Dagblaðið Vísir - DV - 08.04.2016, Blaðsíða 14

Helgarblað 8.–11. apríl 201614 Umræða Stjórnmál
5 5 2 - 6 0 6 05 5 2 - 6 0 6 0
Ugly. is - smiðjUvegi 2 og l angarima 21
Stefnir í Sumar hinna hörðu átaka
n Misburðugir flokkar búa sig undir kosningabaráttu n Næstu dagar skipta öllu máli fyrir nýja ríkisstjórn n Stjórnarandstaðan er til í hörð átök í flestum málum
A
ftur á byrjunarreit. Eftir
mikið tal um siðbót og ný
stjórnmál er traust þjóðar­
innar á íslenskum stjórn­
málum komið á sama stað
og eftir hrun. Undanfarna daga hef­
ur þjóðin í forundran horft upp
á ævintýralegt leikrit sem skrifað
var af stjórnmálamönnum í ör­
væntingu. Þetta leikrit hafði allt,
háðulegt fall aðalpersónunnar,
skylmingar og stóryrði í allar áttir og
jafnvel sprenghlægileg augnablik í
beinni sjónvarpsútsendingu.
Framvindan hefur fram til þessa
verið óútreiknanleg, en nú liggur
fyrir að það verður kosið innan
skamms. Það er einungis spurn­
ing um tíma og veltur í raun á al­
menningi. Ríkisstjórn Sigurðar Inga
Jóhannssonar, sem tók formlega við
völdum í gær, heldur í sinn leiðang­
ur í miklum mótbyr og mun ekki
þola fjölmenn mótmæli til lengdar.
Einkum ef litið er til þess að það eru
ekki allir þingmenn stjórnarliðsins
sem halda í leiðangurinn af fullum
hug. Fjari undan mótmælunum á
næstu dögum er ekkert því til fyrir­
stöðu að ríkisstjórnin sitji fram á
haust.
Hvort sem kosið verður á næstu
tveimur mánuðum eða í haust, þá
þurfa flokkarnir að fara að undir­
búa kosningar með öllu sem því
fylgir. Formenn allra flokka segjast
reiðubúnir til kosninga, en það þarf
enginn að velkjast í vafa um að þær
yfirlýsingar eru settar fram af mis­
mikilli einlægni. Hér að neðan verð­
ur farið yfir stöðuna innan flokk­
anna eins og hún blasir við í dag.
Fíllinn í herberginu
Framsóknarmenn þurfa að spyrja
sig stórra spurninga á komandi vik­
um. Forsætisráðherrann, sem flokk­
urinn eins og hann lagði sig varð­
veitti á stalli og sló skjaldborg um,
er fallinn. Sú staða að Sigmundur
Davíð Gunnlaugsson er enn for­
maður og þingmaður setur flokks­
menn í óþægilega stöðu. Sam­
kvæmt nýjustu mælingu nýtur hann
trausts einungis 10 prósent þjóðar­
innar og nær útilokað er að nokk­
ur flokkur á þingi sé tilbúinn að
starfa með honum í náinni fram­
tíð eftir það sem á undan er gengið.
Kjarninn í kringum Sigmund Davíð
Gunnlaugsson telur hins vegar að
hann eigi endurkomuleið í íslensk
stjórnmál og mun berjast með kjafti
og klóm fyrir áframhaldandi yfir­
ráðum hans yfir flokknum. Það
gætu orðið átök. Bæjarfulltrúar víða
um land risu upp gegn honum fyrr
í vikunni og vitað er að innan þing­
flokksins er skýr vilji til að boða strax
til kosninga.
Það yrði mikið hættuspil fyrir
Framsóknarflokkinn að fara inn í
kosningar án nokkurs konar upp­
gjörs við formannsembættið, hvort
sem þeir kjósa að bola Sigmundi
Davíð frá eða veita honum áfram­
haldandi umboð til að leiða flokk­
inn áfram líkt og sumir þingmenn
hafa látið liggja að við Eyjuna að
sé fyllilega mögulegt. Sigurður Ingi
er augljóslega næstur í röðinni,
en framsóknarmenn virðast hafa
dregið upp óvænt tromp með því
að sækja Lilju Alfreðsdóttur í ráð­
herraembætti. Ekki aðeins er hún
með Framsóknar­DNA í blóðinu
verandi dóttir Alfreðs Þorsteins­
sonar, heldur er hún vel liðin þvert
á flokka. Engum ætti að koma á
óvart þótt hún yrði formaður Fram­
sóknarflokksins fyrr en síðar.
Magnús G. Eyjólfsson
Freyr Rögnvaldsson