Álit: tímarit löggiltra endurskoðenda - 01.01.1996, Blaðsíða 21

A síðasta starfsári, þ.e. 93/94, var lokið við skoðun
hjá 117 aðilum. Af þessum 117 fengu 24 endurskoð-
endur viðvörun og 9 voru sviptir leyfi.
Kostnaður við starfsemi deildarinnar var á síðasta
starfsári 6,2 m. SEK og var hann að 80% hluta borinn
uppi af sértekjum, en það eru gjöld (SEK 4.200), sem
lögð eru á þá sem sækja um löggildingu/viðurkenn-
ingu til að starfa sem endurskoðendur.
1.3. Danmörk
Eftirlit með og opinber skráning á endurskoðendum
í Danmörku er á vegum Erhvervs- og Selskabsstyrel-
sen sem heyrir undir Atvinnumálaráðuneytið (Er-
hvervsministeriet). Erhvervs- og Selskabsstyrelsen
skipar svonefnda Endurskoðendanefnd (Revisor-kom-
mission) sem er ráðgefandi, heldur próf fyrir verðandi
endurskoðendur og úrskurðar í kvörtunarmálum sem
í fyrstu umferð er úrskurðað í hjá Aganefhdum
(Disciplinærnævnene). Aganefhdirnar eru annars veg-
ar nefhd sem fjallar um mál sem tengjast löggiltum
endurskoðendum og hins vegar mál sem tengjast
skráðum endurskoðendum. Þessar nefhdir voru stofn-
aðar samkvæmt nýlegum lögum sem tóku gildi 1. júlí
1993 þ.e. lög um „et nyt disciplinarsystem for revisor-
er“. Aganefndunum er ætlað að fjalla um og úrskurða
um æduð brot á góðri endurskoðunarvenju og starfs-
skyldum endurskoðenda. Undanskilin eru þó brot sem
leiða tíl opinberrar ákæru. I úrskurðum Aganefhda
getur falist áminning, ávítur, sekt og tillaga um svipt-
ingu löggildingar en sviptíng löggildingar er í hönd-
urn fyrrnefndrar Endurskoðendanefndar. Einn og
sami maðurinn er formaður í báðum aganefhdunum.
Aganefndirnar hafa opinbera stöðu og um þær gilda
ákvæði stjórnsýslulaga.
1.4. Finnland
Eins og í Svíþjóð og Noregi eru tvenns konar end-
urskoðendur með opinbert leyfi. Þ.e. annars vegar
löggiltír endurskoðendur (CGR-revisor) og hins veg-
ar viðurkenndir endurkoðendur (GRM-revisor).
Munurinn á þessu tvennu er fyrst og ffemst sá að til
fyrrnefnda hópsins eru gerðar meiri kröfur um
menntun og hæfni. Sérstök nefnd, Centralhandels-
kammerens revisionsnamnd, sér um próf, leyfisveit-
ingar og eftirlit með löggiltum endurskoðendum
(CGR-revisor) en aðrar nefndir svonefndar Handel-
skammeres revisionsutskott, sem eru 21 talsins sjá um
próf, leyfisveitingar og eftirlit með viðurkenndum
endurskoðendum (GRM-revisor). Þessar nefhdir hafa
lögum samkvæmt aðgang að öllum gögnum og skjöl-
um í vörslu endurskoðenda, sem nauðsynlegt er talið
að hafa aðgang að til uppfylla eftirlitsskylduna.
Nefndirnar hafa vald til að veita áminningar og aftur-
kalla leyfi tímabundið. Nefnd á vegum ríkisins,
Statens revisionsnamnd, sem heyrir undir viðskipta-
og iðnaðarráðuneyti hefur hins vegar heimild til að
svipta endurkoðanda leyfi ótímabundið. Opinber
skráning endurskoðenda er hjá viðskipta- og iðnaðar-
ráðuneyti.
Fjöldi löggiltra endurskoðenda í Finnlandi er nú
u.þ.b. 550 en fjöldi viðurkenndra endurskoðenda er
um 1200 talsins.
Samkvæmt yfirliti yfir fjölda eftirlitsverkefha á árinu
1994 virðast tilefhi eftirlits með einstökum endur-
skoðendum að meirihluta til koma frá kærumálum.
Þannig hafa 14 af 16 afgreiddum málum vegna CGR-
endurskoðenda á árinu 1994 stafað frá kærumálum og
13 af 19 vegna GRM-endurskoðenda. Yfirlit yfir við-
urlög á sama tíma sýnir að í fyrrnefnda hópnum
(CGR-endurskoðendur) hafa 5 fengið viðvörun og 2
áminningu en í síðarnefhda hópnum (GRM-endur-
skoðendur) hafa 2 verið sviptir leyfi tímabundið, 2
fengið viðvörun og 7 fengið áminningu.
Fram kom að í Finnlandi er hámarksaldur 70 ár hjá
þeim sem fá að halda réttindum löggiltra endruskoð-
enda.
Ný lög um endurskoðun tók gildi frá ársbyrjun 1995
í Finnlandi.
1.5. Island
Fjármálaráðuneytið hefur með málefhi endurskoð-
enda að gera á Islandi samkvæmt lögum um löggilta
endurskoðun sem eru ffá árinu 1976. Ráðherra skipar
prófnefhd sem sér um próf fyrir væntanlega endur-
skoðendur. Ráðherra veitir þeim aðilum löggildingu
sem staðist hafa próf og uppfylla önnur skilyrði lag-
anna. Við tiltekin skilyrði getur ráðherra svipt löggilt-
an endurskoðanda löggildingu. Beint eftirlit af hálfu
ráðuneytisins með löggilmm endurskoðendum er ekki
fyrir hendi. Opinber skráning á löggiltum endurskoð-
endum hefur hingað til ekki verið með þeim hætti sem
gert er ráð fyrir í 28. gr. Attundu tilskipunar ESB nr.
84/253/ESB.
1.6. Viðurkenning á starfsréttindum endurskoð-
enda yfir landamæri
EES samningurinn gerir ráð fyrir sem meginreglu að
starfsréttindi innan eins ríkis gildi á öllu evrópska efha-
hagssvæðinu. A fundinum var fjallað um framkvæmd
þessa ákvæðis í hverju Norðurlandanna fyrir sig.
19