Ráðunautafundur - 15.02.1989, Side 172

-164-
Ferðaþjónustu bænda.
Það er nokkuð sama hvernig gæði aðbúnaðarins og þjónustunnar hjá FB eru, ef
ekki er til markaður sem vill kaupa þjónustuna. Það er samt ekki nóg að markaðurinn
sé til, hann þarf einnig að fá að vita af þjónustunni. Skrifstofa FB hefur unnið mikið
að markaðsfærslu undanfarin ár. Sem dæmi má nefna að gefnir hafa verið út
kynningarbæklingar á íslensku, ensku og þýsku. Samskipti og kynningar hafa verið
stílaðar á söluaðila hérlendis og erlendis og mikið hefur verið unnið við vöruþróun,
þannig að ný sölukerfi hafa litið dagsins ljós.
Það að markaðsfærsla ferðaþjónustu á vegum bænda er unnin sameiginlega, álít ég
mjög gott. Á þann hátt er hægt að framkvæma mun stærri verkefni, á hagkvæmari
hátt, heldur en nokkur einstakur bær hefði bolmagn til. Öll markaðsfærsla er meira
áberandi og þannig árangursríkari. Það má þó ekki gleymast að hver gestur sem
dvelur hjá ferðaþjónustubónda er ómetanlegur í þessu sambandi. Ef hann er ánægður
verður hann mjög öflug kynning. Fari hann hinsvegar óánægður getur það kostað öll
samtökin mikinn tíma og peninga að vega á móti neikvæðri kynningu hans. Það er
einnig víst að hann fer aldrei aftur á viðkomandi bæ og velur Ferðaþjónustu bænda
jafnvel ekki oftar.
Ég hef hér fjallað um nokkur atriði sem ég álít að skapi þær forsendur sem þarf
til þess að geta svarað titli þessarar greinar játandi. Það þarf samspil þekkingar og
gæði þjónustunnar á hverjum bæ og öfluga markaðsstarfsemi heildarinnar.