Tímarit Hjúkrunarfélags Íslands - 01.03.1967, Page 4

Spjall um sjúkrakennslu
Við Fjórðungss]úkrahúsið á
Akureyri starfar nú sjúkra-
kennari — ung húsmóðir —
sem flutti til bæjarins fyrir 2
árum síðan. Hún heitir Kristín
Tómasdóttir, er fædd og uppalin
í Reykjavík, dóttir Tómasar
heitins Jónssonar, borgarlög-
manns og Sigríðar Thoroddsen.
Kristín byrjaði með sjúkra-
kennslu eða vinnulækningar á
s.l. ári og á hér miklum og sí-
auknum vinsældum að fagna.
Hún hefur sætt sig við þröng
húsakynni, lítil sem engin hjálp-
argögn og því erfið starfsskil-
yrði, í von um, að framtíðin gefi
meiri möguleika. Á s.l. ári flutti
hún fróðlegt erindi á félags-
fundi hjúkrunarkvenna um nám
og starf sjúkrakennara. I trausti
þess, að fleiri hafi gaman af frá-
sögn hennar, bað ég hana að
svara nokkrum spurningum fyr-
ir blaðið.
— Hvað er sjúkrakennsla?
Því vil ég helzt svara með
skilgreiningu dr. Helga Tómas-
sonar: „Við vinnulækningar ber
að skilja þá lækningaaðferð, sem
beitir andlegri eða líkamlegri
starfsemi til þess að létta fyrir
sjúklingum um stundarsakir,
stuðla að eða flýta fyrir bata á
sjúkdómi eða afleiðingum af
slysi. Starfsemi þessi er valin
handa sjúklingum á vísindaleg-
an hátt af lækni eða undir lækn-
ishendi“. Sjúkrakennsla hefur
verið þekkt og viðurkennd lækn-
ingaaðferð í möi’gum löndum um
árabil. Þessi lækningaaðferð er
notuð á almennum sjúkrahúsum
með handlækninga- og lyflækn-
ingadeildum, barnasjúkrahús-
um, orthopediskum sjúkrahús-
um, geðsjúkrahúsum, fávita-
hælum, elliheimilum og auk þess
fangelsum og fleiri slíkum stofn-
unum.
— Þú varst í Danmörku,
Kristín, var það í Kaupmanna-
höfn eða Árósum?
Ég stundaði nám í Kaup-
mannahöfn á árunum 1960—
1963. Skólinn var stofnsettur
árið 1935 og ber nafnið Skolen
for beskæftigelsesterapeuter.
— Hver voru inntökuskilyrði
í skólann?
Þegar ég fékk inngöngu í
skólann var nóg að hafa gagn-
fræðapróf, en sökum umsækj-
endafjölda, sem eykst með ári
hverju, og meiri hluti þeirra eru
stúdentar, ganga þeir fyrir. Um-
sækjandi verður að vera orðinn
20 ára og ekki eldri en 32 ára,
hafa helzt lokið námskeiði í vél-
ritun og hjálp í viðlögum og
hafa starfað eitthvað með löm-
uðum, vangefnum eða á ein-
hvern hátt sjúku fólki. Skólinn
þarf að fá upplýsingar um
heilsufar, þroska og hæfileika
umsækjenda til að umgangast
annað fólk.
— Viltu segja mér ofurlítið
um námið?
Árið 1953 var menntun
sjúkrakennara löggilt af danska
læknafélaginu og í Danmörku
eru 2 skólar starfræktir. Skóla-
gjald var um 900 íslenzkar
krónur á mánuði í 22 mánuði,
þar í innifalin greiðsla á bók-
um, kennslu og lítið eitt af
Margvísleg handavinna er unnin með aðstoð Kristínar Tómasdóttur.
2 TÍMARIT HJÚKRUNARFÉLAGS ÍSLANDS