Ráðunautafundur - 15.02.1989, Síða 253

-245-
Upplýsingar um hvort hugmyndin er raunhæf eður ei, er nauðsynlegt að fá sem fyrst.
Ef tekst að komast með hugmyndina gegnum ljónagryfjuna hefst erfið vinna við að
finna lausnir á áðurnefndum atriðum. Nú í dag er slíkar upplýsingar hvergi að fá á
einum stað.
Fjármögnun er mjög erfið vegna inngróins vantraust á framtaki kvenna. Konur
eru varfærnar í framkvæmdum og eru því óskir þeirra um fjárhagsaðstoð oft
hógværar. Slíkar beiðnir fá jákvæða umfjöllun, en þykja of smávægilegar til að
afgreiða þær. Klapp á kollinn og góðlátlegt glott er oftar en ekki árangur slíkra
beiðna, það veit ég af eigin reynslu. Þessu er auðvelt að breyta og það verður að
breytast. Framtíð sveitanna byggist á auknum tekjumöguleikum þeirra sem þar kjósa
að búa. Fyrirmyndir að aðstoð við nýsköpun atvinnu getum við sótt til frænda okkar
Norðmanna. Þar í landi hefur verið gert átak á þessum sviðum. Norðmenn hafa gert
sér ljóst að með sérstökum stuðningi við konur í dreifbýli má treysta byggðina. Þar í
landi er fjöldi verkefna í gangi til styrktar konum, skóli fyrir þær sem vilja hefja
sjálfstæðan rekstur og styrktarsjóðir sem veita aðstoð meðan gildi hugmynda er
kannað. í Finnlandi eru ráðunautar starfandi, sem sinna eingöngu því verkefni að
aðstoða fólk í dreifbýli sem ætlar að takast á við nýsköpun atvinnu. Víða má sjálfsagt
leita fyrirmynda um hvernig unnið skal að hvatningu og aðstoð við sveitafólk sem vill
eindregið búa í sinni heimabyggð, á sinni jörð, en skortir i dag afkomumöguleika.
LOKAORÐ
Þá fer nú að líða að lokum þessa erindis míns. Ég hef fjallað um málefni sem víða
hefur verið rætt í þjóðfélaginu. Tillaga um þetta efni býður afgreiðslu á Alþingi,
fyrirheit um aðgerðir finnast I samstarfssáttmála núverandi rikisstjórnar. Nokkrar
nefndir á vegum hins opinbera og frjálsra félagasamtaka fjalla einnig um málið. Nóg
er skrafað og þó nokkuð ritað, en samstillt átak allra þessara afla skortir.
Því miður hef ég ekki áhrif eða völd til þess að hrinda slíku átaki í framkvæmd,
en vona að orð mín hér á ráðunautafundi verði til þess að ráðunautar styðji alla þá
sem til þeirra leita með beiðni um aðstoð við framkvæmd hugmynda sinna.