Dagblaðið Vísir - DV - 06.05.2016, Side 4

Helgarblað 6.–9. maí 20164 Fréttir
… komdu þá við hjá okkur
Ertu á leið í flug?
Hafnargötu 62, KEflavíK / pöntunarsími 421 4457
Hádegis-tilboð alla daga
Gerum við Apple vörur
iP
one í úrvali
Sérhæfum okkur í Apple
Allskyns
aukahlutir s: 534 1400
Höfnuðu World Class
og gróðurhvelfingum
Hafnarfjarðarbær vill ekki láta lóð við Suðurbæjarlaug undir líkamsræktarstöðvar eða matjurtarækt
B
æjaryfirvöld í Hafnar firði
höfnuðu á þriðjudag um­
sóknum þriggja fyrirtækja
sem öll vildu byggja á lóð
Suðurbæjarlaugar og opna
þar líkamsræktarstöðvar eða gróður­
hvelfingar. World Class og Gym
heilsa ehf. kepptust þar um leyfi til
að byggja líkamsræktarstöðvar en
sprotafyrirtækið Spor í sandinn vildi
opna þar klasa gróður hvelfinga.
Forsvarsmenn fyrir tækjanna þriggja
höfðu ekki heyrt af ákvörðun bæjar­
yfirvalda þegar DV náði tali af þeim á
miðvikudag.
Skoðar aðrar lóðir
Skipulags­ og byggingarráð Hafnar­
fjarðar tók á þriðjudag undir umsögn
skipulagsfulltrúa bæjarins sem er á
móti byggingaráformum fyrirtækj­
anna þriggja á lóðinni Hringbraut 77.
Samkvæmt henni er umrætt svæði
skilgreint sem land undir samfélags­
þjónustu. Hugmyndirnar þrjár falli
því ekki að aðalskipulagi svæðisins.
„Svona er oft með byltingar­
kenndar hugmyndir, að þær standa
stundum í regluverkinu,“ segir Hjör­
dís Sigurðardóttir, framkvæmdastjóri
og eigandi Spors í sandinn. Fyrir­
tæki hennar óskaði í mars síðast­
liðnum, í bréfi til bæjar ráðs Hafnar­
fjarðar, eftir því að fá að kaupa eða
leigja lóð sunnan við sundlaugina
undir sjálfbærar gróðurhvelfingar
(e. Biodomes). Samkvæmt umsókn
fyrir tækisins var hugmyndin að rækta
þar matjurtir en einnig bjóða upp á
„fræðslutengda upplifun og nýja inn­
viði í afþreyingu og ferðaþjónustu“.
„Við munum nú taka upp sam­
tal við bæjaryfirvöld og skoða þeirra
rök og hvort þau hafi aðra staðsetn­
ingu í huga. Ég skoða þetta með
opnum hug,“ segir Hjördís og bæt­
ir við að hún hafi einnig sýnt öðrum
lóðum í Hafnarfirði áhuga.
„Þær komu út úr samráðsfundi
með skipulagsstjóra bæjarins. Á
þeim fundi sammæltumst við um
að Suðurbæjarlaug félli best að hug­
myndafræði okkar um myndun
klasa gróðurhvelfinga með annarri
starfsemi. Það er búið að kynna
þetta fyrir fjölda fjárfesta en skuld­
bindingin verður aldrei til staðar
fyrr en staðsetningin er á hreinu. Ég
er einnig að skoða önnur sveitarfé­
lög og það má segja að ég sé með
allt landið í skoðun. Ég vil ekki nefna
þau en það kemur í ljós fljótlega,“
segir Hjördís.
„Vonbrigði“
Bæjarráði Hafnarfjarðar barst umsókn
World Class um sömu lóð í febrú­
ar 2015. Í umsókninni greinir Björn
Leifsson, framkvæmdastjóri og stofn­
andi fyrirtækisins, frá hugmyndum
þess um 2.000 fermetra heilsuræktar­
stöð í suðurenda sundlaugargarðsins.
Stöðin verði af „fullkomnustu gerð
með vel búnum æfingasölum, af­
greiðslu og búningsklefum“.
„Það eru að sjálfsögðu vonbrigði
að bærinn hafi hafnað þessu. Ég hafði
áhuga á að gera flotta stöð í bænum.
Ég er að byggja aðra stöð í Breiðholti
og ætla að klára það og sé svo til með
framhaldið,“ segir Björn.
Gym heilsa hefur rekið heilsurækt
í Suðurbæjarlaug í 17 ár. Fyrirtækið
sendi bæjarráði Hafnarfjarðar bréf
í lok mars í fyrra og óskaði eftir sam­
starfi um rekstur nýrrar stöðvar í 500
fermetra byggingu sem yrði reist við
núverandi mannvirki. Kjartan Már
Hallkelsson, rekstrarstjóri Gym heilsu,
hafði ekki heyrt af ákvörðun bæjar­
yfirvalda þegar DV náði tali af honum
á miðvikudag og vildi af þeim sökum
ekki tjá sig um niðurstöðuna. n
Haraldur Guðmundsson
haraldur@dv.is
Ekki hætt Hjördís Sigurðardóttir, fram-
kvæmdastjóri Spors í sandinn, skoðar nú aðrar
lóðir í Hafnarfirði undir gróðurhvelfingarnar.
Vonsvikinn Björn Leifsson, framkvæmda
stjóri World Class, segir ákvörðun bæjaryfir-
valda í Hafnarfirði hafa komið sér á óvart.
Suðurbæjarlaug Fyrirtækin þrjú vildu öll byggja á lóð laugarinnar.