Lystræninginn - 01.11.1979, Blaðsíða 15

þú sagðir að ég væri með dásamlegustu brjóst í heimi
nú snertirðu þau aldrei
ég hef reynt að taka hönd þína
og leggja hana á annað brjóst mitt
þú fjarlægir hendina strax aftur
en stundum hefni ég mín
og snerti ekki lim þinn
þótt ég viti þú elskar það
og mér þyki það líka gott
síðan leggur þú hönd mína á lim þinn
ég dreg hendina til mín um leið
þegar ég verð mjög ergileg
klíp ég í annað eistað
og þú æjar og segir andskotinn er þetta
og ég segi alsaklaus hva
ég hef líka reynt að spyrja þig blíðlega
hversvegna þú snertir aldrei brjóstin á mér núna
en augnaráð þitt verður fálátt
og þú segir að það sé ekki rétt
og maður geti auðvitað ekki sagt fyrirfram
hvernig þetta eigi að vera
hvernig kemst ég að heiman
og fæ brjóstaaðgerð
það veit ég ekki
með þig og börnin
gætuð þið séð um ykkur sjálf
ef ég ætti systur
gæti ég heimsótt hana
ég myndi fara til París New York London Amsterdam
eða bara þangað sem farið er til að fá svonalagað gert
og ég myndi koma aftur með heljarinnar júgur
svo þú hefðir eitthvað til að horfa á
og ekki aðeins myndu brjóst mín vera frjálsleg
og þrýstin
ég yrði líka 5 cm hærri og 8 kílóum léttari
andlit mitt fallegra hár mitt töfrandi
já þú mundir varla þekkja mig
og allir karlmenn sem ég hitti yrðu alveg vitlausir í mig
þeir myndu fremja sjálfsmorð af þrá eftir mér
yfírgefa konur börn og einbýlishús og fyrirtæki
en ég myndi hlæja að þeim öllum saman ástin mín
ég myndi koma til þín aftur
og kannski myndir þú sjá mig eins og ég er í raun og veru
Nína Björk Árnadóttir þýddi.