Dagblaðið Vísir - DV - 16.02.2016, Blaðsíða 6
6 Fréttir Vikublað 16.–18. febrúar 2016
Glæsilegur bíll með
miklum aukabúnaði!
M.BENZ C 220 BLUETEC AVANTGARDE
Nýskráður 10/2014, ekinn 9 Þ.km, dísel 170hö, sjálfskiptur 7 gíra. Bakkmyndavél, lyklalaust
aðgengi og start, Íslenskt leiðsögukerfi, krómpakki, öryggispakki , LED ljósapakki, inrétting-
arpakki, rafmagnsopnun/-lokun á skottloki, USB, bluetooth og aux tengi og fleiri aukahlutir.
Verð 7.990.000. OKKAR BESTA VERÐ 6.990.000 kr.
Raðnr. 254705 á www.BILO.is
S í m i: 567 4 8 4 0 • Fu n a h ö fð i 1 • 110 R v k . • bilo@bilo. is • w w w. b i l o. i s
ÚRVAL
FÆÐUBÓTAREFNA
Glæsibæ & Holtagörðum
Netverslun: www.sportlif.is
Sterkustu
brennslu-
töflur í
Evrópu
Krefst svara um úrgang
og vöktun kísilversins
n United Silicon hefur ekki skilað inn áætlun um vöktun á umhverfisáhrifum verksmiðjunnar
U
nited Silicon má ekki hefja
kísilframleiðslu í Helguvík í
vor þar sem fyrirtækið hef-
ur ekki skilað inn áætlun um
vöktun á umhverfisáhrif-
um verksmiðju þess. Óvíst er hvern-
ig framleiðsluúrgangi kísilmálm-
verksmiðjunnar verður ráðstafað og
Umhverfisstofnun gagnrýnir að ekki
hafi verið unnið úr sýnum sem tek-
in voru í haust í jarðvegi, tjörnum og
gróðri við lóð fyrirtækisins.
Þá hafa forsvarsmenn United Sil-
icon ekki lagt fram mæliáætlun, sem
lýsir því hvernig fylgst verður með
mengun fyrirtækisins, sem því ber
samkvæmt starfsleyfi að skila inn sex
mánuðum fyrir gangsetningu verk-
smiðjunnar.
Vantar gögn
Umhverfisstofnun birti í síðasta
mánuði nýja eftirlitsskýrslu um verk-
smiðju United Silicon. Í henni er bent
á að seinkun á skilum mæliáætlunar-
innar sé frávik frá starfsleyfi fyrirtæk-
isins. Forsvarsmenn þess hafi þar að
auki ekki svarað því hvar geymslu-
svæði fyrir úrgang verksmiðjunnar,
eins og gróft kísilryk og kvars, verð-
ur staðsett né hvernig honum verður
ráðstafað.
Vöktun United Silicon á loftgæð-
um í umhverfi verksmiðjunnar, sem
nú rís í Helguvík, var ekki hafin þegar
skýrslan var skrifuð. Samkvæmt upp-
lýsingum frá Umhverfisstofnun hafa
starfsmenn fyrirtækisins nú komið
upp loftgæðamælum en engar niður-
stöður borist stofnuninni. Því er ljóst
að bakgrunnsrannsóknir á loftgæð-
um í umhverfi verksmiðjunnar ná
ekki lenga aftur en til fyrstu mánaða
þessa árs. Þá hefur ekki verið unnið
úr sýnum sem tekin voru í jarðvegi,
tjörnum og gróðri í Helguvík síðasta
haust.
Ekki liggur heldur fyrir samþykkt
áætlun fyrir vöktun umhverfisþátta
í umhverfi verksmiðjunnar. Þá áætl-
un á United Silicon að leggja fram tólf
mánuðum áður en kísilframleiðslan
hefst. Samkvæmt upplýsingum DV
hefur Umhverfisstofnun ítrekað
reynt, án árangurs, að fá United Sil-
icon og tvö önnur fyrirtæki sem stefna
að stóriðjuframkvæmdum í Helguvík,
Thorsil og Norðurál, til að samþykkja
sameiginlega áætlun um umhverfis-
vöktun. Í þeim mælingum verður
fylgst með loftgæðum, úrkomu, veð-
urfari, mengun í vatni, gróðri, jarð-
vegi og jarðvatni.
