur á annars staðar.
Þegar Múlalundur flutti úr Ármúla 34 losn-
aði húsnæði sem ákveðið var að nýta fyrir
dagvist aldraðra eftir undirbúningsvið-
ræður við Reykjavíkurdeild Rauða krossins
og Samtök aldraðra. Þessir aðilar tóku að
sér reksturinn, en Samtök aldraðra höfðu
ekki bolmagn til að taka fjárhagsábyrgð
á rekstrinum og drógu sig því fljótlega
út úr honum en hafa verið samráðsaðil-
ar með stjórnarsetu. Starfsemin í Múlabæ
hefur verið rekin síðan og er mjög vinsæl.
Þarna gefst kostur á léttri tómstundavinnu,
leikfimi er í boði, hárgreiðsla og fótsnyrt-
ing og ýmis önnur þjónusta. Þá kjósa margir
að lesa blöðin, hlusta á sagnalestur eða grípa
í spil. Fagfólk á ýmsum sviðum hefur starfað
Formenn stjórnar
Reykjalundar
Árni Einarsson 1944-1950
Ólafur Björnsson 1950-1982
Ástmundur Guðmundsson 1958-1982
Oddur Ólafsson 1982-1988
Kjartan Guðnason 1988-1991
Björn Ólafur Hallgrímsson 1991-2000
Vilhjálmur B. Vilhjálmsson 2000-2002
Almar Grímsson 2002-2004
Stefán Arngrímsson 2004-2006
Jón Kristjánsson 2006-