Dagblaðið Vísir - DV - 17.03.2017, Page 25

Helgarblað 17.–20. mars 2017 Kynningarblað - Til sjávar 3
Reykhúsið Reykhólum
R
eykhúsið Reykhólar
hefur frá upphafi
ákveðið að halda uppi
kröfum um mikil gæði í
framleiðslunni og halda
bæði ferskleika og bragðgæðum.
„Það gerum við með kaupum á
íslenskum gæðalaxi frá laxeldis­
fyrirtækinu Arnarlaxi þar sem
laxinn er alinn við bestu hugsan­
legar aðstæður,“ segir Oddur
Friðrik Vilmundarson, fram­
kvæmdastjóri Reykhóla. „Með
þessum ráðstöfunum þykir okkur
við hafa getað uppfyllt kjörorð
okkar, sem er og verður; gæði og
gott bragð,“ segir Oddur.
Sérhæfðir í reyktum fiski
„Við sérhæfum okkur í reyktum
og gröfnum laxi og öðrum bleik­
fiski en ákveðið var fyrir tveimur
árum að einfalda vinnsluna með
því að taka nánast út alla fersklax­
söluna og sérhæfa okkur í því sem
við erum bestir í,“ segir Oddur.
„Hjá okkur eru fimm stöðugildi
í fullu starfi og veitir ekki af, því vinnsla
okkar byggir á mikilli handavinnu, við
handflökum laxinn, handsneiðum
hann og notum ekki mikið vélar til
verka. Á álagstíma er bætt við fólki eftir
því sem þarf,“ segir Oddur. Reykti lax­
inn frá Reykhúsinu Reykhólum þykir
einstaklega bragðgóður og fékk hann
gullverðlaun árið 2014 í keppni MFK
sem er haldin annað hvert ár og hlaut
fyrirtækið silfurverðlaun fyrir graflax­
inn. Árið 2016 fékk Reykhúsið gull fyrir
grafinn lax og silfur fyrir reyktan lax.
Íslenskar matvöruverslanir og
erlendur markaður
„Aðaláherslurnar okkar eru sala inn­
anlands til matvöruverslana og hægt
er að fá framleiðslu okkar víða eins og
til dæmis í Krónunni, Fjarðarkaupum,
Hagkaupum, Melabúðinni, Nóatúni,
Kjarvali og Kvosinni. Við dreifum líka
til hótela, veitingastaða og í sælkera­
verslunina Pure Food Hall í Flugstöð
Leifs Eiríkssonar. Það er alltaf þónokk­
ur útflutningur hjá okkur og eykst
hann á hverju ári, aðallega til Sviss,
Spánar, Bretlands og Þýskalands,“
segir Oddur. „Við höfum verið með
trygga viðskiptavini innanlands og er­
lendis í fjölda ára sem vilja fá okkar
gæðavöru. Við bjóðum fyrst og fremst
upp á gæði og gott bragð og hefur það
skilað okkur sterkum viðskiptatengsl­
um við viðskiptavini,“ bætir hann við.
Starfsemin byggð á
mikilli þekkingu
Reykhúsið Reykhólar var stofnað í
desember 2009 af Oddi Vilmundar­
syni og Aðalsteini Finsen. Báðir hafa
langa reynslu af vinnslu sjávarafurða.
Drög að stofnun Reykhússins Reyk­
hóla voru lögð á vormánuðum 2009,
en stofnendur fyrirtækisins voru sam­
mála um að rými væri fyrir gæðavöru
á þessu sviði á markaði hérlendis sem
og erlendis. Fenginn var ráðgjafi til liðs
við Odd og Aðalstein sem kom sér vel
þar sem viðkomandi hafði mjög mikla
reynslu af framleiðslu og meðhöndlun
á laxi. n
Myndir ÞorMar Vignir gunnarSSon
Margverðlaunaður
grafinn og reyktur lax