Lystræninginn - 01.11.1979, Síða 33
. . . en mín sjálfsvirðing þyldi ekki þannig . . . þannig
nótt.
ÁSTA: En það ... það er ekki hægt að neyða okkur til
að . . . að . . .
ELLA: Ef það þyrfti að nauðga okkur . . . ég myndi
lifa það af. Mikill bjáni ertu ... búin að vera gift í fleiri
ár, átt krakka ... skilurðu þetta ekki... Þegar þú reið-
ist, segirðu ýmislegt í bræði . . . þú missir stjórn á þér
andlega. Þegar búið er að sýna þér svona myndir og allir
í kringum þig eru ... eru til í allt... þá missirðu stjórn á
þér, líkamlega.
Þögti.
ÁSTA: Drottinn minn . . . auðvitað.
Þögn.
ÁSTA: Hvað eigum við að gera?
ELLA: Eg veit það ekki... ég er ekki viss um að það
sé hægt að þagga niður í henni . . .
ÁSTA: En ef við borgum henni?
ELLA: Hvar í veröldinni ættum við að fá peninga?
Þögn.
ÁSTA: Ég sé enga leið. Við verðum bara að vona að
hún detti niður stigann og drepi sig.
ELLA: Þú segir nokkuð . . . við höfum stigann . . .
ÁSTA: Ella, ertu vitlaus . . . það getum við ekki
gert . . .
ELLA: Bíddu róleg... ég er að hugsa... það er okkar
eina leið . . . beint niður stigann ... ég held að það geti
ekki mistekist . . . stiginn er þannig . . .
ÁSTA: í Guðs bænum, Ella . . .
ELLA: Uss, hún er að koma.
Þögn.
SÚ NÝFLUTTA: (álengdar) Ég var aðeins að laga til,
ef þið kæmuð yfir á eftir. (er komin ) Sjáðu, hérna eru
myndirnar. Já, taktu þær bara, ég á fleiri. Þær eru
góðar, þessi í miðið er mjög skýr, líttu á.
ELLA: Ég hef ekki áhuga.
SÚ NÝFLUTTA: Það gæti verið að einhver annar
hefði áhuga . . .
ÁSTA: Eru þær til sölu hjá þér?
SÚ NÝFLUTTA: Nei.
Þögn.
SÚ NÝFLUTTA: Fyrsti fundurinn verður þá um
næstu helgi.
ELLA: Þú reiknar greinilega með okkur fjórum.
Hvaða tangarhald hefurðu á karlmönnunum?
SÚ NÝFLUTTA: Ég hef stúderað dálítið ykkar
menn, þeir eru ekki líklegir til að valda vandræðum. Þið
eruð boðin til mín um helgina ... það nægir þeim. Svo
tek ég við, þegar þeir eru komnir, það verða engin
vandræði með þá.
ÁSTA: Jú. Þú þekkir ekki manninn hennar Ellu . . .
hann tæki aldrei þátt í svona löguðu . . .
SÚ NÝFLUTTA: Hefur honum boðist það fyrr?
ÁSTA: Nei, en . . .
SÚ NÝFLUTTA: Engar áhyggjur. Ég sé þá persónu-
lega um manninn hennar Ellu.
ÁSTA: En hvernig?
SÚ NÝFLUTTA: (hlcer) Ég kann ýmislegt, þið vitið
ekki hvað margt er hægt að læra um þessi mál, kvenfólk
almennt kann ekki neitt, og veit ekki neitt. Þið eigið
eftir að læra ýmislegt.
ELLA: Ég hef komist ágætlega af, hingað til, án þess
að taka aukatíma í ástum.
ÁSTA: Þú hlýtur að heyra að við . . . við höfum ekki
áhuga ... (biðjandi) gætirðu ekki selt okkur myndirnar
. . . og filmurnar?
Þögn.
ÁSTA: Settu upp það sem þú vilt, og við reynum að
útvega það.
SÚ NÝFLUTTA: Ég hélt að þið ættuð enga pen . . .
Já, þannig ætlarðu að hafa það... þú ætlar að biðja við-
haldið þitt um peninga. Ég ætti kannski að ræða ofur-
lítið við þann mann.
ÁSTA: Nei, það máttu ekki . . . Ella . . .
ELLA: Róleg . . . róleg, hvað ætti hún að segja hon-
um . . . Padda . . .
SÚ NÝFLUTTA: Mér dytti eitthvað í hug.
ÁSTA: Þú vogar þér ekki . . . þú lætur hann í friði.
Þögn.
ÁSTA: Hvað myndirðu segja við hann?
SÚ NÝFLUTTA: Ég veit það ekki . . . eitthvað trú-
legt . . . eitthvað sem hann gæti ekki spurt þig um, og
sem hann gæti ekki komist að, hvort væri satt eða logið.
ÁSTA: Hann myndi ekki trúa þér.
SÚ NÝFLUTTA: Getur verið . . . en samt. . . og þó
. . . hver veit?
Þögn.
ÁSTA: Ella, við skulum heimsækja hana um helgina.
Þögn.
ÁSTA: (aum) Ég vil ekki að hún tali við hann. Hún
myndi eyðileggja allt. Við gátum ekki varað okkur á
henni, hvernig á hann þá að gera það? Mér stendur alls
ekki á sama um hann, Ella, eitthvað verðum við að
gera . . .
ELLA: Já.
ÁSTA: Við getum að minnsta kosti farið einu sinni...
SÚ NÝFLUTTA: Þeir sem koma einu sinni, koma
aftur. En hvað um það, þá er það ákveðið. Þá skulum
við koma yfir til mín.
ELLA: Endilega, það skulum við gera.
ÁSTA: Til hvers?
SÚ NÝFLUTTA: Við erum saman í klúbb, og nú
höldum við ráðstefnu heima hjá mér.
ELLA: Uppi eða niðri?
SÚ NÝFLUTTA: Alveg sama, eins og þið viljið.
ÁSTA: Verðum við að gera það núna?
SÚ NÝFLUTTA: Já, við verðum að undirbúa
skemmtunina. Ég þarf að skrifa hjá mér hvað þeir vilja
helst drekka, og hvað þið viljið drekka. (hlœr) Og svo
þarf ég að kynnast ykkur betur. Eigum við þá að labba?
ELLA: Já, það er líklega best. Farðu bara á undan, ég
ætla að skáka stólnum inn fyrir, ef það skyldi rigna.
SÚ NÝFLUTTA: Ágætt . . . þið komið þá . . . (skó-
hljóð)
ELLA: (hrópar) Ójá, við komum með þér alla leið ...
upp . . . stigann . . .
ÁSTA: (hvíslar) Ætlarðu núna ... þorirðu ... eins og
slys . . .
ELLA: Okkur býðst ekki betra tækifæri... enginn er
heima hjá mér, þér eða henni . . . þá eru stólarnir
komnir inn . . . Tilbúin? Þá leggjum við af stað.
Tjaldið
33