Tímarit hjúkrunarfræðinga - 01.05.2003, Síða 53

FRÉTTAMOLAR...
Inn á sjúkrahúsið kemur mikið af háttsettu fólki
og fólki úr furstafjölskyldunni. Þetta fólk fær al-
veg sér meðferð og fer eingöngu á VIP/Royal
deildina sem er sérhæð á sjúkrahúsinu og gulli
skreytt. Þegar slíkir sjúklingar eru lagðir inn á
sjúkrahúsið koma þeir allir með þjónustufólk
með sér og því gerum við alltaf ráð fyrir auka-
rúmum á stofunum. Flestar stofurnar eru eins
manns. Sumir sjúklinganna liggja inni marga
daga eftir að þeir hafa verið útskrifaðir þar sem
þeim finnst þjónustan góð og eru bara ekki til-
búnir að fara heim. Og þeir komast upp með
þetta háttalag. Fjölskyldan ber inn mat til þeirra
í tonnavís og fólk kemur í heimsókn í tugatali á
hvaða tíma sólarhrings sem er. Þetta getur
stundum verið svolítið svekkjandi þegar öll rúm
eru full á sjúkrahúsinu og fólk bíður fárveikt á
slysadeild eftir innlögn. Oft reynum við að tala
fólk til með því að spyrja hvort ekki sé tími til að
fara bara heim, en ónei, þeir hringja bara í ein-
hvern sjeikinn og búa til sögu og næst hringja
þeir í okkur og segja að sjúklingur á stofu 2 eða
4 þurfi að vera í nokkra daga í viðbót því hann sé
bara allt of þreyttur!
Sameinuðu arabísku furstadæmin eru meðal
auðugustu landa heims því olían vellur um allt.
Hér er olían ódýrari en vatn. Allir eru vellauðug-
ir og hafa sína einkabílstjóra og þjónustufólk.
Sameinuðu arabísku furstadæmin eru sjö talsins
og þar búa um 2,5 milljónir manna en af þeim
eru eingöngu um 800.000 innfæddir. 1,7 millj-
ónir eru því aðflutt vinnuafl.
Abu Dhabi, borgin sem ég starfa og bý í, er mjög
vestræn og nýtískuleg. Hér geta konur keyrt bíl
en það geta þær ekki í Saudi-Arabíu. Hér er allt
miklu frjálslegra og opnara og eru ferðamögu-
leikarnir gífurlegir. Eg verð að játa að tími minn
hér í Miðausturlöndum hefur verið mjög áhuga-
verður og sömuleiðis allt það góða fólk sem ég
hef hitt og kynnst. Launin eru einnig eftirsókn-
arverð og hér er enginn skattmann!
Ég skora á Sigríði Hafberg, skólasystur mína, að
skrifa næsta pistil um störf sín hjá Atlanta.
Jafnréttisáætlun Landspítala-háskólasjúkrahúss
í maí 2001 var skipuð jafnréttisnefnd á Landspítala-háskólasjúkrahúsi
(LSH). Þetta er fyrsta jafnréttisnefndin sem skipuð hefur verið við
stofnunina. Nefndina skipa Bryndís Gestsdóttir hjúkrunardeildarstjóri,
Erlendur Guðbjörnsson iðnaðarmaður, Gunnlaugur Sigfússon sviðs-
stjóri, Sigriöur Magnúsdóttir talmeinafræðingur og Guölaug Rakel
Guðjónsdóttir sviðsstjóri, formaður nefndarinnar. Nefndin er skipuð til
fjögurra ára í senn.
Nefndinni var falið að gera tillögu til stjórn-
arnefndar um jafnréttisáætlun sjúkrahúss-
ins og hafa eftirlit með Famkvæmd hennar.
Nefndinni ber einnig að afla upplýsinga um
stöðu jafnréttismála og birta á tveggja ára
fresti skýrslu um stöðuna. Auk þessa á
nefndin að eiga frumkvæöi að umræðu og
fræðslu um jafnréttismál og veita ráðgjöf
og umsögn i jafnréttismálum innan LSH.
Nefndin lagði fram jafnréttisáætlun sem samþykkt var í stjórnarnefnd
LSH 28. nóvember 2002. Jafnréttisáætlun LSH byggist á lögum nr.
96/2000 um jafna stöðu og jafnan rétt kvenna og karla og fram-
kvæmdaáætlun ríkisstjórnarinnar í jafnréttismálum sem samþykkt var á
Alþingi 28. maí 1998. Einnig leggur nefndin áherslu á jafnræðisreglu
stjórnarskrárinnar, 65.gr., um að allir skuli vera jafnir fyrir lögum og
njóta mannréttinda. Með samþykktinni lýsir stjórnarnefnd yfir vilja sín-
um til aö vinna aö jafnræði og jafnrétti meðal starfsmanna og skjól-
stæöinga LSH.
Áætlunin tekur til nokkurra þátta en er þó ekki tæmandi. Aðalatriðið er
aö jafnrétti endurspeglist í lífi og starfi innan LSH. Helstu þættirjafn-
réttisáætlunar eru: starfsmannaráðningar og starfsaðstaða, kjör starfs-
manna, stjórn og skipulag og þjónusta við skjólstæðinga LSH. í hverjum
þætti eru sett markmiö og aðgeröir til aö ná settum markmiöum. Jafn-
réttisáætlunin er unnin meö hliðsjón af starfsemi sjúkrahússins í þeim
tilgangi að LSH geti nýtt sér á sem bestan hátt færni og hæfileika
starfsmanna sinna, stofnuninni, starfsmönnum og skjólstæðingum til
hagsbóta.
Mikilvægt er í framhaldi af samþykkt áætlunarinnar að greina töluleg-
ar upplýsingar eftir kyni. Má þar nefna hlutfall kynjaskiptingar innan
starfsstétta, möguleika á hlutastörfum og tilfærslum í starfi, veikinda-
fjarvistir, námsdaga, dagvinnulaun, yfirvinnulaun og kynjaskiptingu í
ráðum og nefndum sjúkrahússins.
LSH er stór, fjölmennur og fjölbreyttur vinnustaður og því getur veriö
nauðsynlegt að horfa á sérstöðu hvers sviðs fýrir sig.
Jafnréttísáætlunin er aðeins verkfæri, en eigi hún að ná fram að ganga
er mikilvægt að starfsmenn séu tilbúnir til að takast á hendur ný verk-
efni og viðfangsefni. Jafnframt er Ijóst að stjórnendur LSH skipta ekki
síöur máli um að vel takist til. Yfirmenn deilda og sviða bera ábyrgð á
því aö einstökum ákvæðum jafnréttisáætlunarinnar sé framfylgt en
endanleg ábyrgð á jafnréttisstarfi innan sjúkrahússins hvílir á fram-
kvæmdarstjórn og stjórnarnefnd LSH.
Tímarit íslenskra hjúkrunarfræðirga 2. tbl. 79. árg. 2003
51