Kiwanisfréttir - 01.12.1978, Blaðsíða 20

þær sem eingöngu eru ætlaðar öryrkjum, sem
ekki þurfa neina fasta stoð eða leiðbeiningar
við heimilishaldið og hins vegar íbúðir þar
sem gert er ráð fyrir húsbændum, sem gætu
veitt öryrkjum þjálfun í heimilishaldi og
nauðsynlegt öryggi.
Vegna þess hversu kostnaðarsamt er að
koma upp slíku húsnæði og vegna þess, að
Geðverndarfélagið hefur takmörkuð fjárráð
hafa Kiwanisklúbbarnir á íslandi nú ákveðið
að verja verulegum hluta af ágóðanum frá
síðasta K-degi til þess að styrkja byggingu
slíks húsnæðis. Er sú ákvörðun eðlilegt fram-
hald fyrri styrks Kiwanisklúbbanna til endur-
hæfingar geðsjúkra. Hér er ætlunin að stuðla
að frekari endurhæfmgu i heimilishaldi og
jafnfram að stuðla að því, að sú endurhæfing,
sem fyrrverandi sjúklingar eða öryrkjar hafa
náð nýtist og öryrkjarnir geti orðið sjálfstæðir
og notið jafnréttis á við aðra þjóðfélagsþegna.
Halldór Hansen, formaður Geðverndarfélags Islands:
Það er öllum í Geðverndarfélagi íslands
mikið fagnaðarefni að Kiwanishreyfingin
hefur tekið málefni geðsjúkra og öryrkja
af völdum geðsjúkdóma að sér og það föstum
tökum. Og enn vænna þykir okkur um, að
almenningur styður verkefni Kiwanismanna
af heilum hug og ber traust til þeirra um að
leiða það fram til sigurs, sem þeir taka að sér.
Ella mundi fjársöfnun Kiwanishreyfingar-
innar ekki ganga jafnvel og raun ber vitni.
Geðverndarfélag Islands stendur nú þegar
í mikilli þakkarskuld við Kiwanismenn fyrir
dyggilegan og hagnýtan stuðning við atvinnu-
mál geðsjúkra. Þeir hafa lagt Bergiðjunni
það lið, sem um munar, en það er einmitt úr
einingum hennar - eða réttara sagt einingum
framleiddum á hennar vegum - sem fyrir-
hugað heimili verður byggt. I þessu er mikil
hagkvæmni og tveim óskyldum en samt ná-
tengdum marmiðum náð: Fyrrverandi geð-
sjúklingar eignast þak yfir höfuðið og jafn-
framt skapast hentugir atvinnumöguleikar
fyrir þá.
Vonandi verður mjög fljótlega hægt að
hefjast handa um byggingarframkvæmdir og
að þeim loknum mun heimilið ætlað til
afnota fyrir einstaklinga af báðum kynjum og
á öllum aldri - ekki hvað síst unglinga - hvar
svo sem þeir eiga lögheimili á landinu.
Um leið og ég færi Kiwanishreyfingunni og
alþjóð hjartkærar þakkir fyrir að taka að sér
málstað þeirra, sem einna síst geta rekið
réttar síns sjálflr, vona ég af alhug, að þetta
heimili verði einungis það fyrsta af mörgum.
Merkum áfanga er nú þegar náð, en betur má
ef duga skal. Og það er von mín og trú, að þeir,
sem lífið leikur grátt, geti haldið áfram að
leggja traust sitt á stuðning almennings og
þrautseigan dugnað samtakaeins og Kiwanis-
hreyfingarinnar.
Halldór Hansen yngri,
Formaður Geðverndarfélags Islands.
PRAKTICA
LjósmYndavélar
Einkaumboð:
XCO HF.
Vesturgötu 53 B
Símar: 27979 og 27999
CHIOR1DE
Eldvamakerfi og
neyðarlýsingar.
XCO HF.
Vesturgötu 53 B
Símar: 27979 og 27999
20
K-FRÉTTIR