Tífalt meira kadmíum
United Silicon vill ræsa fyrsta ljós-
bogaofn verksmiðjunnar í Helguvík
í maí næstkomandi. Þar ætlar fyrir-
tækið að framleiða hrákísil, kísilryk
og kísilgjall. Það hefur óskað eftir því
að breytingar verði gerðar á núgild-
andi starfsleyfi þannig að fyrirtæk-
inu verði heimilt að reka fjóra ofna
en ekki tvo og losa meira magn þung-
málmsins kadmíums en áður var gert
ráð fyrir. Samkvæmt upplýsingum
frá Umhverfisstofnun vill fyrirtækið
losa tífalt meira magn kadmíums en
starfsleyfið frá júlí 2014 hljóðar upp á.
Fjárfesting vegna fyrsta áfanga
verksmiðjunnar nemur um tólf millj-
örðum króna. United hefur áform
um að reka stærsta kísilver í heimi og
þarf til þess að flytja inn og starfrækja
þrjá aðra ofna til viðbótar á næstu tíu
árum.
Sver spána af sér
DV fjallaði í desember síðastliðn-
um um bréf sem Julie Ramhøj
Meisner, aðstoðarforstjóri dönsku
verkfræðistofunnar COWI, sendi
Skipulagsstofnun í febrúar 2015.
Í bréfinu neitar fyrirtækið að hafa
unnið útreikninga um loftmengun
kísilmálmverksmiðju United Silicon,
þvert á fullyrðingar íslenska fyrir-
tækisins. COWI fór fram á að nafn og
merki danska fyrirtækisins yrðu fjar-
lægð úr minnisblaði United Silicon
um loftdreifiútreikninga verksmiðj-
unnar. Skipulagsstofnun féllst á það
en dregur niðurstöðurnar ekki í efa.
Skipulagsstofnun tók minnisblaðið
í kjölfarið út af síðunni og setti í þess
stað aðra útgáfu af því sem innihélt
ekki nafn COWI. Skjalið sem nú er
aðgengilegt á vef stofnunarinnar er
að öðru leyti nákvæmlega eins, með
sömu niðurstöðum, og er enn dagsett
14. febrúar 2013.
Magnús Garðarsson, stjórnarmað-
ur og einn eigenda United Silicon og
fyrrverandi starfsmaður COWI, full-
yrti í samtali við DV að útreikningarn-
ir komi frá COWI. Niðurstöður þeirra
sýna dreifingu helstu mengunarefna
sem koma til með að myndast við
kísilframleiðsluna. Samkvæmt þeim
á styrkur efnanna, eins og brenni-
steinsdíoxíðs og nituroxíðs, að vera
undir leyfilegum mörkum. Daginn
eftir að starfsmenn Skipulagsstofnun-
ar fengu bréf COWI barst þeim skýrsla
frá danska ráðgjafarfyrirtækinu Force
Technology. Sú skýrsla innihélt með-
al annars sannprófanir á útreikning-
um United Silicon frá 2013 og var
unnin að beiðni íslenska fyrirtækis-
ins. Samkvæmt henni eru útreikn-
ingarnir í minnisblaðinu byggðir á
réttum forsendum og fela í sér allar
nauðsynlegar breytur.
Ekki náðist í Magnús eða Helga
Þórhallsson, forstjóra United Silicon,
til að fá viðbrögð þeirra við eftirlits-
skýrslu Umhverfisstofnunar. n
Haraldur Guðmundsson
haraldur@dv.is
Hluthafi Magnús Garðarsson, til hægri, stjórnarmaður og fyrrverandi forstjóri United
Silicon.
Helguvík Framleiðsla United Silicon á að hefjast í maí en eigendur fyrirtækisins stefna að
stærstu kísilmálmverksmiðju í heimi. Mynd SiGTryGGur Ari