Dagblaðið Vísir - DV - 01.04.2016, Síða 5

Bæring Ólafsson býður sig fram til embættis forseta
Íslands. Hann mun beita sér fyrir auknu lýðræði,
hvetja ungt fólk til aukinnar menntunar og nýsköpunar
og stuðla að öflugu menningarlífi. Þá mun hann styðja
heilbrigðismál, málefni aldraðra og öryrkja og stuðla
að sjálfbærni í nýtingu auðlinda.
Bæring telur lífsreynslu sína auk starfsreynslu vera góðan grunn fyrir störf
forseta Íslands. Að hans mati á forseti að vera heiðarlegur, traustur og réttlátur
leiðtogi, óháður sjórnmálaöflum og hagsmunasamtökum. Hann vill vera
verndari þjóðarinnar og sálufélagi og hafa hagsmuni hennar ætíð að leiðarljósi.
Framundan er stærsta og mikilvægasta atvinnuviðtal Bærings – hjá íslensku
þjóðinni. Hann hlakkar til að kynnast fólkinu í landinu betur; hlusta á skoðanir
þess og væntingar til hlutverks nýs forseta.