Dagblaðið Vísir - DV - 13.09.2016, Blaðsíða 8

Vikublað 13.–15. september 20168 Fréttir
É
g er búin að vera með tárin í aug-
unum og ekkert annað kemst að.
Þessi óvissa er skelfileg.“ Þetta
segir hin 34 ára Gyða Dröfn
Hannesdóttir sem greindist með æxli
í hálsinum í lok sumars. Gyða fær
ekki tíma í ástungu fyrr en 19. sept-
ember næstkomandi. Hún bíður fyrir
vikið á milli vonar og ótta eftir því að
vita hvort æxlið sé góðkynja eða hvort
hún sé með krabbamein. Gyða, sem
þjáist af kvíða, hefur í sumar orðið fyr-
ir gríðarlegu þyngdartapi, sem hún
kann engar skýringar á. Við bætist
að bæði í móður- og föðurætt henn-
ar hefur fólk glímt við krabbamein í
skjaldkirtli.
Hún gagnrýnir upplýsingaskort
að hálfu Landspítalans og biðtímann
harðlega, en fjórar vikur munu líða
frá því að hún leitaði fyrst til læknis
vegna málsins og þar til hún kemst í
ástungu. Þá tekur við önnur bið eftir
niðurstöðum.
Æxlið birtist á hálsinum
Laugardaginn 20. ágúst síðastliðinn
var Gyða Dröfn að keyra með dóttur
sinni þegar hún fékk skyndilega mik-
inn höfuðverk. „Ég hef aldrei fundið
svona áður. Gríðarlegur sársauki
og sjóntruflanir.“ Gyða komst með
naumindum heim til sín. Þar fann
hún, sér til mikillar hrellingar, stórt
þykkildi í hálsinum. „Þetta poppaði
bara út á nokkrum klukkutímum.
Æxlið sést mjög greinilega og hefur
greinilega þrýst á eitthvað í höfðinu
þegar það stækkaði eða braust svona
hratt fram,“ segir Gyða Dröfn sem
leitaði strax næsta dag á læknavakt-
ina.
Búin að bíða of lengi
Gyða segir að læknirinn á vaktinni
hafi staðið á gati varðandi þykkildið
en hafi sent hana í frekari rannsóknir
og ómskoðun á hálsinum, á Domus
Medica, fjórum dögum síðar, eða
þann 24. ágúst.
Tveimur dögum síðar, þann 26.
ágúst, fékk Gyða að vita að þykkildið
væri æxli í skjaldkirtlinum sem er
yfir fjórir sentimetrar að stærð. Ekki
er hægt að segja til um hvort æxlið
sé góðkynja eða illkynja krabbamein
nema með ástungu.
„Síðan 26. ágúst hef ég beðið á
milli vonar og ótta eftir að fá tíma
sem fyrst í ástungu.“
Gyða kveðst ítrekað hafa haft sam-
band við innkirtladeild Landspítal-
ans, sem sér um ástungur. Þar hafi
hún lítil sem engin svör fengið þrátt
fyrir að henni liggi á að vita hvort
hún sé með krabbamein, sem og að
ræða við lækni til að fara yfir málin
og fá svar við spurningum er tengj-
ast æxlinu.
Óeðlilegt
Þriðjudaginn, 6. september hafði
Gyða enn einu sinni samband við
deildina og sagði ritaranum að henni
þætti ekki eðlilegt að þurfa að bíða
svona lengi í þessu ástandi, fá engar
upplýsingar um málið og vita ekki
hvenær hún komist í ástungu.
Að sögn Gyðu sagðist læknarit-
arinn ætla að heyra í lækninum og
ræða málið við hann. Gyða kvaddi
hana með þeim orðum að þær
skyldu heyrast aftur 7. september.
Þann 8. september hringdi Gyða
svo aftur og fékk þær upplýsingar
að beiðni hennar um ástungu hefði
verið samþykkt og send áfram á
Domus Medica. Þangað eigi hún að
mæta og hitta lækni sem framkvæm-
ir ástunguna þann 19. september
næstkomandi.
Óvissan er lýjandi
Gyðu, sem er kvíðasjúklingur,
reynist biðin þungbær en ekki er
hægt að flýta tímanum sökum álags.
þAÐ HANGIR
YFIR MÉR
DRAUGUR
n Óttast að vera með krabbamein n Æxlið
fannst í lok sumars eftir mikið þyngdartap
n Langur biðtími eftir ástungu
Kristín Clausen
kristin@dv.is
„Ein hræðilegasta
tilfinning sem ég
hef upplifað er að þurfa
að bíða í þennan tíma og
vita ekki neitt.
Gæði í
merkingum
www.graf.is
• Sandblástursfilmur
• Skilti úr málmi, plasti og tré
• Merkingar á bíla
Hjallahraun 2, Hfj. - S: 663-0790