Dagblaðið Vísir - DV - 08.04.2016, Page 10

10 Fréttir Helgarblað 8.–11. apríl 2016
» Loftsíur
» Smurolíusíur
» Eldsneytissíur
» Kælivatnssíur
» Glussasíur
Baldwin® hefur sérhæft sig í
smur-, loft- og hráolíusíum.
Við bjóðum upp á Baldwin® síur í
flestar gerðir þungavinnu- og sjóvéla á
hagstæðum verðum.
Verkstæði og viðgerðarþjónusta
Aðalsmerki Bætis er verkstæðið og
viðgerðarþjónustan.
Á verkstæði okkar erum við með öll tæki
til endurbyggingar á allt að 1750 hestafla
vélum.
Túrbínur
Bætir ehf. býður upp
á viðgerðarþjónustu
fyrir flestar gerðir
túrbína. Sími 567-2050 - Smiðshöfði 7 - 110 Reykjavík
F
ramkvæmdir standa nú yfir
við byggingu sumarbústaðar
á jörðinni Ölfusvatni í Árnes­
sýslu. Um er að ræða tanga
sem kenndur er við Lamb­
haga og teygir sig út í Þingvallavatn.
Orkuveita Reykjavíkur á landið en
þar standa fyrir nokkur sumarhús
sem öll eiga það sameiginlegt, líkt
og nýbyggingin, að vera í eigu sömu
fjölskyldunnar; Engeyinganna
svokölluðu, Benedikts, Guðrúnar,
Einars og Ingimundar Sveinsbarna.
Hitaveita Reykjavíkur keypti
Ölfusvatnslandið fyrir rétt rúmum
þrjátíu árum til að afla jarðhita­
réttinda og er óhætt að segja að þau
kaup hafi verið afar umdeild á þeim
tíma. Gríðarhátt verð var greitt fyrir
jörðina og héldu fyrri eigendur
áframhaldandi notum af henni fyrir
sumarbústaði sína. Jarðhitanýt­
ingin er hins vegar ekki enn hafin.
Nýjasta húsið sem nú er að rísa
er á lóð sem skráð er á Ingimund
Sveinsson.
Keypt vegna jarðhita
Það var árið 1985 sem Hitaveita
Reykjavíkur, sem síðar varð Orkuveita
Reykjavíkur, keypti jörðina Ölfusvatn
af Helgu Ingimundardóttur, ekkju
Sveins Benediktssonar útgerðar­
manns, og börnum hennar fjórum,
þeim Guðrúnu, Einari, Ingimundi
og Benedikt. Sá síðastnefndi er sem
kunnugt er faðir Bjarna Benedikts­
sonar fjármálaráðherra. Samkvæmt
upplýsingum sem DV fékk frá Orku­
veitu Reykjavíkur (OR) var tilgang­
ur kaupanna að afla jarðhitaréttinda
norðan til á Hengilssvæðinu. Deilt
hefur verið um hvort það hafi verið
raunveruleg ástæða kaupanna.
Samkvæmt fréttum af kaupunum
frá þessum tíma var kaupverðið 60
milljónir króna, sem í júlí 1985 þótti
umtalsverð upphæð, en að núvirði
gera þetta ríflega 450 milljónir króna.
Leigulaus afnot í hálfa öld
Athygli vakti, og vekur enn, að við
söluna hélt fjölskyldan eftir, til leigu­
lausra afnota í 50 ár, lóðum sem tvö
sumarhús stóðu þá á, í svokölluðum
Lambhaga, nyrst á jörðinni. Að auki
héldu Engeyingarnir eftir rétti til að
byggja á þremur lóðum til viðbótar á
Lambhagatanganum. Þar var fyrir eitt
hús að auki í eigu annarra en fjölskyld­
an keypti það eftir sölu jarðarinnar til
Hitaveitunnar. Engeyingarnir seldu
því jörðina til Reykjavíkurborgar,
þar sem Sjálfstæðisflokkurinn fór
með meirihluta, en héldu eftir full­
um afnotum og byggingarrétti á öll­
um lóðunum sex auk veiðiréttinda.
endurgjaldslaust til 50 ára. Þar að auki
kom fram í fjölmiðlum þess tíma að
eftir árið 2036, þegar samningstíminn
rennur út, hafi fjölskyldan forleigurétt.
Gagnrýnt sem spilling
Vinstrimenn í borginni og víðar á
þessum tíma gagnrýndu þessi við­
skipti Sjálfstæðisflokksins í borginni
harðlega. Bent var á að fasteigna­
mat Ölfusvatnsjarðar, með veiði­
réttindum, hafi verið um 400 þúsund
krónur. En kaupverðið nam 60 millj­
ónum króna. Ljóst var þá og þegar
að borgin hefði greitt yfirverð fyrir
jörðina og rúmlega það.
Í grein Össurar Skarphéðins­
sonar, núverandi þingmanns Sam­
fylkingarinnar, í Þjóðviljanum í maí
1986 er þetta enda sagt „óheyrilegt
kaupverð“ í fyrirsögn og er bent á í
greininni að jörðin hafi verið tífalt
dýrari en t.d. Nesjavellir á sínum
tíma.
„Gömlu eigendurnir fá því 60
milljónir á silfurfati úr sameigin­
legum sjóðum Reykvíkinga, án þess
að þurfa í rauninni að láta landið af
höndum. Orsökin er ein og aðeins
ein: eigendurnir eru erfingjar gam­
algróins áhrifamanns úr Sjálfstæðis­
flokknum. Þeir tilheyra Engeyjar­
ættinni svokölluðu. Og þess má geta
í viðbót, að hitaveitustjóri vann að
samningagerðinni fyrir hönd Reykja­
víkurborgar. En svo vill til að hann er
líka nátengdur gömlu eigendunum.
Hvað er spilling, ef þetta er ekki spill­
ing?“ spurði blaðamaðurinn Össur
árið 1986.
Fleiri harðorðar greinar af sama
toga má finna frá þessum tíma á
vefnum timarit.is. Meðal annars
heilsíðuauglýsingu frá Alþýðuflokks­
Nýr bústaður rís á
á tanga Engeyinga
n OR á jörðina n Fjölskyldan hélt eftir afnotum leigulaust n Jarðhiti ekki enn nýttur
Sigurður Mikael Jónsson
mikael@dv.is
Saman í bústað Þessi mynd af Sigmundi og Bjarna birtist þegar stjórnarmyndunarvið-
ræður stóðu yfir í maí 2013. Þarna sitja þeir í bústað Benedikts, föður Bjarna.
Rís í landi Engeyinga Framkvæmdir
standa greinilega yfir vegna bústaðar á lóð
Ingimundar Sveinssonar við Þingvallavatn.
Hingað og ekki lengra
Sumarbústaðaland Engeyinga er í eigu OR
en engu að síður lokað utanaðkomandi.